Yilinga 3:25 - Mukanda Wa Zambi 1970

²⁵ Yenu nuli ana ja akwa munanyi a Zambi. Nuli ni Chihanda mu Usendo uze Zambi hanamanununa ni tushakulu twenu, muze ahanjikile kuli Abrahama ngwenyi: ‘Ni vungu lie mungukawahisa mavungu eswe a hashi.’

MUKANDA USANDU WA ZAMBI 1975

²⁵ Yenu nuli ana ja aprofeta ni ja usendo uze Zambi wakwachile ni tulamba twetu, nikwamba kuli Apalahama ngwenyi, Mu munyachi we majimo eswe a hashi kumakawaha.

Yilinga 3:25 Iomraidhean Croise

Ubutukilo 12:3

Mungukawahisa waze maakakuwahisa, mungukashinga waze maakakushinga. Mungukawahisa mavungu eswe a hashi mumu hali yena.”

Ubutukilo 17:19

Alioze Zambi ngwenyi: “Hi chocho ko. Mukwenu pwo Sara makasema mwana wa lunga. Ukamuluka ngwe, Isake. Mungukakolesa nenyi Usendo, ni lie vungu lienyi nawa. We Usendo muukalinduluka ndoo ku miaka yeswe.

Ubutukilo 18:18

Abrahama, vungu lienyi mungukaapwisa akwa lufuma ni akwa ndundo. Akwa hashi eswe kumaakawaha mumu hali iye.

Ubutukilo 20:7

Haliabwila hilwisa pwo yono kuli mukwo lunga. Kali mukwa munanyi, makulembela Zambi, ha chino kuuchi kufwa. Alioze, nyi kuuchi kumuhilwisa nyingika kwe ngwe, kumuufwa, yena ni vungu lie lieswe.”

Ubutukilo 22:18

Mba akwa hashi eswe maakazanga ngwawahise ngwe chize hinawahisa yena, mumu yena hiunononoka ku maliji jami.’ ”

Ubutukilo 26:4

Mungukakupwisa vungu linene, ngwe matongonoshi a mwilu. Mungukaaha chifuchi chino cheswe. Ku vungu lie mungukawahisa mavungu akwo eswe,

Ubutukilo 28:14

Vungu lie maakabwa anji ngwe mavu. Maakalitanda ku chivumbuko ni ku chitokelo, ku norde ni ku sude. Mungukawahisa akwa hashi eswe mumu hali yena ni vungu lie.

1 Sango Ja Mianangana 16:16

Usendo uze akolesele ni Abrahama, chilakenyo chize alakenyene kuli Isake.

1 Sango Ja Mianangana 16:17

Mwene Zambi yakolesa Usendo ni Yakoba, uze muulinduluka ku miaka yeswe.

Nehemia 9:8

Yiumumona ngwe kali mukwa mbunge yibema, yiukolesa nenyi Usendo. Yiumulakenya kumwaha chifuchi cha Akanana, ni cha Ahite, ni cha Aamore, ni cha Aperize, ni cha Ajebuse, ni cha Agirgashe, chikabwe chifuchi cha vungu lienyi akatwame mo. Hiwalinga nikulita ni chilakenyo che, mumu uli mukwa kushishika.

Miaso (Masamu) 22:27

Mavungu eswe kumeewuluka Zambi, kumaatewuluka kuli iye; Mavungu eswe kumaamuwayila.

Miaso (Masamu) 96:7

Yenu akwa hashi eswe, fumanyisenu Mwene Zambi, fumanyisenu uhenya wenyi, ni ndundo jenyi!

Luka 1:72

Nawa ngwenyi, makasolwela tushakulu twenu keke yenyi ni kwiwuluka Usendo wenyi wa linanga.

Yilinga 13:26

“Akwetu, ana ja Abrahama, Zambi hanatumu sango jino ja ulamwino kuli yetu, ni kuli yenu waze nwakuwayila Zambi hamwe ni Ayuda.

Yilinga 2:39

Mumu chilakenyo chino chili cha yenu, ni cha ana jenu, ni cha eswe waze ali kusuku, ni cha eswe waze Mwene Zambi yetu hanaatambika iye mwene.”

A-ROMA 15:8

Mumu ngunanwambe ngwami, Kristu yalumuka kavumbi ka Ayuda ha kulweza ngwenyi, Zambi kali mukwa kushishika ha kumanununa yilakenyo yize alakenyene tushakulu.

A-ROMA 4:13

Zambi hanalakenya Abrahama ni waze maasemuka kuli iye ngwenyi, hashi heswe muhakapwa niho. Chilakenyo chino kamulakenyene cho mumu wononokenene Shimbi, alioze mumu Zambi yamwalula mukwa ululi mumu ha ufulielo wenyi.

Galashia 3:16

Chenacho nawa, Zambi yalakenya Abrahama ni mutu umuwika wa ku vungu lienyi yoze makasemuka kulutwe. Mukanda wa Zambi kuushi kwamba ngwo: “Atu ja ku vungu lie,” ngwe atu anji. Alioze kuwakwamba ngwo: “Mutu wa ku vungu lie.” Kafwa ngwe mutu yoze mwe Kristu.

Galashia 3:29

Nyi nuli a Kristu, nuli ana ja Abrahama, nuli maswana nikulita ni chilakenyo cha Zambi.

Galashia 3:8

Mukanda wa Zambi yiulianga kumona kulutwe ngwo, Zambi makapwisa waze hi Ayuda ko akwa ululi, mumu ha ufulielo wo. Kashika yiwambujola shimbu kanda sango jino kuli Abrahama ngwo: “Zambi makawahisa akwa hashi eswe mumu hali yena.”

Usolwelo 14:6

Mba yingumona kanganda ka mwilu mukwo, kanabalika mu tetela, te kali ni Sango Jibema ja miaka yeswe jakwambujola kuli akwa hashi, ni ku vungu heswe, ni ku Chikota cheswe, ni ku liji heswe, ni kuli atu eswe.

Usolwelo 5:9

E makulwana te kaanembi mwaso Waha ngwo: “Mumu haanakushihi, ni manyinga je hiunalanjila Zambi atu a ku vungu heswe, ni a liji heswe, ni a kuli atu eswe, ni a ku yifuchi yeswe.

Usolwelo 7:9

Munabwamuze yingutala nawa, mba yingumona mbunga ya atu anji. Niumwe wahashile kwalula atu waze eswe! Atu a ku chifuchi cheswe, ni a ku vungu heswe, ni a kuli atu eswe, ni a ku maliji eswe. Kaanamana kulutwe lia chitwamo cha wanangana ni ku meso ja Mwana Panga, kaanazala mahina atoma, kaanakwata mitango ya mingaji mu moko jo.