Yilinga 3:19 - Mukanda Wa Zambi 1970

¹⁹ Kashika alumukenu ku mbunge, nuhiluke kuli Zambi, hanga anukonekene milonga yenu,

MUKANDA USANDU WA ZAMBI 1975

¹⁹ Likonyekenu kashika, nyalumuke, hanga milonga yenu yikajimuke, ni chocho miaka ya kuhuzuluka yikeze ya kumeso ja Mwene;

Yilinga 3:19 Iomraidhean Croise

Miaso (Masamu) 103:12

Ngwe chize chivumbuko chili kusuku ni chitokelo, Chenacho nawa iye akumbila milonga yetu.

Miaso (Masamu) 51:13

Mba mungulongesa yivulumunyi Shimbi je, hanga atewulukile kuli yena.

Miaso (Masamu) 51:9

Kanda utala milonga yami, ujimune uhenge wami weswe.

Izaya 43:25

Hindu yami nguli Zambi yoze wakunukonekena milonga yenu, nakuchilinga mumu ha chize nguli. Chichi kwiwuluka nawa milonga yenu.

Izaya 44:22

Utanguko we hingunautangumuna ngwe lelwa. Milonga ye hingunayitandulula ngwe mbundu. Hiluka kuli yami mumu yami nakukulile.”

Izaya 51:11

Atu waze wakulile maakeza ku Yerusaleme ni uwahililo, nikwimba nikukololoka ni chiseke. Maakawahilila ku miaka yeswe, muze lamba ni yinyengo hiyahwa.

Izaya 6:10

Mba yangwamba ngwenyi: “Kalisa mbunge ja atu wano, matwi jo ajike, meso jo afukiwe, hanga achine kumona, hanji kwivwa, chibwe kunyingika. Nyi ka, matewuluka kuli yami ngwawuke.”

Izaya 61:3

ni kuhana kuli waze ananenganyana mu Zione chiseke ni uwahililo ha kusalakana yinyengo, mwaso wa uhaliso kusalakana kubihilila. Kumaakabwa ngwe mitondo yize Mwene Zambi atumbile iye mwene. Eswe maakalinga chize chinalite, atu maakachichimieka Zambi ha yize hanalingi.

Izaya 61:9

Kumaakabwa akwa lufuma hakachi ka mavungu; eswe waze maakaamona kumaakanyingika ngwo, kaali atu waze nawahishile.”

Jeremia 36:3

Tangwa likwo muze Ayuda meevwa yeswe yize hingunanyongo kulinga hali ayo, maalumuna ndako jo jibi. Mba mungwakonekena ungulungulu wo ni milonga yo.”

Jeremia 50:20

Muze tangwa lize mulikeza, mu Israele keechi kawana mo nawa shili niyimwe, chibwe mu Yuda keechi kawana mo ungulungulu, mumu waze haasala ni mwono mungwakonekena. Yami Mwene Zambi nachamba.”

Lungungu 3:40

Tuhengulenu majila jetu, tuhilukenu kuli Mwene Zambi.

Lungungu 5:21

Mwene Zambi, tuhilwise kama kuli yena! Tuhilwise kama! Tuhilwishile kama uhenya wetu Ukulu.

Ezekiel 33:11

Alweze ngwe, mwe yami Mwene Zambi, Chishi kuwahilila nyi Chivulumunyi wafwa. Ngunazange kachi alitwamine yibi yenyi, abwe ni mwono. Alumukenu ku mbunge! Alumukenu ku mbunge vungu lia Israele, mumu yika nunazange kufwa?”

Daniel 9:13

Hiwatumwesa lamba heswe lize linasonewa mu Shimbi ja Mose. Aa Mwene Zambi, Zambi yetu, chibwe haliabwila kutwesekele ko kulinga yize wakuzanga, kutwehukile ko milonga yetu, kutwakawile ko umwenemwene we.

Hosea 14:2

Hilukenu kama kuli Mwene Zambi, kulemba chino chibwe kama ngwe mulambu ku meso jenyi ngwenu: “Twalemba mwane, tukonekene kama milonga yetu, mba mutukuchichimieka ngwe chize twalakenyene.

Joele 2:13

Kanda nutanuna mahina jenu; alioze Sololenu yinyengo ya mu mbunge.” Hilukenu kuli Mwene Zambi, Zambi yenu, mukwa utu ni mukwa keke. Kali chihumikiji, kakumanununa yilakenyo yenyi; matangwa eswe kakululika kukonekena, hi kumwesa ko lamba.

Mateu 13:15

Mumu mbunge ja atu wano hijinaleme. Matwi jo haanafulamana ha kwivwa, Meso jo haanafukiwa ha kumona, Kuchina meso jo maamona, Matwi jo meevwa, Mbunge jo mujinyingika, Mba maatewuluka kuli yami hanga ngwawuke. Chenacho anambe Zambi.’

Mateu 18:3

yamba ngwenyi: “Chamwenemwene ngunanwambulwila ngwami, nyi kunwalumukine ku mbunge ni kubwa ngwe twanuke, kunuchi kanjila mu Wanangana wa mwilu.

Luka 1:16

Makahilwisa atu anji hakachi ka Israele kuli Mwene Zambi yo.

Luka 22:57

Alioze Petulu yalikala ngwenyi: “Yena pwo, chamunyingikine kwami!”

Yilinga 1:6

Kashika muze tunganda alikungulwile ni Yesu, yaamuhula ngwo: “Mwene, haliabwila muuhilwisa Wanangana kuli Aisraele, nyi?”

Yilinga 11:18

Muze heevwa maliji wano, kaahamikine ko nawa. Yaachichimieka Zambi nikwamba ngwo: “Chamwenemwene Zambi hahana nawa kuli waze hi Ayuda ko kwalumuka cha mbunge hanga abwe ni mwono.”

Yilinga 11:21

Ndundo ja Mwene jabwile hamwe no, ni atu anji yaafuliela, yaatewuluka kuli Mwene.

Yilinga 15:3

Chikungulwila yaashinjikila mu jila. No yaabalika ndusu mu chifuchi cha Fenishia ni cha Samaria. Muze te anabalika yaambujola ngwe chize waze hi Ayuda ko haanatewulukila kuli Zambi. Yuma yize yiiwahisa akwa Kristu kuhiana.

Yilinga 17:26

Mwenawo watangile mavungu eswe a hashi kuli mutu umuwika. Neye yaamwanga hashi heswe, yaalulikila shimbu kanda, miaka ya kutwama cho ni ngiza ja yifuchi muze maakatwama.

Yilinga 2:38

Petulu ngwenyi: “Mutu ni mutu hakachi kenu alumuke ku mbunge, amupapachise mu jina lia Yesu Kristu ha ukonekeno wa milonga. Mba munutambula chawana cha Zambi, Mwiku wa Linanga.

Yilinga 28:27

Mumu mbunge ja atu wano hijinaleme, haanajiki matwi jo, haanafuku meso jo, kuchina maamona ni meso jo ni meevwa ni matwi jo, ni maanyingika ni mbunge jo, kuchina maalumuka kuli yami, mba mungwawuka. Chenacho anambe Zambi.’ ”

Yilinga 3:20

hanga Zambi akanwehe matangwa ja kuhwima, ni kunutumina Yesu, Chilamwina yoze iye mwene atongwele shimbu kanda.

Yilinga 3:21

Yesu makashimbula mwilu ndoo ni muze Zambi makalulika yuma yeswe, ngwe chize hanachambulula kuli akwa munanyi jenyi a kulinanga ku miaka yikulu.

A-ROMA 11:25

Akwetu, ngunanunyingikisa chijimbikilo chino, kuchina munulinyonga ngwe nuli akwa mana. Chijimbikilo chino ngwo kukala cha mbunge ja Aisraele hi cha matangwa eswe ko. Alioze maakasala chizechene ndoo kwoka cha mavungu akwo hichazuka.

2 A-TESALONIKA 1:10

Chino muchikabwa muze makeza ha tangwa lize atu jenyi maakamuhalisa ni akwa kufuliela eswe maakamulemesa. Ni yenu nawa munukabwa mukachi ko, mumu hinunafuliela Sango jize twanulongesele.

2 A-TESALONIKA 1:7

Makanwaha uhwimino yenu waze nwakumona lamba ngwe yetu nawa. Makachilinga muze Mwene makasoloka mwilu ni tunganda twenyi a tachi.

2 Timoteu 2:25

Chamutamba kulongesa akwa pami ni uhomboloji. Tangwa likwo Zambi makaaha tangwa lia kwalumuka ku mbunge ni kunyingika umwenemwene.

Hebreu 4:1

Zambi hanatulakenya chilakenyo ngwenyi, mutuhasa kunjila mu uhwimino wenyi. Twivwenu woma, nyi ka, umwe hakachi kenu mahona kunjila mu uhwimino uze.

1 Petulu 2:25

Mumu nwabwile ngwe mapanga waze haanapiasuka, alioze haliabwila hinwahiluka kuli Kafunga kanda Kalayi ka mwono wenu.

2 Petulu 3:8

Alioze, akwetu, kanda nuvulama Chuma chino chimuwika ngwami, ku meso ja Mwene Zambi tangwa limuwika lili ngwe kanunu ka miaka, ni kanunu ka miaka kali ngwe tangwa limuwika.

Usolwelo 21:4

Makakusumuna masoji eswe ku meso jo. Kufwa kuchichi kabwa nawa, chibwe kunenganyana, chibwe mahio, chibwe yikola. Yuma yitangu hiyinahu.”