Yilinga 4:13 - Mukanda Wa Zambi 1970

¹³ Ha kumona hamu lia Petulu ni Yoano, akwa lutwe yaalishimwoka, mumu te kaananyingika ngwo, kaali atu waze kaajaminyine ha kulilongesa. No yaasa chinyingi ngwo, wano e abwile hamwe ni Yesu.

MUKANDA USANDU WA ZAMBI 1975

¹³ Muze amwene hamu lia Petulu ni Yoano, kananyingika apwile atu waze kaalongesele, kajamine ku masona, akomokene; o aasele chinyingi ngwo, Wano apwile hamwe ni Yesu.

Yilinga 4:13 Iomraidhean Croise

Mateu 11:25

Ha shimbu lize Yesu yamba ngwenyi: “A tata, Mwenya lilu ni hashi! Ngunakusakwila mumu hiwasolwela waze kaalilongesele yuma yize waswekelela akwa mana ni waze haanalilongesa.

Mateu 26:71

Mba Petulu yaya ku chikolo cha chipanga. Mwana pwo mukwo yamumona, yambila waze abwile ko ngwenyi: “Yono kabwanga hamwe ni Yesu Kanazare.”

Mateu 26:73

Ha shimbu likepe waze abwile ko yaakundama, yaambila Petulu ngwo: “Chamwenemwene yena uli wa kuli ayo. Kuhanjika che chinasolola kuze unakatuka.”

Luka 22:8

Yesu yatuma Petulu ni Yoano ngwenyi: “Yeenu nutululikile yakulia ya kwiwuluka kubalika.”

Yoano 19:26

Yesu yamona naye ni kambaji yoze te azanga kali hehi nenyi. Yambila naye ngwenyi: “Mama, tala mwane.”

Yoano 7:15

Ayuda yaalishimwoka nikwamba ngwo: “Haa puu! Ngwe kuchi mutu yono Unanyingika yuma yino yeswe? Mumu kalilongesele ko.”

Yoano 7:49

Ka, alioze mbunga yino keeshi kunyingika Shimbi ja Mose, kaanashingiwa!”

Yilinga 4:14

Alioze ha kumona mutu yoze awukile kanamana hamwe ni Petulu ni Yoano, hikaahashile kwamba nawa nichimwe.

Yilinga 4:19

Alioze Petulu ni Yoano yaakumbulula ngwo: “Batulenu yenwene, nyi chinalite ku meso ja Zambi kwononokena atu kuhiana Zambi.

Yilinga 4:29

Mba haliabwila, Mwene, tala kama kuhalila cho. Ha chino, twehe kama hamu, yetu tuvumbi twe, lia kwambujola nalio liji lie.

Yilinga 4:31

Muze haalemba, muma muze akungulukile yimunyika. Ayo eswe yaazala ni Mwiku wa Linanga, mba yaabutuka kwambujola liji lia Zambi ni hamu.

Yilinga 9:27

Alioze Barnaba yamwanda nikumutwala kuli tunganda twa Yesu, yaalumbunwina ngwe chize Saulu atakanyine ni Mwene Yesu mu jila, ni ngwe chize Yesu ahanjikile nenyi, yaalweza nawa chize alongesele ni hamu mu jina lienyi mu Damasku.

Yilinga 9:28

Mba Saulu yalinunga no, yendangana mu Yerusaleme mweswe, nikulongesa ni hamu mu jina lia Mwene Yesu.

1 Korintu 1:27

Alioze Zambi hanatongola yize atu akumona ngwo, ya uhepuke, ha kukolesa sonyi akwa mana. Hanatongola nawa yize yilelu ha kukolesa sonyi akwa tachi.

1 Korintu 14:25

Manyonga jenyi waze akuhengeka maamoneka ku meso ja atu eswe, mba mafulamana nikuwayila Zambi, mashindakenya ngwenyi: “Chamwenemwene Zambi kali hakachi kenu!”

2 Korintu 3:12

Tuli ni hamu kuhiana mumu twakusa mbunge ha chino.