Yilinga 4:7 - Mukanda Wa Zambi 1970

⁷ Yaatumbika tunganda mukachi ko, yaahula ngwo; “Ni tachi jika, hanji mu jina liaya nunakalinga chino?”

MUKANDA USANDU WA ZAMBI 1975

⁷ Muze te haatumbika mukachi, aahulile ngwo, Ni tachi jika? Hanji mu jina lika, nunakalinga chino?

Yilinga 4:7 Iomraidhean Croise

Kutuhuka 2:14

Mwe lunga yamukumbulula ngwenyi: “Iya wakupwishile mukwa kutuyula hanji ngaji mukachi ketu? Kuchi, unazange kungushiha ngwe chize unakashiha mukwa Egiptu zau, nyi?” Mose yevwa woma, yalihanjikisa ngwenyi: “Mamee, kuma Chuma chino haachinyingika.”

Mateu 21:23

Muze Yesu hanjila mu zuwo lia Zambi, yabutuka kulongesa. Mahako a lutwe a Zambi ni makulwana ja Ayuda yaamukundama nikumuhula ngwo: “Ni chiyulo chaya wakulinga nacho yino yuma? Iya wakuhele chiyulo chino?”

Marku 11:28

yaamuhula ngwo: “Ni chiyulo chaya wakulinga nacho yino yuma? Iya wakuhele chiyulo cha kuyilinga?”

Yoano 2:18

Ayuda yaamuhula ngwo: “Chilayi chika muuhasa kulinga ha kutulweza ngwe uli ni chiyulo cha kulinga yuma yino?”

Yoano 8:3

Alongeshi a Shimbi ni Afariseu yaamunehena pwo yoze wakwachikile mu utanji, yaamumika ku meso ja atu eswe,

Yoano 8:9

Muze heevwa maliji wano, yaatuhuka umuwika umuwika, hatangu makulwana. Yesu yasala ukawenyi ni pwo yoze te unamana ku meso jenyi.

Yilinga 4:10

Aisraele eswe ni yenu eswe chanutamba kunyingika ngwenu, mutu yono kanamana ku meso jenu mungunu ku tachi ja jina lia Yesu Kristu wa ku Nazare, yoze nwahachile ha kulusu, alioze Zambi hanamuhindwisa ku kufwa.

Yilinga 4:6

Mukachi ko yimubwa atu wano: Ana, mwata wa mahako, ni Yoano, ni Alexandre, ni Kaifa, ni akwo a ku vungu lia mwata wa mahako.

Yilinga 4:8

Hohene Petulu, nikuzala ni Mwiku wa Linanga, yaakumbulula ngwenyi: “Akwa kuyula ja atu ni makulwana,

Yilinga 5:40

Hohene yaatambika tunganda, yaalambisa, yaaha koki ngwo, kanda alongesa nawa mu jina lia Yesu. Mba yeecha kwo.