Yilinga 5:19 - Mukanda Wa Zambi 1970

¹⁹ Alioze ha ufuku uze, kanganda ka mwilu yazulula yajilo ya zuwo lia lamba, yaatuhwisa haze, yaamba ngwenyi:

MUKANDA USANDU WA ZAMBI 1975

¹⁹ Alioze ha ufuku mungelo wa Mwene wazulwile mapito ja zuwo lia ususu, Waatwalile haze, wambile ngwenyi,

Yilinga 5:19 Iomraidhean Croise

Miaso (Masamu) 146:7

kakubatwila akwa lamba ni ululi, kakulisa akwa kuhona. Mwene Zambi kakutusula funge mu zuwo lia lamba,

Miaso (Masamu) 34:7

Kanganda ka mwilu kakufunga waze akulemesa Mwene Zambi, kaakwapulula ku utoji.

Izaya 61:1

Mwiku wa Mwene Zambi uli muli yami. Hananguwayisa mu kwambujolela yiswale sango jibema ni kuwuka waze ayiza yikola ya mbunge, ni kwambujola utuswilo kuli funge, ni kutusula waze ali mu zuwo lia lamba,

Daniel 3:28

Mba mwanangana yamba ngwenyi: “Zambi ya Shadrake, ni Meshake, ni Abednego afumane! Hatuma kanganda kenyi ka mwilu ni kulamwina malunga wano akumulingila ni kujikijila hali iye. Haakolema Shimbi yami ni kukunjika mwono wo ku kufwa. Haalituna kufulamana ni kuwayila zambi weka shina Zambi yo ene.

Mateu 1:20

Shimbu lize achinyongene, kuma kanganda ka mwilu yamusolokela mu chilota. Yamwamba ngwenyi: “Josefe, wa ku vungu lia David, kanda wivwa woma ha kumbata mukwenu pwo Maria, mumu chize chinaseseka muli iye chili cha Mwiku wa Linanga.

Mateu 1:24

Josefe, ha kulaula mu tulo, yalinga ngwe chize kanganda ka mwilu amwambile, yambata mukwo pwo Maria.

Mateu 2:13

Muze akwa mana haaya, kanganda ka mwilu yasolokela Josefe mu chilota, yamwamba ngwenyi: “Katuka, anda mwana ni naye uchinyine ku chifuchi cha Egiptu. Ukabwe ko ndoo mungukakutambika, mumu Herode kanafupu mwana akamushihe.”

Mateu 2:19

Muze Herode hafwa, kanganda ka mwilu yasolokela Josefe mu chilota mu chifuchi cha Egiptu.

Mateu 28:2

Susumuku kwabwile munyiko unene hashi. Kanganda ka mwilu yahulumuka, yalangumuna liwe ku sesa lia fuka, yatwama ho.

Luka 1:11

Kanganda ka mwilu yasolokela Zakaria, yamana ku chindume cha chilumbilo cha kwochela milambu ya vumba libema.

Luka 2:9

Susumuku kanganda ka mwilu yamana hehi no. Uhenya wa Mwene Zambi yiuhenya hali ayo. No yeevwa woma unji.

Yilinga 10:3

Limwe tangwa chingoloshi, ngwe ha ola ya muchitatu, yamona zwalala mu Usolwelo kanganda ka mwilu kananjila ku mahienyi nikwamba ngwenyi: “Korneliu!”

Yilinga 12:23

Ha shimbu lizeliene, kanganda ka mwilu yamulamba, mumu kalemesene ko Zambi. Mavuno yamulia, yafwa kwenyi.

Yilinga 16:26

Susumuku yikubwa minyiko yinene. Fundamentu ja zuwo lia lamba yijinyika, Yajilo yeswe yiyazuluka. Ngoji jo jeswe ja utale yijiliholwokela zekelee.

Yilinga 27:23

Mumu ufuku uno kanganda ka mwilu kamananga hehi ni yami. Kali kanganda ka Zambi yami yoze nakulingila.

Yilinga 8:26

Kanganda ka mwilu yambila Filipe ngwenyi; “Katuka, uye ku sude, mu jila yize yinakatuka ku Yerusaleme, yiipalumuka ku Gaza.” (Jila yize te hiyinalambe.)