Yilinga 4:18 - Mukanda Wa Zambi 1970

¹⁸ Mba yaatambika nikwaha koki ngwo: “Litwaminenu lume kuhanjika, chibwe kulongesa mu jina lia Yesu.”

MUKANDA USANDU WA ZAMBI 1975

¹⁸ Mba aatambikile, aahele koki ngwo, Kanda nuhanjika nichimwe, chipwe kanda nulongesa mu jina lia Yesu.

Yilinga 4:18 Iomraidhean Croise

Kutuhuka 1:17

Alioze e yifunguji kachilingile mumu evwilile Zambi woma, yaafunga ana a malunga ni mwono.

Amose 7:13

Kanda ulongesa nawa kuno ku Betele, mumu kuli kuma kwa kuwayila kwa mwanangana ni atu jenyi eswe.”

Yilinga 1:8

Alioze munukatambula tachi muze Mwiku wa Linanga hiwanuhulumukina. Mba munukabwa yela jami mu Yerusaleme, ni mweswe mu Yudea ni Samaria, ni ndoo ku songo lia hashi.”

Yilinga 5:20

“Yeenu numane mu zuwo lia Zambi nikulongesa atu eswe hakutwala ku mwono uze anehene Yesu.”

Yilinga 5:28

“Tunakanukanda ngwetu, kanda nulongesa nawa mu jina lia mutu yoze. Alioze yenu hinunamwange longeso lienu mu Yerusaleme mweswe. Nunazange kutukokela uhiso wa manyinga ja mutu yono, nyi?”

Yilinga 5:40

Hohene yaatambika tunganda, yaalambisa, yaaha koki ngwo, kanda alongesa nawa mu jina lia Yesu. Mba yeecha kwo.