Yilinga 6:10 - Mukanda Wa Zambi 1970

¹⁰ Alioze kaahashile ko kulimika nenyi, mumu yahanjika ni mana waze amuhele Mwiku wa Linanga.

MUKANDA USANDU WA ZAMBI 1975

¹⁰ O kahashile kulimika ni mana ni Spiritu yoze wahanjikile nenyi.

Yilinga 6:10 Iomraidhean Croise

Jobe 32:18

Chichi kushimbwila nawa, yuma yinji nguli nayo ya kwamba, mana akuyisweka nawa akuhi.

Jobe 32:8

Alioze kwamba chibema, mwiku wa Zambi Mukwa Ndundo Jeswe kuwakwiza kuli atu ni kwaha mana.

Kutuhuka 4:12

Haliabwila yako. Yami mungukakukwasa kuhanjika, mungukakulweza yize muukamba.”

Izaya 54:17

Alioze chitwa cha jita nichimwe muchihasa kukulemeka; muukabwa ni kumbululo kuli eswe waze maakakusuma. Mungukafunga tuvumbi twami ni kwakwasa kukumba.” Mwene Zambi hachamba.

Jeremia 15:20

Mungukupwisa ngwe mbango ya zuwo hakutwala kuli ayo. Atu wano maazwela ni yena, alioze keechi kukukumba. Mungubwa hamwe ni yena ni kukufunga utwame kanawa.

Ezekiel 3:27

Alioze muze munguhanjika nawa ni yena, mungukakwaha tachi jakuhanjika, muukaalweza chize yami Mwene Zambi ngunambe. Amwe a kuli ayo kumaakabanjika, alioze akwo kumaakakulelesa, mumu kaali vungu lia yihulia.”

Mika 3:8

Alioze hakutwala kuli yami, Mika, Mwene Zambi kakunguzalisa ni Mwiku wenyi wa tachi. Hangwaha yinyingi ya ululi ni hamu lia kulweza Aisraele milonga yo.

Luka 1:17

Makatetekela ku meso ja Zambi mu tachi ni ndundo ja mukwa munanyi a Zambi, Eliya. Makawanyisa atato ni ana jo. Makalumuna yihulia akabwe ni manyonga a ululi. Makalulikila Mwene Zambi atu jenyi.”

Luka 21:15

Mumu yami mwene mungukanwaha maliji ni mana waze niumwe wa kuli akwa kole jenu mahasa kuhamika hanji kulituna.

Yoano 7:46

Tufunga yaakumbulula ngwo: “Haanga! Niumwe mutu kanda ahanjika kama ngwe yoze!”

Yilinga 5:39

Alioze, nyi kuli Zambi yinakatuka, kunuchi kuhasa kuyihwisa. Kanyamenu, nyi ka, muchibwa ngwe nunalitachika ni Zambi.” No eswe yaamutayiza.

Yilinga 6:11

Hohene yaavundula amwe atu ku tenga hanga ahanjike maliji a mafwefwe ngwo: “Hitunamwivu mashililika Mose ni Zambi.”

Yilinga 6:9

Alioze yikukatuka amwe akwa kuvundula a ku zuwo lia kuwayila, lize te akuvuluka ngwo: “Kule.” Mukachi ko yimubwa Ayuda a ku membo ja Sirene, ni Alexandria. No yaabutuka kuhamika ni Estevau (Etienne) hamwe ni Ayuda akwo a ku Silisia ni Asia.

Yilinga 7:51

“Yenu akwa pami. Mu kunyonga chenu ni kwivwa chenu nuli ngwe waze kaanyingikine Zambi. Matangwa eswe nwakulituna Mwiku wa Linanga, ngwe tushakulu twenu.

1 Korintu 2:4

Longeso liami ni kwambujola chami kuyabwile ni maliji a kukununa nikulita ni mana ja atu, alioze yabwile ni shindakenyo ya ndundo ja Mwiku wa Linanga.