Yilinga 5:12 - Mukanda Wa Zambi 1970

¹² Zambi yalinga yilayi ni yikomokeso yinji hakachi ka atu ku moko ja tunganda twa Yesu. Akwa kufuliela te kaakulikungulula hamuwika ni mbunge yimuwika mu chisambwe cha Solomone.

MUKANDA USANDU WA ZAMBI 1975

¹² Mba ku moko ja apostolo alingile yilayi yinji ni yipekesa hakachi ka atu: o apwile ni mbunge yimuwika mu Senge lia Solomone.

Yilinga 5:12 Iomraidhean Croise

Jeremia 26:9

Mumu yika hiwamba mu jina lia Mwene Zambi ngwe, zuwo lino kumulibwa ngwe Shilo, chikwo ngwe, limbo lino mulibwa yikulu, mutu niumwe kechi kutwama mo nawa?” Mba atu yaangulundumukina.

Marku 16:20

Tumbaji yaatuhuka nikwambujola kweswe. Mwene Yesu yalinga hamwe no nikukolesa longeso lio ni yilayi.]

Yoano 10:23

Yesu yendangana mu chisambwe cha Solomone mu zuwo lia Zambi.

Yoano 4:48

Yesu yamwamba ngwenyi: “Nyi kunwamwene yilayi ni yikomokeso, kunuchi kufuliela.”

Yilinga 1:14

Wano eswe hamwe ni Maria, naye ya Yesu, ni mapwo akwo, ni anakwo ja Yesu yaanyongonona nikuwayila Zambi ni mbunge yimuwika.

Yilinga 14:3

Paulu ni Barnaba yaatwama ko shimbu lisuku, yaalongesa ni hamu hakutwala kuli Mwene Yesu. Mwenawo yashindakenya maliji jo hakutwala ku utu wenyi ni kwaha tachi ja kulinga yilayi ni yipupu.

Yilinga 16:18

Chuma chino yachilinga matangwa anji. Mba Paulu yevwa kubihia, yatewuluka, yambila mwiku wa luchisa ngwenyi: “Ngunakwambe mu jina lia Yesu Kristu, ngwami, tuhuka muli mwana pwo yono.” Yiumutuhuka shimbu lizeliene.

Yilinga 19:11

Zambi yalinga yipupu yinene ku moko ja Paulu.

Yilinga 2:46

Tangwa ha tangwa yaalikungulula mu zuwo lia Zambi lia Ayuda, yaalia yakulia yo hamuwika mu mazuwo jo ni kutuwika cha mbunge,

Yilinga 28:9

Muze halinga chino, mieji eswe a mu tungu yeeza. Neye yaahindwisa.

Yilinga 3:11

Shimbu mutu yoze unachikwachilila Petulu ni Yoano, atu eswe yaalishimwoka nikuzomboka kuli ayo mu chisambwe cha ku zuwo lia Zambi chize anachivuluka ngwo, Chisambwe cha Solomone.

Yilinga 4:30

Olola kwoko lie ha kuwuka, ni kwokesa yilayi ni yikomokeso mu jina lia Kavumbi ke wa Linanga, Yesu.”

Yilinga 9:33

Yawana ko ume lunga jina lienyi Enea, te kayiza musongo wa kalepa; habomba kulu ha muhela miaka nake.

Yilinga 9:40

Petulu yatuhwisa atu eswe, yasa makungunwa hashi, yalemba, mba yatewuluka ku mujimba, ngwenyi: “Tabita, hinduka!” Neye yalaula, yamona Petulu, yahinduka.

2 Korintu 12:12

Nalihumikijine kuhiana ni milimo yize nalingile hakachi kenu. Ku milimo yize Zambi yasolola yinyingi, ni yikomokeso, ni yipupu, ha kulweza ngwo, nguli kanganda ka Kristu.

Hebreu 2:4

Mwaka uzewene Zambi yalweza yilayi, ni yipekesa, ni yipupu yeka ni yeka ha kulweza ngwo, hatayiza yuma yize te akwamba. Ku upale wenyi yaalianyina yawana yeka ni yeka ya Mwiku wenyi.