Yilinga 4:33 - Mukanda Wa Zambi 1970

³³ Ni tachi jinji tumbaji twa Yesu yaashindakenya uhindukilo wa Mwene Yesu. Zambi yaawahisa eswe.

MUKANDA USANDU WA ZAMBI 1975

³³ Mba ni tachi jinene apostolo asele Shindakenyo yo ha Uhindukilo wa Mwene Yesu, ni vumbi linene liapwile hali ayo eswe.

Yilinga 4:33 Iomraidhean Croise

Marku 16:20

Tumbaji yaatuhuka nikwambujola kweswe. Mwene Yesu yalinga hamwe no nikukolesa longeso lio ni yilayi.]

Luka 2:52

Yesu yatatuka mu mujimba, yakula ni mana, yabemena ku meso ja Zambi ni atu.

Yoano 1:16

Nikulita ni kulumbama cha utu wenyi, hanatuwahisa ni yiwape yeka ni yeka.

Yilinga 1:8

Alioze munukatambula tachi muze Mwiku wa Linanga hiwanuhulumukina. Mba munukabwa yela jami mu Yerusaleme, ni mweswe mu Yudea ni Samaria, ni ndoo ku songo lia hashi.”

Yilinga 2:47

yaachichimieka Zambi. Atu eswe yaasa vumbi. Tangwa ha tangwa Mwene yawezela ku mbunga yo waze te Zambi analamwina.

Yilinga 4:30

Olola kwoko lie ha kuwuka, ni kwokesa yilayi ni yikomokeso mu jina lia Kavumbi ke wa Linanga, Yesu.”

1 Tesalonika 1:5

Mumu twanwambujolele Sango Jibema, hi ni maliji wika ko, alioze ni tachi, ni chiyulo cha Mwiku wa Linanga, nikunyingika pundu ngwetu, kaali maliji amwenemwene. Nunanyingika chize twabwile hakachi kenu ha kunuwahisa.

Hebreu 2:4

Mwaka uzewene Zambi yalweza yilayi, ni yipekesa, ni yipupu yeka ni yeka ha kulweza ngwo, hatayiza yuma yize te akwamba. Ku upale wenyi yaalianyina yawana yeka ni yeka ya Mwiku wenyi.