Yilinga 3:26 - Mukanda Wa Zambi 1970

²⁶ Ha chino, Zambi hanahindwisa Kavumbi kenyi, hanamutumu hatangu kuli yenu, mu kunuwahisa nikutewulula mutu mweswe hakachi kenu ku shili yenyi.”

MUKANDA USANDU WA ZAMBI 1975

²⁶ Kuli yenu hatangu, Zambi, se hanasolola Kavumbi kenyi Yesu, wamutumine mukunuwahisa, ha kunukondolola mutu mweswe ku ungulungulu wenyi.

Yilinga 3:26 Iomraidhean Croise

Miaso (Masamu) 72:17

Jina lienyi atu kanda alivulama, lufuma wenyi alinduluke ngwe chize liakulinduluka tangwa. Mavungu eswe amuchichimieke, ahule Zambi aawahisa; atu no awahise mwe mwanangana.

Jeremia 31:18

“Hinevwa Aisraele kaanatu mikuma nikwamba ngwo: ‘Mwene Zambi, twabwile ngwe kashitu yoze kaafumbile ko, alioze yena hiwatufumba hanga tuhomboke. Tuhilwise kama; hitwalilulika kulu kuhiluka kuli yena, Mwene Zambi, Zambi yetu.

Mateu 1:21

Makasema mwana lunga, ukamuluke jina ngwe, Yesu, mumu, makalamwina atu jenyi ku shili yo.”

Mateu 15:24

Yesu yakumbulula ngwenyi: “Zambi hanangutumu shina lume kuli mapanga a kutoka mukachi ka Israele.”

Luka 24:47

Ni chatamba kwambujola mu jina lienyi sango jino kuli mavungu eswe butu ku Yerusaleme. Ngwenu: ‘Alumukenu ku mbunge, mba Zambi manukonekena milonga yenu.’

Yoano 4:22

Yenu Asamaria kunwanyingikine chize nwakuwayila. Yetu Ayuda tunanyingika chize twakuwayila, mumu ulamwino wa kuli Ayuda.

Yilinga 1:8

Alioze munukatambula tachi muze Mwiku wa Linanga hiwanuhulumukina. Mba munukabwa yela jami mu Yerusaleme, ni mweswe mu Yudea ni Samaria, ni ndoo ku songo lia hashi.”

Yilinga 13:26

“Akwetu, ana ja Abrahama, Zambi hanatumu sango jino ja ulamwino kuli yetu, ni kuli yenu waze nwakuwayila Zambi hamwe ni Ayuda.

Yilinga 2:24

Alioze Zambi hanamuhindwisa, hanamujitula ku lamba lia kufwa, mumu kufwa kuchahashile kumukwata nawa.

Yilinga 2:32

Yono Yesu, Zambi hanamuhindwisa ku kufwa. Yetu eswe tuli yela ja chikuma chino.

Yilinga 26:20

Alioze hatangu yingwambujola mu Damasku ni mu Yerusaleme, mba mu chifuchi cheswe cha Yudea, ni mukachi ka waze hi Ayuda ko. Yingwambujola ngwami: ‘Alumukenu ku mbunge, nutewulukile kuli Zambi. Nulinge yitanga yize yinalweze kwalumuka cha ku mbunge.’

Yilinga 3:13

Zambi ya Abrahama, ni ya Isake, ni ya Yakoba, ni ya tushakulu twetu hanahenyesa kavumbi kenyi Yesu. Yenwene nwamukunjikile kuli mianangana, nwalitunyine ye ku meso ja Pilatu muze iye abatwile ha kumutusula,

Yilinga 3:15

nwashihile Kabutu ka mwono, alioze Zambi hanamuhindwisa ku kufwa. Yetu tuli kwetu yela ja yuma yino.

Yilinga 3:20

hanga Zambi akanwehe matangwa ja kuhwima, ni kunutumina Yesu, Chilamwina yoze iye mwene atongwele shimbu kanda.

Yilinga 3:22

Mumu Mose hanambe ngwenyi: ‘Mwene Zambi yenu makanutumina mukwa munanyi ngwe yami. Makabwa wa kuli usoko wenu. Chanutamba kumwivwa ha yuma yeswe yize makanwamba.

Yilinga 3:25

Yenu nuli ana ja akwa munanyi a Zambi. Nuli ni Chihanda mu Usendo uze Zambi hanamanununa ni tushakulu twenu, muze ahanjikile kuli Abrahama ngwenyi: ‘Ni vungu lie mungukawahisa mavungu eswe a hashi.’

A-ROMA 1:16

Mumu Chishi kwivwa sonyi ha Sango Jibema, mumu jili ndundo ja Zambi ha kulamwina eswe waze akufuliela, hatangu Ayuda, ni mavungu akwo nawa.

A-ROMA 15:29

Ngunanyingika ngwami, muze mungukanuheta, mungukeza ni yiwape yihiana ya Kristu.

A-ROMA 15:8

Mumu ngunanwambe ngwami, Kristu yalumuka kavumbi ka Ayuda ha kulweza ngwenyi, Zambi kali mukwa kushishika ha kumanununa yilakenyo yize alakenyene tushakulu.

Efesu 1:3

Tusakwililenu Zambi kanda Tato ya Mwene wetu Yesu Kristu! Hanatuwahisa mu kulinunga chetu ni Kristu ni kutwaha yiwape yeswe ya mwilu ya uzambi.

1 Petulu 1:3

Tusakwilenu Zambi kanda Tato ya Mwene wetu Yesu Kristu! Ku keke yenyi yinji, yatwaha mwono walia ku uhindukilo wa Yesu Kristu ku kufwa. Kashika twakusa mbunge ku chihinga,

1 Petulu 3:9

Nyi mutu hakulinga chibi, yena kanda umuhilwisa chibi. Nyi mutu hakushililika, yena kanda umushililika nawa. Shinoho muwahise, mumu muze Zambi anutambikile, yanulakenya ngwenyi, makanuwahisa.

Yuda 1:24

Mu jina lia Mwene wetu Yesu Kristu, uhenya, ni ulamba, ni ndundo, ni yiyulo ya Zambi yisoloke, chize ku miaka yize hiyabalika, ni musono uno, ndoo ku miaka yeswe! Zambi, Chilamwina chetu, kali umuwika lume. Iye mahasa kunufunga hanga kunuchi kalimbuka; mahasa kunusolola kunushi chibeka ni uwahililo kuhiana mu uhenya wenyi. Chibwe kama Chenacho.