Yilinga 3:12 - Mukanda Wa Zambi 1970

¹² Ha kuchimona, Petulu yaamba ngwenyi: “Malunga Aisraele, kuchi nunatuhulikila meso ngwe ni tachi hanji ni kulinanga cha yetwene twamwendesanga?

MUKANDA USANDU WA ZAMBI 1975

¹² Petulu ha kuchimona, wambile kuli atu ngwenyi, Yenu A-Izalele, kuchi te nunalishikishila ha chino? Hanji kuchi te nunatuhulikila meso ngwe ni tachi ja yetwene hanji uwayilo wa yetwene twamwendesanga?

Yilinga 3:12 Iomraidhean Croise

Ubutukilo 40:8

Ayo ngwo: “Twalotanga yilota, alioze mukwa kutulumbunwina yo wakuhi.” Josefe ngwenyi: “Zambi mwe wakulumbununa yilota. Ngwawilenu ye yilota yenu, nyi nunazange.”

Ubutukilo 41:16

Josefe ngwenyi: “Vulie mwanangana! Hi yami ko, alioze Zambi mwe mahana ulumbunwiso Ubema.”

Yoano 7:18

Mutu yoze wakuhanjika mu chiyulo chenyi mwene, kakufupa lufuma wenyi mwene. Alioze yoze Wakufupa lifuma wa yoze wamutumine, kakuhanjika umwenemwene, keshi kaliongelo.

Yilinga 13:26

“Akwetu, ana ja Abrahama, Zambi hanatumu sango jino ja ulamwino kuli yetu, ni kuli yenu waze nwakuwayila Zambi hamwe ni Ayuda.

Yilinga 2:22

“Malunga ja Israele, ngubanjikenu! Zambi hanashindakenya hakutwala kuli Yesu wa ku Nazare, ni yipupu, ni yikomokeso, ni yilayi. Yuma yino Zambi wayilingile muli iye, ngwe chize nunanyingika yenwene, mumu wayilingile hakachi kenu.

Yilinga 3:11

Shimbu mutu yoze unachikwachilila Petulu ni Yoano, atu eswe yaalishimwoka nikuzomboka kuli ayo mu chisambwe cha ku zuwo lia Zambi chize anachivuluka ngwo, Chisambwe cha Solomone.

Yilinga 3:13

Zambi ya Abrahama, ni ya Isake, ni ya Yakoba, ni ya tushakulu twetu hanahenyesa kavumbi kenyi Yesu. Yenwene nwamukunjikile kuli mianangana, nwalitunyine ye ku meso ja Pilatu muze iye abatwile ha kumutusula,

A-ROMA 11:1

Ngunahula ngwami, Zambi hanambila atu jenyi, nyi? Ngwami, ka lume! Mumu yami mwene nawa nguli Kaisraele; kashakulu kami Abrahama; vungu liami Benjamine.

A-ROMA 9:4

Zambi yaapwisa ana jenyi. Hanaliendela no mu uhenya wenyi. Hanalingi no Usendo. Hanaahe Shimbi, ni uwayilo, ni yilakenyo yenyi.

2 Korintu 3:5

Mumu kutwahashile kwamba ngwetu, tunahase kulinga milimo yino ku tachi ja yetwene, alioze ku tachi ja Zambi.

Usolwelo 7:13

Umwe mukulwana yanguhula ngwenyi: “Atu waze aya, anazala mahina atoma, kulihi anakatuka?”