Yilinga 5:9 - Mukanda Wa Zambi 1970

⁹ Mba Petulu yamwamba ngwenyi: “Ehee! Kuchi kevwe nunakalitesa ha kwonga Mwiku wa Linanga? Tala, waze afundanga lunga lie, ku chikolo ali. Ni yena nawa kumaakumbata.”

MUKANDA USANDU WA ZAMBI 1975

⁹ Alioze Petulu wambile kuli iye ngwenyi, Kuchi te hinunalikundu kweseka Spiritu ya Mwene? Tata, yiliato ya waze afundanga mukwenu-lunga ku chikolo yili, no kumakakumbata haze.

Yilinga 5:9 Iomraidhean Croise

Ubutukilo 20:13

Kashika muze Zambi hananguchiza mu zuwo lia tata ngukendangane, yingulweza Sara ngwami: ‘Ukambe chino mba ngukanyingike ngwami, kuma wakunguzanga. Ukambamba ngwe: Kali ndumbwami.’ ”

1 MIANANGANA 6:32

Mba yatuma kanganda kuli Elisha. Ha lie shimbu alio, Elisha te kali ku mahienyi hamwe ni makulwana waze ayile ni kumunangisa. Shimbu mwe kanganda ka mwanangana kanda achiheta, Elisha yalweza e makulwana ngwenyi: “Mukwa kushiha atu yoze hatuma umwe mutu hanga angushihe! Muze maheta kuno, nwajila chajilo, kanda aheta muchima. Mwanangana iye mwene kanakaula.”

Miaso (Masamu) 50:18

Nwakulikata ni eji eswe waze nwakumona, nwakulifutula ni yitanji.

Miaso (Masamu) 78:56

Hindu yaakatukila mwe Zambi, Mukwa Ndundo Jeswe, yaamweseka. Kaafungile ko Shimbi jenyi.

Kutuhuka 17:2

Mba atu yaabutuka kuketeka Mose ngwo: “Twehe meya tunwe.” Mose ngwenyi: “Mumu yika nunanguketekela? Kuchi nuneseka Mwene Zambi?”

Kutuhuka 17:7

Kuma kuze Mose yaluka ko jina ngwenyi, Masa, kanda Meriba, mumu kwekuze Aisraele aketekelele Mose. Mumu kwekuze nawa esekelele Mwene Zambi, muze ahulile ngwo: “Mwe Mwene Zambi kali ni yetu, nyi ka?”

Yishima 11:21

Nyingika pundu ngwe, yingulungulu lamba maakaamwesa, alioze akwa ululi kumaakaalamwina.

Yishima 16:5

Mwene Zambi kakuvutwokela akwa kulengumuka eswe; kumakaamwesa lamba.

Mika 7:3

Eswe kaali ni mana anji a kulinga yibi. Akwa lutwe ni ngaji kaakwita mbongo ja mbenga. Mukwa mana kakwalweza chize akuzanga, mba maatwama punga hamuwika.

Kwalula 14:22

mutu niumwe wa kuli wano makanjila mu chifuchi chize. Haanamono kubeyima cha uhenya wami ni yilayi yize nalingile mu Egiptu ni mu puya, alioze haanangusekesa nawa ni nawa, haanalitunu kungwononokena.

Mateu 4:7

Yesu ngwenyi: “Hichinasonewa nawa mu Mukanda wa Zambi ngwo: ‘Kanda ukeseka Mwene Zambi ye.’ ”

Luka 16:2

Mwe mwata yamuhula ngwenyi: ‘Acho chika ngunevu hakutwala kuli yena? Ngulumbunwine uselo we, mumu kuuchi kuhasa kubwa nawa kaselo kami.’

Yilinga 15:10

Kuchi nuneseka Zambi ni kuzanga kusa yiteli hali tumbaji yize chibwe akaka jetu ni yetu kutwahashile kuyimbata?

Yilinga 5:6

Akweze yaakatuka, yaamuvunga ha mahina, yaamutwala haze, yaamufunda.

A-ROMA 10:15

Ngwe kuchi maakajambujola, nyi kaatumine? Ngwe hichinasonewa mu Mukanda wa Zambi ngwo: “Chinabeme ha kumona kwiza cha waze akwambujola Sango Jibema”!

A-ROMA 3:19

Tunanyingika ngwetu, yize yeswe Shimbi jinambe, yinahanjikila waze ali mu chiyulo cha Shimbi, hanga usambiso kuuchikatuhuka ku makanwa ja atu, hanga akwa hashi eswe akahie ku meso ja Zambi.

1 Korintu 10:9

Kanda tweseka Mwene Zambi ngwe chize alingile amwe hakachi ko, mba yaafwa ku kusuma cha manoka.