Yilinga 4:1 - Mukanda Wa Zambi 1970

¹ Shimbu te Petulu ni Yoano anahanjika ni atu, mahako a Zambi, ni mwata wa tufunga twa zuwo lia Zambi, ni Asaduseu yaaheta.

MUKANDA USANDU WA ZAMBI 1975

¹ Shimbu machihanjika kuli atu, asasendote ni kapitau ka tembele ni A-Satuseu, ejile kuli ayo,

Yilinga 4:1 Iomraidhean Croise

Mateu 16:12

Mba yichalumbunukina ngwo, kuma te kahanjikile ko hakutwala ku yitumbo ya mbolo, alioze hakutwala ku longeso lia Afariseu ni lia Asaduseu.

Mateu 22:16

Yaamutumina tumbaji two ni amwe a kuli Aherode, ngwo: “Longeshi, tunanyingika ngwetu, yena kuuli wamwenemwene, wakulongesa Shimbi ja Zambi ni umwenemwene. Kuushi woma ha chize akunyonga atu, kuushi kutala ulemu wo.

Mateu 27:20

Mahako a lutwe ni makulwana ja Ayuda yaakununa mbunga hanga ete atuswile Baraba ni kushihisa Yesu.

Mateu 27:41

Chimuwika nawa mahako a lutwe a Zambi, ni alongeshi a Shimbi, ni makulwana ja Ayuda yaamukekuna ngwo:

Mateu 3:7

Ha kumona Afariseu ni Asaduseu anji kaanezaza hanga aapapachise, Yoano yaahula ngwenyi: “Yenu, vungu lia yihili, iya unakanutoweza kuchina ufwatulo wa Zambi uze muukeza?

Luka 20:1

Limwe tangwa, muze te Yesu analongesa atu mu zuwo lia Zambi lia Ayuda nikwambujola Sango Jibema, mahako a lutwe a Zambi, ni alongeshi a Shimbi hamwe ni makulwana yaakundama,

Luka 22:4

Mba Yudase yaya hanga ahanjike ni mahako a lutwe a Zambi ni makulwana ja tufunga twa zuwo lia Zambi ngwe chize mahasa kwakunjika Yesu.

Yoano 15:20

Iwulukenu maliji waze nanwambile ngwami: ‘Ndungo niumwe mahiana mwata wenyi.’ Nyi haananguhungumiona, ni yenu nawa maakanuhungumiona. Nyi haanonokena longeso liami, maakononokena nawa longeso lienu.

Yoano 18:3

Yudase yaya ku munda uze hamwe ni mbunga ya tujita ni tufunga twa zuwo lia Zambi. Mahako a lutwe a Zambi ni Afariseu aatumine. Yaaheta ku munda, te ndeya anambata, ni kahia ku masoka mukalekwoka, ni yuma yakwasa nayo jita.

Yilinga 4:6

Mukachi ko yimubwa atu wano: Ana, mwata wa mahako, ni Yoano, ni Alexandre, ni Kaifa, ni akwo a ku vungu lia mwata wa mahako.

Yilinga 5:17

Mwata wa mahako ni waze te akuliendela nenyi, kafwa ngwe mbunga ya Asaduseu, yaakatuka ni ukwa unji,

Yilinga 5:24

Muze mwata wa tufunga twa zuwo lia Zambi ni mahako a lutwe haachivwa, yaakakashana kuhiana chize yuma yino muyibwa.

Yilinga 5:26

Mba mwata wa tujita hamwe ni tufunga yaaya, yaaneha, alioze hi ni tachi ko, mumu yeevwila atu woma ngwo, maashiha ni mawe.

Yilinga 6:12

Chenacho akatwishile mbunga ya atu, ni makulwana, ni alongeshi a Shimbi, yaalundumukina hali Estevau (Etienne), yaamukwata, mba yaamutwala ku meso ja Mbunga ya Ngaji ja Ayuda.

Yilinga 6:7

Mba maliji a Zambi yaafumana. Tumbaji yooka kuhiana mu limbo lia Yerusaleme. Mbunga yinene ya mahako a Zambi yoononokena e maliji.