Yilinga 6:1 - Mukanda Wa Zambi 1970

¹ Ha matangwa waze, muze tumbaji hooka kuhiana, Ayuda waze te akuhanjika liji lia greke yaaketeka waze te akuhanjika hebreu mumu mapwo jo, waze haanafwisa malunga, te keeshi kwakwasa ha kupangila cha tangwa ha tangwa.

MUKANDA USANDU WA ZAMBI 1975

¹ Achi, ha matangwa aze, tumbaji se hoka, kwapwile kulinyenyeta cha A-Ngresia hali A-Hepreu, mumu ahungwile twamishi jo a mapwo ha kupangila cha tangwa ha tangwa.

Yilinga 6:1 Iomraidhean Croise

Jobe 29:13

Waze te amona lamba linji, no yaanguchichimieka, mapwo waze te haanafwisa malunga yingwawahisa.

Jobe 31:16

Nyi hingunamina yiswale yimwe yuma yize azangile, hanji kuhichika mu lamba mapwo waze haanafwisa malunga jo,

Miaso (Masamu) 110:3

Tangwa lize muukasa jita ni akwa kole je, atu je maakalihana kuli yena. Ngwe chize mume wakusulumioka chichamene cheswe, akweze je maakeza kuli yena ha milundu ye ya chijila.

Miaso (Masamu) 72:16

Mbuto yinji yibwe ha milundu ni mu chifuchi cheswe ngwe ha milundu ya Libano. Membo azale ni atu, ngwe yambu ya mu chana.

Izaya 1:17

lilongesenu kulinga yibema, batulenu ni ululi, kwasenu atu waze akuhungumiona; fungenu ana a shiwa, hakwilenu mapwo waze haanafwisa malunga.”

Izaya 27:6

Ha matangwa a kulutwe Aisraele, vungu lia Yakoba, maakatanda miji ngwe mitondo, maakabwa ni yitemo, maakema mihuko. Hashi muhakazala ni mihuko yo.

Jeremia 30:19

Atu eswe waze atwama ko kumaakemba uhaliso; kumaakakololoka ni chiseke. Mungukaawahisa ni kwookesa; ni kwaalemesa.

Ezekiel 22:7

Niumwe mu limbo wakulemesa yisemi jenyi. Nwakwonga yilambala, nwakwiya yuma ya ana a shiwa ni mapwo waze haanafwisa malunga.

Malaki 3:5

Mwene Zambi Mukwa Ndundo Jeswe kanambe ngwenyi: “Mungukasoloka mukachi kenu ni kunubatwila, mungukalimika ni akwa kupanda wanga, ni yitanji, ni akwa kulenya, ni waze akwiya fweto ya akwa milimo, ni waze akubinjisa mapwo waze haanafwisa malunga ni ana a shiwa ni yilambala, eswe waze keeshi kungulemesa.

Mateu 23:13

“Lamba lienu alongeshi a Shimbi ni Afariseu, yilembekese! Mumu nwakukasa chajilo cha Wanangana wa mwilu ku meso ja atu! Kunushi kunjila mo yenwene, ni waze akuzanga kunjila mo kunushi kwatayiza! [

Yilinga 11:20

Alioze hakachi ko habwile malunga akwo a ku tungu lia Shipre ni ku limbo lia Sirene, muze haaheta ku Antiokia, yambujola nawa kuli mavungu akwo, yaanyingikisa Sango Jibema ja Mwene Yesu.

Yilinga 11:26

Muze hamumona, yamutwala ku Antiokia. Mwaka wa muundu yaakunguluka hamwe ni akwa Chikungulwila, yaalongesa mbunga yinene. Ku Antiokia, kwenako aliangile kuluka tumbaji ngwo, akwa Kristu.

Yilinga 11:29

Tumbaji yaalitesa ngwo, mutu ni mutu ahane nikulita ni kuhasa chenyi, ha kutumina akwa kufuliela waze atwama mu Yudea akalikwase najo.

Yilinga 2:41

Mba waze afulielele longeso lienyi, yaapapachisa. Ha tangwa lize tununu atatu yaalichinga no.

Yilinga 2:45

yaalanjisa yuma ni yikumba yo, yaalitetela mbongo jize nikulita ni kuhona cha mutu ni mutu.

Yilinga 2:47

yaachichimieka Zambi. Atu eswe yaasa vumbi. Tangwa ha tangwa Mwene yawezela ku mbunga yo waze te Zambi analamwina.

Yilinga 4:35

yaajikunjika kuli tunganda twa Yesu. No yaalianyina mbongo jize kuli mutu ni mutu nikulita ni kuhona chenyi.

Yilinga 4:4

Alioze anji a kuli waze evwile liji, yaafuliela; malunga abwile ngwe tununu atano.

Yilinga 5:14

Kwoka cha waze afulielele Mwene Yesu, malunga ni mapwo, te chakuliweza tangwa ha tangwa.

Yilinga 5:28

“Tunakanukanda ngwetu, kanda nulongesa nawa mu jina lia mutu yoze. Alioze yenu hinunamwange longeso lienu mu Yerusaleme mweswe. Nunazange kutukokela uhiso wa manyinga ja mutu yono, nyi?”

Yilinga 6:2

Kashika tunganda kumi ni aali yaakungulula chizavu cha tumbaji, yaambila ngwo: “Kuchalitele yetu kwehuka milimo ya kulongesa maliji a Zambi mumu ha kupangila yakulia.

Yilinga 6:7

Mba maliji a Zambi yaafumana. Tumbaji yooka kuhiana mu limbo lia Yerusaleme. Mbunga yinene ya mahako a Zambi yoononokena e maliji.

Yilinga 9:29

Yahanjika nawa ni Ayuda waze te akuhanjika greke nikulihangujola no, alioze yaafupa kumushiha.

Yilinga 9:39

Petulu yakatuka, yaya no. Muze haaheta, yaamutwala ku chibatulo cha kwilu. Mapwo waze haanafwisa malunga yaamukundama nikulila, yaamulweza yikuto ni mahina waze Dorkase aatungilile muze te achili ni mwono.

Yilinga 9:41

Petulu yamukwata ku kwoko, yamukatwisa. Mba yatambika akwa kufuliela ni mapwo waze haanafwisa malunga, yaakunjika yo ni mwono.

A-ROMA 12:7

Nyi tuli ni mana a uvumbiko, tuvumbikenu. Nyi tuli ni mana a kulongesa, tulongesenu.

1 Korintu 10:10

Kanda tulinyenyeta ngwe chize alingile amwe hakachi ko—mba yoonona eswe kuli Kanganda ka Mwilu.

2 Korintu 11:22

Ayo kaali Ahebreu? Ni yami nawa. Kaali Aisraele? Ni yami nawa. Kaali a ku Chikota cha Abrahama? Ni yami nawa.

Shimbi 26:12

“Ha mwaka weswe wa muchitatu lambulenu chakumi cha ku mbuto yenu kuli Alevi, ni yilambala, ni shiwa, ni mapwo waze haanafwisa malunga, hanga mu Chikungulwila cheswe maakabwa ni yakulia yinji. Muze hiwalinga chino,

Filipu 3:5

Yangupwisa ngalami muze nabwile ni matangwa nake. Ku Chisemuko, nguli Kaisraele wa ku Chikota cha Benjamine, Kahebreu wamwenemwene. Ha kukaula Shimbi ja Ayuda, te nguli Kafariseu.

1 Timoteu 5:3

Lweza vumbi kuli twamishi amwenemwene, waze haanafwisa malunga.

1 Timoteu 5:9

Kanda usoneka twamishi yoze hanafwisa lunga, shina abwe kuhiana miaka makumi asambano. Chikwo nawa, yoze ambachile kuli lunga umuwika lume,

Hebreu 13:1

Nyongononenu ni kulizanga ni akwenu akwa Kristu.

Tiangu (Jake) 1:27

Uwayilo Ubema ni wamwenemwene ku meso ja Tata Zambi wenau au: kukwasa ana a shiwa ni mapwo waze haanafwisa malunga mu lamba lio, ni kulifunga ku yibi ya hano hashi.

Tiangu (Jake) 4:5

Kanda nunyonga ngwenu, Mukanda wa Zambi unahanjika chamokomoko ngwo: “Mwiku wa uutu uze Zambi asele muli yetu, uli ni usolo unji.”

Tiangu (Jake) 5:9

Akwetu, kanda nulinyenyeta ni akwenu. Nyi ka, Zambi makanuhisa. Ngaji hakundama, kali hakamwihi ni kunjila!