Yilinga 5:40 - Mukanda Wa Zambi 1970

⁴⁰ Hohene yaatambika tunganda, yaalambisa, yaaha koki ngwo, kanda alongesa nawa mu jina lia Yesu. Mba yeecha kwo.

MUKANDA USANDU WA ZAMBI 1975

⁴⁰ O yatá kuli iye: ni muze te hatambika apostolo, aalambile, aahele koki ngwo, Kanda nukahanjika mu jina lia Yesu, mba aechele kuya.

Yilinga 5:40 Iomraidhean Croise

Yishima 12:10

Mutu mubema kakulisa kanawa yimuna yenyi, alioze yingulungulu kaakuyimwesa lamba.

Izaya 30:10

Kaakwambila akwa munanyi kuhola kulungungaa ngwo: “Kanda nuhanjika kuli yetu hakutwala ku ululi. Tulongesenu kwetu chize twakuzanga kwivwa. Twechenu kwetu cheswacho tubwa.

Amose 2:12

Alioze yinunwisa Anazireu vinyu; yinwambila akwa munanyi ngwenu, kanda ahanjika maliji a Zambi.

Mika 2:6

Atu kaakungwamba ngwo: “Kanda utulongesa. Kanda ulongesa hakutwala ku yize yeswe. Zambi kechi kutuvwisa sonyi.

Mateu 10:17

Kanyamenu, mumu atu maakanukwata, maakanukunjika ku Mbunga ya Ngaji ja Ayuda, maakanulamba ni fimbo (shikote) mu mazuwo jo a kuwayila.

Mateu 20:19

maakamukunjika kuli yilambala. No maakamukekuna, maakamulamba ni fimbo (shikote), maakamuhata ha kulusu. Alioze ha tangwa lia muchitatu Zambi makamuhindwisa.”

Mateu 23:34

Kashika, talenu, mungunutumina akwa munanyi a Zambi, ni akwa mana, ni alongeshi a Shimbi. Munukashiha amwe, munukahachila akwo ha makulusu, munukalamba amwe ni fimbo (shikote) mu mazuwo jenu a kuwayila ni kwahungumiona ku limbo ni limbo.

Marku 13:9

“Alioze kanyamenu yenwene, mumu atu maakanukunjika ku Mbunga ya Ngaji ja Ayuda, maakanulamba mu mazuwo a kuwayila ja Ayuda. Munukamana ku meso ja akwa kuyula ni ku meso ja mianangana, mumu hali yami, ha kushindakenya Sango Jibema.

Luka 20:10

Muze mwaka wa kuhela hiwaheta yatuma umwe kavumbi kuli njimi hanga akatambule yimwe mihuko. Alioze e njimi yaalamba mwe kavumbi, yaamukatwisa mokomoko.

Yilinga 5:28

“Tunakanukanda ngwetu, kanda nulongesa nawa mu jina lia mutu yoze. Alioze yenu hinunamwange longeso lienu mu Yerusaleme mweswe. Nunazange kutukokela uhiso wa manyinga ja mutu yono, nyi?”

2 Korintu 11:24

Yisuho yitano Ayuda haanangulambe ni fimbo (shikote) makumi atatu ni livwa.