Yilinga 7:2 - Mukanda Wa Zambi 1970

² Neye yakumbulula ngwenyi: “Akwetu ni atata, achivwenu! Zambi ya uhenya waswekelele kashakulu ketu Abrahama muze atwamine mu chifuchi cha Mesopotamia, shimbu te kanda achiza ni kutwama mu limbo lia Harane.

MUKANDA USANDU WA ZAMBI 1975

² Eshetevau wambile ngwenyi, Mandumbu ni atata, ivwenu ngwami, Zambi ya uhenya wasolokele kuli kulwetu Apalahama, muze apwile mu Mesopotamia, shimbu kanda atwama mu Ha-rane,

Yilinga 7:2 Iomraidhean Croise

Ubutukilo 11:31

Mba Tera yanda mwanenyi Abrama ni mujikulu wenyi Lote, mwana wa Harane, yanda nawa tembwa mwanenyi Sarai, pwo lia Abrama, yaakatuka ku limbo lia Ure mu chifuchi cha Babilonia, yaaya ku chifuchi cha Kanana. Yaaya ndoo ku limbo lia Harane, yaatunga ko.

Ubutukilo 12:1

Mwene Zambi yambila Abrama ngwenyi: “Katuka muno mu chifuchi che, hichika usoko we ni limbo lia tatenu, hanga uye mu chifuchi chize mungukulweza.

Ubutukilo 12:5

Yanda mukwo pwo Sarai ni Lote, mwana wa mwanakwo, yanda nawa ubite weswe ni ndungo eswe waze abichile mu Harane. Mba yaakatuka, yaaya ku chifuchi cha Kanana. Muze haaheta ku Kanana,

Ubutukilo 15:7

Mba Mwene Zambi yambila Abrama ngwenyi: “Nguli Mwene Zambi, nakuchijile ku limbo lia Ure mu chifuchi cha Babilonia ha kukwaha chifuchi chino cha chihinga.”

Ubutukilo 29:4

Yakoba yahula tufunga waze abwile ko ngwenyi: “Akwetu, ku mahienu kulihi?” Yaamukumbulula ngwo: “Ku Harane.”

Nehemia 9:7

Yena Mwene Zambi, watongwele Abrama Yiumutuhwisa ku Ure mu chifuchi cha Babilonia; Yiwalumuna jina lienyi, yilibwa Abrahama.

Miaso (Masamu) 24:10

Mwe mwanangana munene iya? Mwene Zambi Mukwa Ndundo Jeswe, iye mwe Mwanangana!

Miaso (Masamu) 24:7

Azululenu yajilo ya ku chipanga azululenu ku yikolo yikulu, mba mwanangana munene manjila mo.

Miaso (Masamu) 29:3

Liji lia Mwene Zambi linahiohio ha kalunga lwiji, Zambi ya uhenya kanakulunguza, Liji lienyi linahiohio ha kalunga lwiji munene.

Izaya 37:12

Ngwami, tushakulu twami haanonona membo ja Gozane, ni Harane, ni Rezefe, ni haanashihi Abetedene waze te atwama mu Telasare; mazambi jo kaahashile ko kwakwasa.

Izaya 51:2

Nyongenu kashakulu kenu Abrahama, ni Sara, yoze wanusemene. Muze natambikile Abrahama, te keshi ana, alioze yingumuwahisa, yingumwaha ana; yingwokesa vungu lienyi.

Izaya 6:3

Yaalitambieka ngwo: “Munangi, munangi, munangi! Mwene Zambi Mukwa Ndundo Jeswe kali munangi! Uhenya wenyi hiunazala hashi.”

Mateu 6:13

Kanda ututwala kama ku yeseko yikalu, alioze tufunge kama kuli mwe Mubi’. (Mumu we Wanangana, ni je tachi, ni we uhenya, yeswe niye ndoo ku miaka yeswe. Chibwe kama Chenacho.)

Luka 2:14

“Fumanyisenu Zambi Mwilu Mwahiana! Hano hashi uhwimino hakachi ka atu waze akumuwahila!”

Yoano 1:14

Lie Liji yilialumuka mutu, yatwama mukachi ketu, mukwa utu ni umwenemwene. Yitumona uhenya wenyi unji, uhenya uze mwe Mwana hanatambula kuli Tato.

Yoano 12:41

Izaya yamona uhenya wa Yesu, kashika yachamba hakutwala kuli iye.

Yilinga 22:1

“Akwetu ni atata, ivwenu haliabwila kulisambisa chami ku meso jenu.”

Yilinga 23:7

Muze te hamba chino, hakachi ka Afariseu ni Asaduseu yihabwa pami jinji. Ye mbunga yaalihandununa.

Yilinga 7:1

Mwata wa mahako yahula Estevau (Etienne) ngwenyi: “Chenacho, nyi?”

1 Korintu 2:8

Mukwa kuyula niumwe wa mwakono wanyingikine mana waze. Nyi te haananyingika mana waze, kachi kaaliachile ko Mwene wetu wa uhenya ha kulusu.

Efesu 1:17

Nakuliumba kuli Zambi ya Mwene wetu Yesu Kristu, Tata ya uhenya, ngwami, akanwehe Mwiku wa Linanga. Wenawo muukanwaha malinjekela ni kusolola Zambi kuli yenu, hanga nukamunyingike.

Titu 2:13

Utu uze wakutulongesa kushimbwila Tangwa lia uwahililo ku lize twakusa mbunge, muze uhenya wa Mukulu Zambi yetu kanda Chilamwina Yesu Kristu muukasoloka.

Hebreu 1:3

Mwe Mwana kanatemuka ni kubeyima cha uhenya wa Zambi. Kulifwa chenyi chili lume pundu ngwe chize abwa Zambi. Mwanenyi kakwata yuma yeswe ku tachi ja liji lienyi. Muze habemesa atu ku shili yo, yatwama ha chitwamo cha Wanangana mwilu ku chindume cha Zambi, Mukwa Ndundo Jeswe.

Hebreu 11:8

Ku ufulielo tata Abrahama yononoka muze Zambi amutambikile, yaya ku chifuchi chize Zambi amulakenyene kumwaha chihinga. Yakatuka ku chifuchi chenyi mwene, kunyingika ka kuze te anayi.

Tiangu (Jake) 2:1

Akwetu, yenu waze nwakufuliela Mwene wetu wa uhenya, Yesu Kristu, kanda nubwa ni katonde.

Yoshua 24:2

Yoshua yaamba ngwenyi: “Mwene Zambi, Zambi ya Aisraele, kanambe chino ngwenyi: ‘Mwakawali tushakulu twenu te kaatwama musali lia lwiji Ufrateze ni kuwayila mazambi eka. Umuwika hakachi ko jina lienyi Tera, tato ya Abrahama ni Nahore.

Usolwelo 4:11

“Yena Mwene kanda Zambi yetu, kuwatela uhaliso, ni ulemu, ni ndundo. Mumu yena watangile yuma yeswe. Yuma yeswe kuyili ni mwono shina mumu ha upale we.”