Yilinga 3:18 - Mukanda Wa Zambi 1970

¹⁸ Alioze Zambi hanamanununa chize ahanjikile shimbu kanda kuli akwa munanyi jenyi ngwenyi, Chilamwina wa kuli Zambi, yoze iye mwene alakenyene, makamona lamba.

MUKANDA USANDU WA ZAMBI 1975

¹⁸ alioze Zambi chocho hanamanununa chize ambulwile Shimbu-kanda ku makanwa ja aprofeta jenyi eswe ngwo, Kristu yenyi makevwa lamba.

Yilinga 3:18 Iomraidhean Croise

Ubutukilo 3:15

Yena kapela ni pwo munukabwa akwa kole. Vungu lie ni vungu lia pwo mulikabwa akwa kole. Mulikafupa mana akukushihila ku mutwe, ni yena muukafupa mana akumusumina ku kashi jino.”

Izaya 50:6

Nakunjikile nyima yami kuli waze angulambile. Chaakanjishile ko muze angusawile, muze angusuchile wevu, ni kungufwila mate ku meso.

Daniel 9:26

Ku songo lia matangwa waze mukwa lutwe yoze Zambi atongwele maakamushiha keshi ni chitela. Limbo ni lie zuwo lia kuwayila kumaakayibuzula kuli umwe mukwa kuyula wa tachi ni tujita twenyi. Songo mulikeza ngwe sanga lia meya, nikuneha jita ni kwonona yize Zambi hanalulika.

Zakaria 12:10

“Vungu lie David ni akwa Yerusaleme akwo, mungukaaha mbunge ya keke ni zango ya kulemba. Kumaakatala yoze atuwile kunga, yoze ashihile. Kumaakalinyenga hali iye ngwe waze analinyenge hali mwana wa wika. Maakamulila mbimbi chikolo, ngwe waze haatokesa mwano mutangu wa lunga.

Zakaria 13:7

Mwene Zambi Mukwa Ndundo Jeswe kanambe ngwenyi: “Mukwale katuka, limike ni kafunga yoze wakungulingila milimo! Mushihe, mba mapanga maamwangana. Mungukalimika ni atu jami,

Luka 24:44

Mba yaamba ngwenyi: “Wano e maliji nanwambile muze nabwile hamwe ni yenu, ngwami, yize yeswe yasonewene hakutwala kuli yami mu Shimbi ja Mose, ni mu mikanda ya akwa munanyi a Zambi, ni Miaso (Masamu) chatamba yikamanunuke.”

Yilinga 10:43

Akwa munanyi eswe a Zambi haanamushindakenya ngwo, mweswawo wakumufuliela, Zambi kakumukonekena milonga yenyi ku tachi ja jina lia Yesu.”

Yilinga 2:23

Zambi, mu upale wenyi ni chinyingi chenyi, hanabatula kulu kunukunjika Yesu. Nwamushihile muze nwatayijile yivulumunyi amuhate ha kulusu.

Yilinga 28:23

No yaatongola tangwa lia kuhanjika ni Paulu. Mba mbunga yinene yeezaza ni kumunangisa ku zuwo lize te atwama. Chize ku chichamene ndoo ku chingoloshi Paulu yaalumbunwina nikushindakenya hakutwala ku Wanangana wa Zambi, yeeseka kwakununa ha chikuma cha Yesu. E maliji waze alongesele te a mu mukanda wa Shimbi ja Mose ni mu mikanda ya akwa munanyi a Zambi.

2 Petulu 1:21

Mumu liji lia munanyi nilimwe liejile ku upale wa mutu iye mwene, alioze Mwiku wa Linanga yiushinjeka atu kuhanjika liji lize ambile Zambi.

Usolwelo 19:10

Yingufulamana ku molu jenyi ha kumuwayila. Alioze yangwamba ngwenyi: “Ka, kanda uchilinga! Nguli kavumbi ni mukwenu hamwe ni akwenu waze akwete umwenemwene uze asolwele Yesu. Wayila Zambi!” Mumu umwenemwene uze asolwele Yesu, wenawo te Wakukolesa akwa munanyi a Zambi ha kwambujola maliji jenyi.