Yilinga 5:42 - Mukanda Wa Zambi 1970

⁴² Mba tangwa ha tangwa kaalitwaminyine ko kulongesa mu zuwo lia Zambi ni mu mazuwo ja atu, nikwambujola Sango Jibema jakutwala kuli Yesu, Chilamwina yoze Zambi alakenyene.

MUKANDA USANDU WA ZAMBI 1975

⁴² Mba tangwa ha tangwa, mu tembele ni ku zuwo ni zuwo, kalitwaminyineko kulongesa, nikwambujola sango lipema ngwo, Yesu iye mwe Kristu.

Yilinga 5:42 Iomraidhean Croise

2 Samuel 6:22

mungulilelesa nawa kuhiana. Yena muuhasa kunyonga ngwe, nguli wamokomoko, alioze ana mapwo waze wamba, kumaangulemesa kwo!”

Luka 21:37

Ha mwalwa Yesu te kakulongesa mu zuwo lia Zambi lia Ayuda, alioze ha ufuku te kakuya ni kubomba ha mulundu wa Olive.

Luka 22:53

Tangwa ha tangwa nabwile hamwe ni yenu mu zuwo lia Zambi, hindu kunwangukwachile ko, alioze ola yino yili ni yenu ni ya tachi ja milima.”

Yilinga 11:20

Alioze hakachi ko habwile malunga akwo a ku tungu lia Shipre ni ku limbo lia Sirene, muze haaheta ku Antiokia, yambujola nawa kuli mavungu akwo, yaanyingikisa Sango Jibema ja Mwene Yesu.

Yilinga 13:32

Mba yetu tunanwambulwila Sango jino Jibema, jize Zambi alakenyene tushakulu twetu.

Yilinga 17:18

Mba amwe a kuli akwa mana jo, Apikuria ni Astoika yaahamika nenyi. Amwe yaahula ngwo: “Mutu yono sakulimbambwila, yika anazange kwamba?” Akwo ngwo: “Kanasoloka ngwe yoze unambujola mazambi ja yilambala.” Yaamba chino, mumu Paulu walongesele yikuma ya Yesu ni uhindukilo ku kufwa.

Yilinga 17:3

yaalumbunwina pundu nikwalweza ngwenyi, Kristu chamutamba kumona lamba ni kuhinduka ku kufwa. Ngwenyi: “Yono Yesu, yoze ngunanwambulwila, mwe Chilamwina yoze Zambi alakenyene.”

Yilinga 2:46

Tangwa ha tangwa yaalikungulula mu zuwo lia Zambi lia Ayuda, yaalia yakulia yo hamuwika mu mazuwo jo ni kutuwika cha mbunge,

Yilinga 20:20

Chalitwaminyine kunwambulwila chize cheswe chanubemenene ni kulongesa ku meso ja atu anji ni ku zuwo ni zuwo.

Yilinga 4:20

Mumu yetu kutwahashile kuhola ha yize twevwile ni yize twamwene.”

Yilinga 4:29

Mba haliabwila, Mwene, tala kama kuhalila cho. Ha chino, twehe kama hamu, yetu tuvumbi twe, lia kwambujola nalio liji lie.

Yilinga 8:35

Filipe yabutuka kuhanjika. Chize ku Chisoneko chize, yamulumbunwina Sango Jibema ja Yesu.

Yilinga 8:5

Filipe yaya ku limbo lia mu Samaria, yambujola Sango ja Chilamwina yoze Zambi alakenyene.

Yilinga 9:20

Hazehene yabutuka kwambujola mu mazuwo ja kuwayila hakutwala kuli Yesu, ngwenyi: “Mwe Mwana Zambi.”

1 Korintu 2:2

Mumu, muze nabwile hakachi kenu, nabatwile kuvulama yuma yeswe yikwo, ni kunyonga lume chikuma cha Yesu Kristu, yoze ahachile ha kulusu.

Galashia 1:16

Muze hanyonga kusolola Mwanenyi muli yami, hanga ngumwambujole kuli waze hi Ayuda ko, Chayile ni kuhula mana kuli mutu niumwe.

Galashia 6:14

Alioze yami chahashile kulisamba shina hakutwala ku kulusu ya Mwene Yesu Kristu. Mumu ku tachi ja kulusu yenyi ndako yibi ya hashi hiyinafu kulu hakutwala kuli yami, ni yami hingunafu hakutwala ku ndako yibi ya hashi.

2 Timoteu 4:2

ambujola liji lia Zambi, sako tachi ha kuliambujola ha mwaka Ubema ni ha uze hi Ubema ko, kumika, ambila, shinjila nikulongesa ni uhomboloji weswe.