Yilinga 4:27 - Mukanda Wa Zambi 1970

²⁷ Mumu chamwenemwene mu limbo lino Herode ni Ponteu Pilatu haalichinga ni yilambala ni Aisraele mu kulimika ni Kavumbi ke wa Linanga, Yesu, Chilamwina yoze walakenyene.

MUKANDA USANDU WA ZAMBI 1975

²⁷ mumu chamwenemwene mu limbo lino, mukulimika ni Kavumbi ke Musandu Yesu, yoze wamuwayishile ni maji, ni Heronde ni Ponteu Pilatu, hamwe ni akwa mavungu ni atu a mu Izalele, akungulukile,

Yilinga 4:27 Iomraidhean Croise

Jobe 14:4

Iya mahasa kuchiza chuma chibema mu chuma chibi ngwe mutu? Nimwe.

Jobe 15:14

Mutu muka mahasa kubemena ku meso ja Zambi? Mutu muka mahasa kubwa mukwa ululi?

Jobe 25:4

Kuli umwe yoze mahasa kubwa mukwa ululi ku meso ja Zambi, nyi?

Miaso (Masamu) 2:2

Mianangana jo haalilulika kwasa jita, akwa kuyula jo kaanatwama Mwene Zambi punga ni mwanangana yoze awayishile maji.

Miaso (Masamu) 2:6

Ngwenyi: “Hingunawayisa mwanangana wami maji, ha Zione, mulundu wami wa chijila.”

Miaso (Masamu) 45:7

Wakuzanga umwenemwene, wakuvutwokela ungulungulu. Kashika Zambi, Zambi ye, hanakutongola, hanakuwahilisa kuhiana mianangana akwo eswe.

Izaya 37:26

“Kuma kanda wivwa kama ngwo, yuma yize yeswe hingunayilulika, nyi? Haliabwila mba hinayimanununa. Hingunakwehe tachi ja kububa membo akukoleka akabwe milumba ya mawe.

Izaya 49:7

Zambi Munangi wa Aisraele kanda Mukwa Kwakula kanambila kavumbi ka akwa kuyula yoze akulelesa ni kuvutwokela kuli mavungu, ngwenyi: “Mianangana maakamona chize muukatusuka, maakakatuka ni kukulemesa. Ana ja mianangana a malunga no maakachimona nawa, kumaakafukama ku meso je ni kukulemesa.” Chino muchikabwa mumu Mwene Zambi hanatongola kavumbi kenyi; Zambi munangi wa Aisraele hanamanununa yilakenyo yenyi.

Izaya 53:3

Yetu yitumulelesa, yitulituna ye; yalihumikiza ni yikola ni lamba. Kukushi niumwe yoze te mahasa kumutala! Yitumulelesa ngwe mutu wamokomoko.

Izaya 61:1

Mwiku wa Mwene Zambi uli muli yami. Hananguwayisa mu kwambujolela yiswale sango jibema ni kuwuka waze ayiza yikola ya mbunge, ni kwambujola utuswilo kuli funge, ni kutusula waze ali mu zuwo lia lamba,

Mateu 14:1

Ha tangwa lize, Herode, mwanangana wa chifuchi cha Galilea, yevwa sango ja Yesu.

Mateu 14:3

Mumu Herode yahana Shimbi ya kukwata Yoano, yamukasa, yamusa mu zuwo lia lamba. Herode yachilinga mumu hali Herodia, pwo lia mwanakwo Filipe.

Mateu 14:6

Ha chiwanyino cha kusemuka cha Herode, mwana wa Herodia wa pwo yahangana ku meso ja mbunga. Herode yachimona kubema.

Mateu 21:28

“Kuchi nunashinginyeka? Umwe mutu yabwa ni anenyi aali a malunga, yambila mukulwana ngwenyi: ‘Mwanami, yako musono ulinge milimo mu munda wa vinyu.’

Mateu 23:37

“Yerusaleme, Yerusaleme! Yena wakushiha akwa munanyi a Zambi, wakwasa mawe waze Zambi akukutumina! Yisuho yibwa haha nazangile kukungulula atu je ngwe chize chali cha kasumbi akukungulula ana jenyi mu mapulwa jenyi, alioze kunwachitayijile!

Mateu 27:2

No yaamukasa, yaamutwala nikumukunjika kuli mukwa kuyula, Pilatu.

Marku 10:33

“Banjikenu! Tunayi ku Yerusaleme. Kwanako maakakunjika Mwana Mutu kuli mahako a lutwe a Zambi ni alongeshi a Shimbi. No maakamuhisa hanga akafwe, maakamukunjika kuli yilambala.

Marku 15:31

Chimuwika nawa mahako a lutwe a Zambi, ni alongeshi a Shimbi yaakekuna Yesu nikulihanjekesa ngwo: “Walamwinyine atu akwo, alioze mwene kahashile kulilamwina!

Luka 1:35

Kanganda ngwenyi: “Mwiku wa Linanga muukuhulumukina, ndundo ja Zambi, Mukwa Mwilu Mwahiana, mujikuzulamina ngwe chizulie. Kashika, mwana yoze munangi maakamuvuluka ngwo, mwe Mwana Zambi.

Luka 22:63

Tufunga yaakekuna Yesu, yaamulamba,

Luka 23:1

Mbunga yeswe yaakatuka, yaatwala Yesu ku meso ja Pilatu,

Luka 4:18

“Mwiku wa Mwene Zambi uli muli yami. Hananguwayisa mu kwambujolela yiswale Sango Jipema, hanangutumu mu kunyingikisa utuswilo kuli funge, mu kulawisa meso ja tupuputa, mu kutusula waze akumona lamba,

Luka 9:22

Yaamba nawa ngwenyi: “Chatamba Mwana Mutu kumona lamba linji. Makulwana ja Ayuda, ni mahako a lutwe a Zambi, ni alongeshi a Shimbi maakalituna ye, maakamushiha. Mba ha tangwa lia muchitatu Zambi kumakamuhindwisa.”

Yoano 1:11

Yiliza ku chifuchi chalio, alioze atu jalio kaalitambwile ko.

Yoano 10:36

Alioze yami, Tata wanguhele kubwa munangi, Tata wangutumine hano hashi. Ngwe kuchi munuhasa kwamba ngwenu, nakushililika Zambi? Mumu nambile ngwami: ‘Nguli Mwana Zambi,’ nyi?

Yoano 18:28

Chichamene cheswe Ayuda yaamuchiza maha Kaifa, yaamutwala ku zuwo lia mukwa kuyula. Ayuda kaanjilile ko mu zuwo lia mukwa kuyula, kuchina maajilula chijila hakutwala ku kulia cha kwiwuluka Kubalika.

Yoano 18:29

Kashika mukwa kuyula, Pilatu, yatuhuka, yaahula ngwenyi: “Chikuma chika nunasumina mutu yono?”

Yoano 19:34

Alioze umwe wa kuli tujita yamutuwa mupachi ni kunga lienyi. Hazehene yimutuhuka manyinga ni meya.

Yilinga 10:38

Ngwami, yikuma ya Yesu wa ku Nazare, ngwe chize Zambi hanamuwayisa ni Mwiku wa Linanga ni tachi. Yesu hanendangana kweswe ni kulinga yibema, ni kuwuka eswe waze amwesene lamba kuli Sakwonga, Yesu yabwa ni tachi ja kuchilinga mumu te Zambi kali hamwe nenyi.

Yilinga 2:27

mumu kuuchi katayiza mwono wami kusala muma lia afu, kuuchi katayiza munangi we kubola.

Yilinga 4:30

Olola kwoko lie ha kuwuka, ni kwokesa yilayi ni yikomokeso mu jina lia Kavumbi ke wa Linanga, Yesu.”

Hebreu 7:26

Yesu kanatela kubwa mwata wa mahako. Kali munangi, keshi chibeka nichimwe, keshi shili. Zambi hanamuhandununa kuli yivulumunyi, hanamuzundula helu lia lilu.