Yilinga 4:24 - Mukanda Wa Zambi 1970

²⁴ Ha kwivwa liji lino, yaalemba Zambi ni mbunge yimuwika ngwo: “Mwene, yena watangile lilu, ni hashi, ni kalunga lwiji, ni yeswe yize yilimo.

MUKANDA USANDU WA ZAMBI 1975

²⁴ O, muze achivwile, ahetwile liji lio ni mbunge yimuwika kuli Zambi, akambe ngwo, Mwene, mwe Zambi yena, yoze watangile lilu ni hashi ni kalunga-lwiji, ni yize yeswe yilimo;

Yilinga 4:24 Iomraidhean Croise

1 MIANANGANA 19:15

yalemba ngwenyi: “Aa Mwene Zambi, Zambi ya Aisraele, kuwatwama ha chitwamo che helu lia akwa mwono a mwilu, yena uli mwe Zambi wika, kuwakuyula mwanangana eswe a hashi. Yena watangile hashi ni lilu.

1 MIANANGANA 19:19

Haliabwila Mwene Zambi, Zambi yetu, tulamwine kama kuli Aasuria, hanga mavungu eswe a hashi anyingike ngwo, Mwene Zambi shina yena wika mwe Zambi.”

Nehemia 9:6

Mba Aisraele eswe yaalemba ngwe chino: “Yena, Mwene Zambi, uli Mwene Zambi wika; yena watangile lilu ni e matongonoshi. Yena watangile hashi ni kalunga lwiji ni yuma yeswe yilimo; yeswe yiuyipwisa ni mwono. Akwa ndundo a mwilu kaakufukama ni kukuwayila.

Kutuhuka 20:11

Yami Mwene Zambi natangile lilu, ni hashi, ni kalunga lwiji, ni yeswe yize yilimo ha matangwa asambano, mba yinguhwima ha tangwa lia muchishimbiali. Kashika yami Mwene Zambi yinguwahisa tangwa lize lia kuhwima, yingulipwisa lia chijila.

Izaya 51:12

Mwene Zambi kanambe ngwenyi: “Yami nakunutakamisa. Kuchi nwakuvwila woma mutu yoze mafwa ngwe mwambu?

Jeremia 20:13

Mwimbilenu Mwene Zambi! Muchichimiekenu! Kakulamwina waze akuhungumiona kuli yingulungulu.

Jeremia 32:17

“Mwene Zambi, yena watangile lilu ni hashi ku ndundo je jahiana; kukushi Chuma nichimwe chize muchikukalila yena.

Yilinga 14:15

“Yenu malunga, yika nunalingila Chuma chino? Tuli lume atu ngwe yenu. Tunanwambulwila Sango Jibema, ngwetu, mbilenu yuma yino yamokomoko, nutewulukile kuli Zambi ya mwono, yoze watangile lilu ni hashi, ni kalunga lwiji, ni yeswe yize yilimo.

Yilinga 16:25

Alioze, ngwe ha muchima ufuku, Paulu ni Sila te kaanalembe ni kwimba miaso ya kuchichimieka Zambi. Funge akwo yaabanjika.

Yilinga 4:23

Mba muze akwa kuyula heecha, Petulu ni Yoano yaahiluka ku mbunga yo, yalumbunwina yeswe yize akwa lutwe ni makulwana aambile.