Yilinga 5:25 - Mukanda Wa Zambi 1970

²⁵ Hohene yikwiza umwe mutu ni kwalweza ngwenyi: “Achivwenu! Atu waze nunakasa mu zuwo lia lamba, mu zuwo lia Zambi ali, kaanamana ni kulongesa atu.”

MUKANDA USANDU WA ZAMBI 1975

²⁵ Mba umwe wejile, wambulwile kuli ayo ngwenyi, Kumanyi, malunga waze nunakaasa mu zuwo lia ususu, mwali mu tembele, kanamana nikulongesa atu.

Yilinga 5:25 Iomraidhean Croise

Miaso (Masamu) 107:14

Yaatuhwisa mu lamba lio ni mu milima yo, yabatwola ngoji jo ja utale.

Jeremia 26:2

Mwene Zambi yangwamba ngwenyi: “Mana mu yiize ya zuwo lia Zambi, wambujole yeswe yize hinakwamba kulweza atu waze aneza ku membo ja Ayuda ni kuwayila ko. Kanda uhichika liji nilimwe.

Daniel 3:13

Ha chino mwanangana yalikasa wuli, ngwenyi: “Anehenu!”

Mateu 10:18

Maakanukunjika ku meso ja akwa lutwe ni mianangana mumu hali yami, ha kwashindakenya Sango Jibema ni waze hi Ayuda ko.

Yoano 11:46

Alioze amwe hakachi ko yaaya ni kwambulwila Afariseu, yaalumbunwina yuma yeswe alingile Yesu.

Yilinga 3:1

Petulu ni Yoano yaakanduka ku zuwo lia Zambi lia Ayuda ha ola ya kulemba, ola ya muchitatu, ya chingoloshi.

Yilinga 5:24

Muze mwata wa tufunga twa zuwo lia Zambi ni mahako a lutwe haachivwa, yaakakashana kuhiana chize yuma yino muyibwa.

Yilinga 5:26

Mba mwata wa tujita hamwe ni tufunga yaaya, yaaneha, alioze hi ni tachi ko, mumu yeevwila atu woma ngwo, maashiha ni mawe.