Yilinga 5:5 - Mukanda Wa Zambi 1970

⁵ Anania, muze hevwa maliji wano yalimbuka hashi, yafwa kwenyi. Eswe waze achivwile yeevwa woma unji.

MUKANDA USANDU WA ZAMBI 1975

⁵ Ananiya ha kwivwa maliji ano, walimbukile hashi, wafwile; ni woma wunji wejile hali waze eswe achivwile.

Yilinga 5:5 Iomraidhean Croise

1 MIANANGANA 2:24

Elisha yatewuluka ni kwatala, yaashinga mu jina lia Mwene Zambi. Hohene yikutuhuka ursu aali a yihwo, yaatanwona ana malunga makumi awana.

1 Sango Ja Mianangana 13:12

Mwanangana yevwila Zambi woma, yamba ngwenyi: “Lwangu mama! Ngwe kuchi munguhasa kuya ni we mushete wa Usendo haliabwila?”

1 Sango Ja Mianangana 15:13

Chisuho chitangu Mwene Zambi, Zambi yetu, yatumwesa lamba mumu yenu Alevi kunwabwile ko ni kuumbata nikulita ni Shimbi.”

Miaso (Masamu) 119:120

Ngunachikima ku meso je; nakwivwa woma ha chize wakubatwila atu.

Miaso (Masamu) 64:9

No meevwa woma, maanyonga yize Zambi halinga, maambujola yitanga yenyi.

Ezekiel 11:13

Muze te ngunahanjika munanyi, kuma Pelatia hafwa kwenyi. Yingufulamana hashi, yingukololoka ngwami: “Ka, hi chocho ko Mwene Zambi! Kuma muushiha atu eswe mu Israele waze haasalasala ni mwono, nyi?”

Alevi 10:3

Henaho Mose yambila Arone ngwenyi: “Chino chechize Mwene Zambi ambile ngwenyi: ‘Eswe waze akungulingila chaatamba kulemesa ulinange wami. Mungukasolola uhenya wami kuli atu jami.’ ” Alioze Arone yahola kwenyi kuluu.

Yilinga 13:11

Tala, haliabwila kwoko lia Mwene lili hali yena. Kumuubwa kapuputa, kuuchi kamona pangu lia mwalwa ha shimbu, ndoo tangwa lize Zambi makazanga.” Hohene mbundu ni milima yimufuka meso. Neye yafupa mutu wa kumukwata ku kwoko.

Yilinga 2:43

Tunganda twa Yesu yaalinga yikomokeso ni yilayi yinji. Atu eswe yeevwa woma.

Yilinga 5:13

Mutu mukwo niumwe wahamukine kulinunga no, alioze atu te kaakwachichimieka.

1 Korintu 4:21

Kuchi nunazange? Ngwize ni mutondo kuli yenu, hanji ni mbunge ya zango ni uhomboloji?

2 Korintu 13:10

Ngunanusonekena chino shimbu nguli kuno kusuku, hanga muze mungukanuheta chichi kahanjika ni yenu maliji akalu ni chiyulo chize anguhele Mwene Yesu—chiyulo cha kunutakamisa mu ufulielo, hi cha kunulekumana ko.

2 Korintu 13:2

Nguli ni chikuma chimuwika cha kwamba kuli waze haanavulumuna kulu ni kuli atu akwo. Hinachamba kulu muze nanuhetele chisuho cha muchaali, alioze munguchamba nawa haliabwila muze nguli kusuku. Chisuho chize mungukanuheta chichi kevwila niumwe keke.

2 Korintu 7:11

Talenu chize Zambi hanalingi ni chinyengo chize cha yenu. Hichanwaha manyonga abema mu kutwama kanawa ni kusoloka ngwenu, kunushi uhiso, nwakuvutwokela yibi, nwakwivwa woma, nwakunguvwila usona, nwakulihana ku milimo, nwakubwa ni hamu kubatwila waze akulinga yibi. Mu yikuma yino yeswe nunasoloka ngwe kunushi ni yitela.

Shimbi 13:11

Muze Aisraele eswe maachivwa, meevwa woma. Ha chino niumwe kechi kalinga nawa chibi chize.

Shimbi 21:21

Mba malunga a mu limbo amushihe ni mawe. Chenacho munuchiza chibi chize mukachi kenu. Aisraele eswe maachivwa, meevwa woma.”

Yoshua 22:20

Iwulukenu chize Akane, mwana wa Zera, akolemene Shimbi hakutwala ku yuma yize te chatamba kwenyeka. Chikungulwila cheswe yaamona lamba, Akane kafwile ko ukawenyi mumu ha mulonga wenyi.”

Usolwelo 11:13

Ha shimbu lizeliene yikubwa munyiko unene hashi. Chihanda chimuwika cha ku yihanda kumi ya limbo yichibuzuka. Tununu shimbiali twa atu yaafwa ni munyiko wa hashi. Akwo yeevwa woma unji, yaahalisa Zambi mwilu.

Usolwelo 11:5

Nyi umwe makazanga kwalinga chibi, kahia mukatuhuka mu kanwa lio, ni kushiha akwa kole jo. Yoze mazanga kwabinjisa, neye makafwa chizechene.