Yilinga 6:9 - Mukanda Wa Zambi 1970

⁹ Alioze yikukatuka amwe akwa kuvundula a ku zuwo lia kuwayila, lize te akuvuluka ngwo: “Kule.” Mukachi ko yimubwa Ayuda a ku membo ja Sirene, ni Alexandria. No yaabutuka kuhamika ni Estevau (Etienne) hamwe ni Ayuda akwo a ku Silisia ni Asia.

MUKANDA USANDU WA ZAMBI 1975

⁹ Alioze kwakatukile amwe akwa sunangonga yize ya Libertino, ni amwe a kuli A-Serene, ni a kuli A-Alezandre, ni a kuli akwa Selishia, ni a ku Eshia, mukuhangulula ni Eshetevau.

Yilinga 6:9 Iomraidhean Croise

Mateu 10:17

Kanyamenu, mumu atu maakanukwata, maakanukunjika ku Mbunga ya Ngaji ja Ayuda, maakanulamba ni fimbo (shikote) mu mazuwo jo a kuwayila.

Mateu 23:34

Kashika, talenu, mungunutumina akwa munanyi a Zambi, ni akwa mana, ni alongeshi a Shimbi. Munukashiha amwe, munukahachila akwo ha makulusu, munukalamba amwe ni fimbo (shikote) mu mazuwo jenu a kuwayila ni kwahungumiona ku limbo ni limbo.

Mateu 27:32

Shimbu maachituhuka mu limbo, yaatakana ni umwe mutu wa ku Sirene, jina lienyi Simone. No yaamwaha kulusu ya Yesu ni tachi hanga ayimbate.

Marku 13:9

“Alioze kanyamenu yenwene, mumu atu maakanukunjika ku Mbunga ya Ngaji ja Ayuda, maakanulamba mu mazuwo a kuwayila ja Ayuda. Munukamana ku meso ja akwa kuyula ni ku meso ja mianangana, mumu hali yami, ha kushindakenya Sango Jibema.

Luka 21:12

“Alioze shimbu yize yeswe kanda yichibwa, atu maakanukwata, maakanuhungumiona, maakanukunjika ha kunubatwila mu mazuwo ja kuwayila, maakanusa mu mazuwo a lamba, maakanuneha ku meso ja mianangana ni akwa kuyula mumu hali yami.

Yilinga 11:20

Alioze hakachi ko habwile malunga akwo a ku tungu lia Shipre ni ku limbo lia Sirene, muze haaheta ku Antiokia, yambujola nawa kuli mavungu akwo, yaanyingikisa Sango Jibema ja Mwene Yesu.

Yilinga 13:1

Mu Chikungulwila cha Antiokia, akwa munanyi a Zambi ni alongeshi te atwama mo: Barnaba, ni Simone (yoze te akuvuluka ngwo, mutu mulaa), ni Lusiu (Kasirene) ni Manaene (yoze alelele hamwe ni mukwa kuyula Herode), ni Saulu.

Yilinga 13:45

Ha kumona mbunga yize, Ayuda yeevwila ukwa unji, yaahangulula Paulu, yaamushililika.

Yilinga 15:23

Tunganda yaaha mukanda uno ha kutuma ko. Ngwo: “Yetu tunganda twa Yesu ni makulwana, usoko wenu mu ufulielo, tunanumeneka yenu akwetu hi Ayuda ko nwatwama mu limbo lia Antiokia, ni mu chifuchi cha Siria, ni cha Silisia.

Yilinga 15:41

Yeendangana ndusu mu chifuchi cha Siria ni cha Silisia nikutakamisa Yikungulwila.

Yilinga 16:6

Shimbu abalikile ndusu mu chifuchi cha Frigia ni cha Galashia, Mwiku wa Linanga yiwakinda kwambujola maliji a Zambi mu chifuchi cha Asia.

Yilinga 18:24

Kayuda umuwika, jina lienyi Apolo, yeza ku limbo lia Efesu. Ku limbo lia Alexandria asemukinyine. Yalongoloka kuhanjika kanawa, yanyingika Mukanda wa Zambi.

Yilinga 19:10

Chino yichibwa ha miaka yaali. Kashika atu eswe a mu chifuchi cha Asia, Ayuda ni waze hi Ayuda ko, yeevwa sango ja Mwene Yesu.

Yilinga 19:26

Nunamono ni nunevu ngwo, mutu yono, Paulu, hanakununa atu anji. Kakwamba ngwenyi: ‘Mazambi waze akulinga ni moko ja atu, hi mazambi ko.’ Chino kachilingile ko mu Efesu wika, kwasala hakepe ni mu chifuchi cheswe cha Asia nawa.

Yilinga 21:27

Muze e matangwa shimbiali a kuliwahisa haamanunuka, Ayuda a ku chifuchi cha Asia, yaamona Paulu mu zuwo lia Zambi, yaavundula mbunga yeswe, yaamukwata,

Yilinga 21:39

Paulu ngwenyi: “Yami nguli Kayuda wa ku Tarsu mu chifuchi cha Silisia. Nguli mwenya limbo ha lufuma. Ngutayize kama ngunakulembe nguhanjike ni atu.”

Yilinga 22:19

Ami ngwami: ‘Mwene, ayo kaananyingika ngwo, mu mazuwo eswe ja kuwayila ja Ayuda te nakukwata akwa kufuliela, nikwasa mu zuwo lia lamba.

Yilinga 22:3

“Yami nguli Kayuda. Nasemukine mu Tarsu, limbo ha mu chifuchi cha Silisia. Alioze yaangulelela mu limbo lino. Gamaliele mwe wangulongesele kanawa Shimbi ja tushakulu twetu. Nalihanyine kuli Zambi ngwe chize nwakulihana yenu musono.

Yilinga 23:34

Muze mukwa kuyula hatanga mukanda, yahula Paulu chifuchi chenyi. Ha kunyingika ngwenyi, kali wa ku Silisia,

Yilinga 24:18

Hohene yaanguwana nikulibemesa mu zuwo lia Zambi lia Ayuda, hi mukachi ka mbunga ko, chibwe ni Vunda ka.

Yilinga 26:11

Yisuho yinji naamwesene lamba mu mazuwo ja kuwayila, nikwashinjika kulikala ufulielo wo. Yingwevwila ufwatulo, yingwahungumiona ndoo ku membo ja yilambala.”

Yilinga 6:10

Alioze kaahashile ko kulimika nenyi, mumu yahanjika ni mana waze amuhele Mwiku wa Linanga.

1 Korintu 1:20

Alioze, kuchi hakutwala kuli akwa mana? Kuchi hakutwala kuli waze haanalilongesa chinji? Kuchi hakutwala kuli akwa yinyingi? Zambi kahepwishile ko mana ja mwakono, nyi?

Galashia 1:21

Hohene, yinguya mu yifuchi ya Siria ni Silisia.