Yilinga 3:15 - Mukanda Wa Zambi 1970

¹⁵ nwashihile Kabutu ka mwono, alioze Zambi hanamuhindwisa ku kufwa. Yetu tuli kwetu yela ja yuma yino.

MUKANDA USANDU WA ZAMBI 1975

¹⁵ Nwashihile mwe Kaputu ka mwono; yoze Zambi wamuhindwishile hakachi ka afu; ha chino yetu tuli yela.

Yilinga 3:15 Iomraidhean Croise

Luka 24:48

Yenu nuli yela ja yuma yize.

Yoano 1:4

Liji lize liabwile chishina cha mwono, we mwono wapangulwishile atu.

Yoano 10:28

Nakwapwisa ni mwono wa miaka yeswe. Keechi kafwa nichimwe ndoo ku miaka yeswe. Mutu niumwe kechi kaachangumuna ku kwoko liami.

Yoano 14:6

Yesu ngwenyi: “Yami nguli ye jila, ni we umwenemwene, ni we mwono. Niumwe meza kuli Tata shina ni yami.

Yoano 17:2

Mumu hiunamwehe chiyulo hali atu eswe, hanga ahane mwono wa miaka yeswe kuli eswe waze wamuhele.

Yoano 4:10

Yesu ngwenyi: “Ehee! Nyi kuwanyingika chawana chize Zambi akuhana kuli atu, nawa nyi kuwanyingika yoze unakwichi meya a kunwa, kachi wamwita, neye makwaha meya a mwono.”

Yoano 4:14

Mumu meya waze mungumwaha maakavelwoka muli iye ngwe mu shima lia meya a mwono wa miaka yeswe.”

Yoano 5:26

Mumu Tata chiyulo akwete cha kupwisa atu ni mwono, chimuwika nawa hanakunjika chiyulo kuli Mwana cha kupwisa atu ni mwono.

Yilinga 2:24

Alioze Zambi hanamuhindwisa, hanamujitula ku lamba lia kufwa, mumu kufwa kuchahashile kumukwata nawa.

Yilinga 2:32

Yono Yesu, Zambi hanamuhindwisa ku kufwa. Yetu eswe tuli yela ja chikuma chino.

Yilinga 4:2

Yaabihilila chikolo mumu tunganda wano yaalongesa atu ngwo, Yesu hanahinduka. Chize chinalumbunuka ngwo, afu kumaakahinduka.

Yilinga 5:31

Zambi hanamuzundula ha kubwa ku kwoko lienyi lia chindume, hanga abwe Tetekeli ni Chilamwina. Chenacho Aisraele maahasa kwalumuka ku mbunge jo, ni Zambi maakonekena milonga yo.

1 Korintu 15:45

Mumu hichinasonewa mu Mukanda wa Zambi ngwo: “Mutu mutangu yoze atangile Zambi, Samutu, yamutanga wa mwono.” Alioze Samutu wakusula kali Mwiku uze wakuhana mwono.

Efesu 1:20

Zambi ahindwishile najo Kristu ku kufwa ni kumutwamisa ku chindume chenyi mwilu.

Hebreu 12:2

Tuhulikilenu kuli Yesu, mumu ufulielo wetu kuwakwiza kuli iye, chize ku kabutu ndoo ku songo. Yalihumikiza muze amuhachile ha kulusu. Kevwile ko sonyi ja kufwa ha kulusu, mumu yanyonga lume ha yiwape yize te yinamushimbwila. Kashika, haliabwila, kali ku chindume cha Zambi ha chitwamo cha wanangana.

Hebreu 2:10

Chabwile chibema ngwo, Zambi yoze watangile yuma yeswe ni wakuyikwata, apwise Yesu mungunu ha lamba lize amwene. Chino Zambi yachilinga ha kusenyesa atu anji ha kuzuka kamwe ka uhenya wenyi. Mumu Yesu mwe wakwalamwina.

Hebreu 5:9

Chize ku tangwa lize hamupwisa mungunu, eswe waze akumwononokena kakwalamwina ku miaka yeswe.

1 Yoano 5:20

Tunanyingika ngwetu, Mwana Zambi haneza hano hashi, ni hanatwehe malinjekela hanga tunyingike Zambi yamwenemwene. Twakulinunga ni Zambi yamwenemwene ni Mwanenyi Yesu Kristu. Zambi kali Zambi yamwenemwene, ni kakuhana mwono wa miaka yeswe.

Usolwelo 21:6

Yamba nawa ngwenyi: “Hiyamanunuka! Yami nguli Alfa ni Omega, nguli mwe kabutu ni lie songo. Yoze Unevu pwila mungumwaha meya a mu kasulo ka mwono, mungumwaha chawana.

Usolwelo 22:1

Kanganda ka mwilu yangulweza nawa lwiji yoze ukwete meya a mwono, te kanabeyima ngwe katalilo. Lwiji yoze te kanatuhuka ku chitwamo cha wanangana cha Zambi ni cha Mwana Panga.

Usolwelo 22:17

Mwiku wa Linanga ni Nandungi kaanambe ngwo: “Tweya!” Yoze Unevu yuma yino chamutamba kwamba nawa ngwenyi: “Tweya!” Yoze Unevu pwila eze. Yoze unazange kunwa meya a mwono, aatambule chawana.