Yilinga 5:3 - Mukanda Wa Zambi 1970

³ Petulu yamwamba ngwenyi: “Anania, kuchi kevwe Sakwonga anjilanga mu mbunge ye uhanjike mahuza kuli Mwiku wa Linanga, ni kusweka Chihanda cha mbongo ja munda?

MUKANDA USANDU WA ZAMBI 1975

³ Alioze Petulu wambile ngwenyi, Ananiya, kuchi te Satana hanazalisa mbunge ye kuhanjika mahuza kuli Spiritu Musandu, ukasweke chihanda cha ndando ya munda?

Yilinga 5:3 Iomraidhean Croise

Jobe 22:13

Hindu yena wakwamba ngwe: “Zambi yika ananyingika? Malelwa haamufuka, ngwe kuchi mahasa kutubatwila?”

Yishima 20:25

Nyonga kanawa shimbu kanda Ulakenya mulambu kuli Mwene Zambi. Nyi ka, muwivwa chinyengo mumu ha chilakenyo che.

Longeshi 5:4

Nyi muulakenya chilakenyo kuli Zambi chimanunune nikawashi, mumu keshi kuzanga yihepuke. Linga yize hiwalakenya kulinga.

Izaya 29:15

Lamba kuli atu waze akuswekela Mwene Zambi manyonga jo! Kaakulingila yuma yo ku tenga nikunyonga ngwo niumwe keeshi kwamona ni keeshi kunyingika yize akulinga.

Jeremia 23:24

Niumwe mahasa kuswama kuze Chishi kumona. Kunwanyingikine ngwenu, nguli kweswe, mwilu ni hashi, nyi?

Hosea 11:12

Mwene Zambi kanambe ngwenyi: “Aisraele haanangujingilika ni mahuza ni kwonga, ni Ayuda kaakunyongonona kulimika ni yami, Zambi wa kushishika kanda munangi.

Kwalula 30:2

Nyi lunga malakenya kumwaha Mwene Zambi chimwe Chuma hanji kujila chimwe Chuma, kanda avulama chilakenyo chenyi, alioze achikolese.

Mateu 13:19

Waze akubanjika ku longeso lia Wanangana wa Zambi, alioze kulialumbunukine, kaalifwa ngwe sesa lia jila kuze kwakuholokela mbuto. Sakwonga kakwiza ni kuchanga yize akuwile mu mbunge jo.

Luka 22:3

Hohene Sakwonga yanjila muli Yudase, umwe wa kuli tumbaji kumi ni aali, yoze te akuvuluka ngwo, Kakeriote.

Yoano 13:2

Yesu ni tumbaji twenyi te kaanali ha chingoloshi. Sakwonga hanyongesa kulu Yudase, mwana wa Simone Kakeriote, akunjike Yesu kuli akwa kole jenyi.

Yoano 13:27

Muze Yudase hatambula lupapa, hazehene Sakwonga yamunjila. Yesu yamwamba ngwenyi: “Chize unambe kulinga, Chilinge nikawashi!”

Yilinga 5:2

yasweka Chihanda cha mbongo, ni mukwo pwo nawa yachinyingika, yaneha jize jasalile ho nikujikunjika kuli tunganda twa Yesu.

Yilinga 5:4

Shimbu kanda uchilanjisa we munda, te hi niwe ko, nyi? Chibwe muze hiwaulanjisa, je mbongo hindu te hi nije ko, nyi? Mba ngwe kuchi walinyonganga kulinga Chuma ngwe chino? Tala, kuwahanjikile mahuza kuli atu, alioze kuli Zambi.”

Yilinga 5:9

Mba Petulu yamwamba ngwenyi: “Ehee! Kuchi kevwe nunakalitesa ha kwonga Mwiku wa Linanga? Tala, waze afundanga lunga lie, ku chikolo ali. Ni yena nawa kumaakumbata.”

Shimbi 23:21

“Muze munulakenya chimwe chilakenyo kuli Mwene Zambi, Zambi yenu, kanda nulaluka ha kuchimanununa, mumu Mwene Zambi makachihula. Nyi kunwachihanyine munuvulumuna.

Tiangu (Jake) 4:7

Kashika Zeyelenu kuli Zambi, limikenu ni Sakwonga, mba manuchina kusuku.

1 Petulu 5:8

Limukenu, kanyamenu! Mumu mukwa kole yenu, Sakwonga, kakwendangana ngwe tambwe yoze wakukenana, ni kufupa yoze malia.