Yilinga 6:5 - Mukanda Wa Zambi 1970

⁵ Maliji wano yaawahisa mbunga yeswe. No yaasakula Estevau (Etienne), mutu yoze te unazala ni Mwiku wa Linanga, mukwa kufuliela wamwenemwene. Yaatongola nawa Filipe, ni Prokoru, ni Nikanore, ni Timone, ni Parmena, ni Nikalau, wa ku limbo lia Antiokia, mukwa vungu likwo yoze watayijile longeso lia Ayuda.

MUKANDA USANDU WA ZAMBI 1975

⁵ Liji lino Kapemenene chizavu cheswe: mba atongwele Eshetevau, lunga wa tò ni Ufulielo ni Spiritu Musandu, ni Fwilipe, ni Prokoru, ni Nikanore, ni Timau, ni Parmena, ni Nikolau, mukwa kutayiza wa ku Andiakia;

Yilinga 6:5 Iomraidhean Croise

Ubutukilo 41:37

Mwanangana ni akwa kuyula yaatayiza maliji waze ahanjikile Josefe.

Yishima 15:1

Kumbululo lia vumbi kuliakuholesa ufwatulo, alioze liji likalu kuliakusangumuna utenu.

Yishima 15:23

Kuwaha chinji kuyuka maliji abema ha tangwa libema!

Mika 3:8

Alioze hakutwala kuli yami, Mika, Mwene Zambi kakunguzalisa ni Mwiku wenyi wa tachi. Hangwaha yinyingi ya ululi ni hamu lia kulweza Aisraele milonga yo.

Mateu 23:15

“Lamba lienu alongeshi a Shimbi ni Afariseu, yilembekese! Mumu nwakujingajinga hashi heswe ni ha meya hanga nutayijise kambaji umuwika! Muze mataa, hinwamwalumuna yisuho yaali kutela mu kahia kuhiana yenwene!

Yilinga 11:19

Lamba lize liakawile kushiha cha Estevau (Etienne) yilimwanga akwa k ufuliela mwamwaa. Akwo yaaya ndoo ku chifuchi cha Fenishia, ni ku tungu lia Shipre, ni ku limbo lia Antiokia. Kaambile ko maliji a Zambi kuli niumwe shina kuli Ayuda wika.

Yilinga 11:20

Alioze hakachi ko habwile malunga akwo a ku tungu lia Shipre ni ku limbo lia Sirene, muze haaheta ku Antiokia, yambujola nawa kuli mavungu akwo, yaanyingikisa Sango Jibema ja Mwene Yesu.

Yilinga 11:22

Sango jino jahetele ku Chikungulwila cha Yerusaleme, mba yaatuma Barnaba ku Antiokia.

Yilinga 11:24

Barnaba te mutu mubema ni ufulielo unji, yazala ni Mwiku wa Linanga. Mbunga yinene yaafuliela nikutewuluka kuli Mwene.

Yilinga 11:26

Muze hamumona, yamutwala ku Antiokia. Mwaka wa muundu yaakunguluka hamwe ni akwa Chikungulwila, yaalongesa mbunga yinene. Ku Antiokia, kwenako aliangile kuluka tumbaji ngwo, akwa Kristu.

Yilinga 11:27

Ha matangwa waze, amwe akwa munanyi a Zambi yaatuhuka mu Yerusaleme, yaaya ku Antiokia.

Yilinga 13:1

Mu Chikungulwila cha Antiokia, akwa munanyi a Zambi ni alongeshi te atwama mo: Barnaba, ni Simone (yoze te akuvuluka ngwo, mutu mulaa), ni Lusiu (Kasirene) ni Manaene (yoze alelele hamwe ni mukwa kuyula Herode), ni Saulu.

Yilinga 15:22

Hohene yichibemena tunganda twa Yesu, ni makulwana, hamwe ni Chikungulwila cheswe kutongola amwe hakachi ko ni kwatuma ku limbo lia Antiokia hamwe ni Paulu ni Barnaba. Yaatongola Yudase, jina lienyi likwo Barsaba, ni Sila, akwa lufuma hakachi ka akwa Kristu.

Yilinga 2:4

No eswe yaazala ni Mwiku wa Linanga, yaabutuka kuhanjika mu maliji eka ni eka ngwe chize Mwiku waahele yakuhanjika.

Yilinga 21:8

Muze hikwacha, yituya, yituheta ku limbo lia Sesarea yitunjila ni kutwama mu zuwo lia Filipe, mukwa kwambujola Sango Jibema, te wa hakachi ka atu shimbiali waze atongwele ku Yerusaleme ha kukwasa tunganda.

Yilinga 22:20

Muze ashihile Estevau, (Etienne), chela che, ni yami nawa kwe nabwile, nachitayijile, nafungile mahina ja waze amushihile.’

Yilinga 6:10

Alioze kaahashile ko kulimika nenyi, mumu yahanjika ni mana waze amuhele Mwiku wa Linanga.

Yilinga 6:3

Ha chino, akwetu, Sakulenu a kuli yenwene malunga shimbiali a lufuma mubema, anazala ni Mwiku wa Linanga, akwa mana, hanga twaahe milimo yino.

Yilinga 6:8

Estevau (Etienne) yalinga yipupu yinene ni yikomokeso mukachi ka atu, mumu Zambi yamwaha tachi, yamuwahisa kuhiana.

Yilinga 7:1

Mwata wa mahako yahula Estevau (Etienne) ngwenyi: “Chenacho, nyi?”

Usolwelo 2:15

Chizechene nawa mu Chikungulwila chenu, amwe atu alimo waze akutayiza longeso lia akwa Nikoleta.

Usolwelo 2:6

Alioze Chuma ngunakuvwila kama kuwaha chino: wakubihilila Yitanga ya akwa Nikoleta, yize ni yami nawa nakubihilila.