Yilinga 4:36 - Mukanda Wa Zambi 1970

³⁶ Yikubwa mutu umuwika jina lienyi te Josefe, Kalevi, yoze wasemukine ku tungu lia Shipre. Tunganda twa Yesu yaamuluka jina likwo ngwo, Barnaba (kulumbunuka ngwo, mukwa kutakamisa atu.)

MUKANDA USANDU WA ZAMBI 1975

³⁶ Ni José, yoze amulukile jina likwo kuli apostolo ngwo, Mbarnavwe, (linalumbunuka ngwo, Mukwa kulembejeka), Ka-Levi, mukwa Saipuru ku munyachi wenyi,

Yilinga 4:36 Iomraidhean Croise

Marku 3:17

ni Tiangu (Jake), ni Yoano, ana a Zebedeu a malunga (Yesu yaaluka jina likwo Boanerjese, kulumbunuka ngwo, atu waze alifwa ni kukulunguza cha vula),

Yilinga 11:30

Yaachilinga, yaatuma mbongo kuli makulwana ku moko ja Barnaba ni Saulu.

Yilinga 12:25

Muze Barnaba ni Saulu haamanununa milimo yo mu Yerusaleme, yaahiluka ku Antiokia nikutwala hamwe no Yoano, jina lienyi likwo Marku.

Yilinga 13:1

Mu Chikungulwila cha Antiokia, akwa munanyi a Zambi ni alongeshi te atwama mo: Barnaba, ni Simone (yoze te akuvuluka ngwo, mutu mulaa), ni Lusiu (Kasirene) ni Manaene (yoze alelele hamwe ni mukwa kuyula Herode), ni Saulu.

Yilinga 13:15

Muze te haatanga mikanda ya Shimbi ni ya akwa munanyi ja Zambi, akwa lutwe ja zuwo lia kuwayila yaatumina liji ngwo: “Akwetu, nyi nuli ni maliji a kutakamisa no atu, ahanjikenu.”

Yilinga 13:2

Limwe tangwa, shimbu te anawayila Mwene ni kulitwamina kulia, Mwiku wa Linanga yiwamba ngwenyi: “Nguselenu Barnaba ni Saulu ku milimo yize naatambikilile.”

Yilinga 13:4

Mwiku wa Linanga yiutuma Barnaba ni Saulu. No yaaya ku limbo lia Selusia. Kwe kuze azaukile mu ulungu ndoo ku tungu lia Shipre.

Yilinga 15:12

Chizavu cheswe yaahola kuluu, ha kubanjika Paulu ni Barnaba ni kulumbununa yipupu ni yilayi yize Zambi halinga ni moko jo hakachi ka waze hi Ayuda ko.

Yilinga 15:2

Paulu ni Barnaba yaalihangulula no chikolo hakutwala ku chikuma chize. Kashika Chikungulwila yaatongola Paulu ni Barnaba ni atu akwo hakachi ko ha kuya ku Yerusaleme kuli tunganda twa Yesu ni makulwana mumu ha chikuma chize.

Yilinga 15:37

Barnaba yazanga Yoano, jina lienyi likwo Marku, akaye hamwe no.

Yilinga 15:39

Yaalihamika kuhiana, kashika yaalihandununa. Barnaba yaya ni Marku, yaanjila mu ulungu, yaazauka ku tungu lia Shipre.

Yilinga 21:16

Amwe tumbaji a ku Sesarea yaaya hamwe ni yetu, yaatuhetesa ku zuwo lia Nasone, mutu wa ku tungu lia Shipre, hanga tukatwame ko. Mutu yono te kambaji mukulu.

Yilinga 21:3

Muze hitwamona tungu lia Shipre, yitulihichika ku kwoko lia chindume, yitwenda ndoo ku chifuchi cha Siria, ni kuheta ku limbo lia Tiru, kuze te maalongolwela yikashi mu ulungu.

Yilinga 27:4

Muze hitwakatuka ko, yikubwa fuji yinji, yiilimika ni yetu. Kashika, muze twakatukile ku Sidone yitubalika mu ulungu ku mbumbulu lia tungu lia Shipre, kuze te kukushi fuji yinji.

Yilinga 9:27

Alioze Barnaba yamwanda nikumutwala kuli tunganda twa Yesu, yaalumbunwina ngwe chize Saulu atakanyine ni Mwene Yesu mu jila, ni ngwe chize Yesu ahanjikile nenyi, yaalweza nawa chize alongesele ni hamu mu jina lienyi mu Damasku.

1 Korintu 14:3

Alioze yoze wakuhanjika munanyi, kakuhanjika ni atu, kakwatakamisa mu ufulielo, kakwakolesa ni kwalembejeka.

1 Korintu 9:6

Hanji, shina yami ni Barnaba chatutamba kulinga milimo ha kulikwasa, nyi?

Galashia 2:1

Muze miaka kumi ni yiwana hiyabalika, yinguya ku limbo lia Yerusaleme hamwe ni Barnaba, nanjile nawa Titu nikuya nenyi.

Galashia 2:13

Akwetu akwo, Ayuda, yalinga nawa chizechene ni ulembekese ngwe Petulu. Chibwe Barnaba mwene yahungumuka chizechene ku ulembekese wo.

Galashia 2:9

Tiangu (Jake), ni Petulu, ni Yoano, waze abwile ngwe akwa lutwe, yaanyingika ngwo, Zambi hanangutayiza milimo yino. Kashika, yaatwaha, Barnaba ni yami moko a chindume ha kulikunda. Ngwe akwa milimo ni akwo yitulitesa hamuwika ngwetu, yetu mutulinga hakachi ka waze hi Ayuda ko, ni ayo hakachi ka Ayuda.

Kolosu 4:10

Aristarku, yoze uli mu zuwo lia lamba hamwe ni yami, kananumeneka. Marku nawa, musonyi wa Barnaba kananumeneka. (Nwevwile kulu kushinjila chami hakutwala kuli Marku ngwami, nyi ngwe wanuheta, numutambula kanawa.)