Yilinga 3:13 - Mukanda Wa Zambi 1970

¹³ Zambi ya Abrahama, ni ya Isake, ni ya Yakoba, ni ya tushakulu twetu hanahenyesa kavumbi kenyi Yesu. Yenwene nwamukunjikile kuli mianangana, nwalitunyine ye ku meso ja Pilatu muze iye abatwile ha kumutusula,

MUKANDA USANDU WA ZAMBI 1975

¹³ Zambi ya Apalahama, ya Izake, ya Yakomba, Zambi ya akaka, hahana uhenya kuli Kavumbi kenyi Yesu; yoze yenu nwamukunjikile, nwalikalileye kumeso ja Pilatu, muze iye ambile kumutusula.

Yilinga 3:13 Iomraidhean Croise

Kutuhuka 3:13

Alioze Mose ngwenyi: “Mwene, muze mungukaya ni kulweza Aisraele ngwami: ‘Zambi ya akakenu kangutuma kuno kuli yenu,’ nyi anguhula ngwo: ‘Mwe Zambi yoze jina lienyi iya?’ Mba yami kuchi mungukakumbulula?”

Kutuhuka 3:15

Ukalweza Aisraele ngwe: ‘Yami, Mwene Zambi, Zambi ya akakenu, Zambi ya Abrahama, ni Isake, ni Yakoba, mwe nakutuma.’ Lino lie jina liami ku miaka yeswe; waze maakasemuka kulutwe, maakanguvulwoka jina lino.

Kutuhuka 3:6

Nguli Zambi ya akaka je, Zambi ya Abrahama, ni Isake, ni Yakoba.” Mose yafuka ku meso, mumu yevwa woma ha kutala Zambi.

Mateu 11:27

“Tata hanangukunjika yuma yeswe. Niumwe wanyingika mwe Mwana shina Tata, chibwe niumwe wanyingika mwe Tata shina Mwana, ni waze Mwana akuzanga kumusolwela.

Mateu 20:19

maakamukunjika kuli yilambala. No maakamukekuna, maakamulamba ni fimbo (shikote), maakamuhata ha kulusu. Alioze ha tangwa lia muchitatu Zambi makamuhindwisa.”

Mateu 22:32

‘Nguli kwami Zambi ya Abrahama, ni ya Isake, ni ya Yakoba.’ Kulumbunuka ngwo: Zambi kali Zambi ya akwa mwono hi Zambi ya afu ko.”

Mateu 27:2

No yaamukasa, yaamutwala nikumukunjika kuli mukwa kuyula, Pilatu.

Mateu 28:18

Yesu yaakundama, ngwenyi: “Tata hanangwehe yiyulo yeswe mwilu ni hashi.

Marku 15:11

Alioze mahako a lutwe yaavundula mbunga hanga atuhwise Baraba.

Luka 22:57

Alioze Petulu yalikala ngwenyi: “Yena pwo, chamunyingikine kwami!”

Luka 23:4

Mba Pilatu yambila mahako a lutwe a Zambi ni mbunga ngwenyi: “Chawanyine chitela nichimwe cha kuhishila mutu yono.”

Luka 6:37

“Kanda nubatwila akwenu, Zambi neye kechi kanubatwila. Kanda nuhisa akwenu, Zambi neye kechi kanuhisa. Konekenenu akwenu, Zambi neye makanukonekena.

Yoano 12:16

Hatangu tumbaji twenyi kaanyingikine yuma yize, alioze muze Yesu hanjila mu uhenya wenyi, yeewuluka ngwo, kuma yuma yino yasonewene mu Mukanda wa Zambi hakutwala kuli Yesu, nawa ngwo, atu alingile yuma yino mumu hali iye.

Yoano 18:40

No eswe yaakololoka ngwo: “Ka, hi iye ko. Tunazange Baraba.” (Baraba te muhuza.)

Yoano 19:11

Yesu ngwenyi: “Kuuchi kubwa ni chiyulo nichimwe hali yami, nyi kakuhele cho mwilu. Kashika mutu yoze unakangukunjika kuli yena halinga yibi yahiana.”

Yoano 19:12

Ha maliji wano, Pilatu yafupa jila ya kumutusula. Alioze Ayuda yaakololoka ngwo: “Nyi watusula mutu yono, hi uli sepa lia mwanangana wa Aroma ko. Yoze wakulipwisa mwanangana kali mukwa kole wa mwanangana wa Aroma.”

Yoano 19:15

Alioze yaakololoka ngwo: “Mushihe, mushihe, muhate ha kulusu!” Pilatu yaahula ngwenyi: “Chinalite nguhate mwanangana wenu ha kulusu, nyi?” Mahako a lutwe a Zambi yaakumbulula ngwo: “Kutushi mwanangana mukwo shina mwanangana wa Aroma!”

Yoano 7:39

(Yachamba hakutwala ku Mwiku wa Linanga uze akwa kufuliela maakatambula. Alioze shimbu lize Mwiku te kanda uchiza, mumu Yesu kanda achinjila mu uhenya wenyi.)

Yilinga 22:14

Neye yamba ngwenyi: ‘Zambi ya tushakulu twetu hanakutongola hanga unyingike upale wenyi, hanga umone mwe Mukwa Ululi, ni kwivwa liji lienyi.

Yilinga 24:14

Alioze ngunatayiza ku meso je ngwami, nakuwayila Zambi ya tushakulu twetu ni kukaula jila yize akwamba ngwo, ya mahuza. Alioze nakufuliela yuma yeswe yize hiyinasonewa mu mikanda ya Shimbi ni ya akwa munanyi a Zambi.

Yilinga 3:12

Ha kuchimona, Petulu yaamba ngwenyi: “Malunga Aisraele, kuchi nunatuhulikila meso ngwe ni tachi hanji ni kulinanga cha yetwene twamwendesanga?

Yilinga 3:26

Ha chino, Zambi hanahindwisa Kavumbi kenyi, hanamutumu hatangu kuli yenu, mu kunuwahisa nikutewulula mutu mweswe hakachi kenu ku shili yenyi.”

Yilinga 4:27

Mumu chamwenemwene mu limbo lino Herode ni Ponteu Pilatu haalichinga ni yilambala ni Aisraele mu kulimika ni Kavumbi ke wa Linanga, Yesu, Chilamwina yoze walakenyene.

Yilinga 4:30

Olola kwoko lie ha kuwuka, ni kwokesa yilayi ni yikomokeso mu jina lia Kavumbi ke wa Linanga, Yesu.”

Yilinga 7:32

‘Yami nguli Zambi ya tushakulu twe, Zambi ya Abrahama, ni Isake, ni Yakoba.’ Mose yachikima ni woma, kahamukine ko ni kutala.

A-ROMA 9:5

Kaali a ku Chikota cha tushakulu twetu. Nawa Kristu, nikulita ni uutu wenyi kali wa ku Chikota cho. Mwenawo kali helu lia eswe, tuhalisenu Zambi ku miaka yeswe. Chibwe kama Chenacho.

Hebreu 2:9

Alioze tunamono Yesu. Shimbu likepe Zambi yamusa kushi lia tunganda a mwilu, hanga, ku utu wa Zambi, afwile atu eswe. Haliabwila tunamumono ni uhenya ni ulemu Wahiana, mumu ha lamba lia kufwa lize amwene.

Usolwelo 1:18

Nguli mukwa mwono. Nafwile, alioze tala, haliabwila nguli ni mwono ndoo ku miaka yeswe ni miaka yeswe. Ngunayulu kufwa. Ngunayulu nawa chifuchi cha waze haanafu.