Yilinga 3:22 - Mukanda Wa Zambi 1970

²² Mumu Mose hanambe ngwenyi: ‘Mwene Zambi yenu makanutumina mukwa munanyi ngwe yami. Makabwa wa kuli usoko wenu. Chanutamba kumwivwa ha yuma yeswe yize makanwamba.

MUKANDA USANDU WA ZAMBI 1975

²² Mose chamwenemwene wambile ngwenyi, Mwene Zambi yenu kumakasolola profeta kuli yenu wa kuli usoko wenu, wa kulifwa ni yami; iye nukamwivwe ha yu ma yeswe makamba kuli yenu.

Yilinga 3:22 Iomraidhean Croise

Mateu 21:11

Mbunga yaakumbulula ngwo: “Awu mwe Yesu, mukwa munanyi wa Zambi wa ku Nazare mu chifuchi cha Galilea.”

Luka 13:33

Alioze Changutamba kuya mu jila yami musono, ni hamene, ni hamene alize, mumu kuchatambile mukwa munanyi wa Zambi kufwila kweka shina mu Yerusaleme.

Luka 24:19

Yahula ngwenyi. “Yuma yika?” No yaamukumbulula ngwo: “Yize ya Yesu Kanazare, te mukwa munanyi wa Zambi wa ndundo ku yitanga ni ku maliji ku meso ja Zambi ni ku meso ja atu eswe.

Yoano 1:17

Zambi hanatwehe Shimbi ku kwoko lia Mose, alioze utu ni umwenemwene hiyineza muli Yesu Kristu.

Yoano 12:46

Yami hinguneza hashi ngwe pangu, hanga yoze mangufuliela, kechi kenda mu milima.

Yoano 5:24

“Chamwenemwene ngunanwambe ngwami, yoze wakwivwa maliji jami ni kufuliela yoze wangutumine, mwono wa miaka yeswe ali nawo. Kechi kamuhisa, alioze hahinduka kulu ku kufwa, habwa ni mwono.

Yoano 8:12

Yesu yaamba nawa ngwenyi: “Lie pangu lia hashi yami. Yoze wakungukaula mabwa ni pangu lia mwono, kechi kenda nichimwe mu milima.”

Yilinga 7:37

Yono mwe Mose yoze wahanjikile kuli Aisraele ngwenyi: ‘Zambi makanusolwela mukwa munanyi hakachi kenu ngwe chize asolwele yami.’

A-ROMA 8:3

Zambi walingile chize Shimbi ja Mose kujahashile kulinga mumu ha ulelu wa uutu. Yahisa shili ya uutu muze atumine Mwanenyi, yoze wejile ni kulifwa cha uutu wa shili ha kuchiza shili.

A-ROMA 9:5

Kaali a ku Chikota cha tushakulu twetu. Nawa Kristu, nikulita ni uutu wenyi kali wa ku Chikota cho. Mwenawo kali helu lia eswe, tuhalisenu Zambi ku miaka yeswe. Chibwe kama Chenacho.

Galashia 4:4

Alioze muze tangwa lize atongwele hiliaheta, Zambi yatuma Mwanenyi. Yasemuka kuli umwe pwo, mu chiyulo cha Shimbi ja Ayuda,

Hebreu 2:1

Kashika, chatutamba kwononokena kanawa yuma yamwenemwene yize twevwile. Nyi ka, mutupianguka.

Hebreu 5:9

Chize ku tangwa lize hamupwisa mungunu, eswe waze akumwononokena kakwalamwina ku miaka yeswe.

Usolwelo 1:1

Mukanda uno unalumbununa yuma yize Yesu Kristu angusolwelele yami Yoano. Zambi yayilweza Yesu hanga alweze tuvumbi twenyi yuma yize muyikeza kulutwe ha shimbu likepe. Kristu yatuma kanganda kenyi ha kungunyingikisa yo.