Yilinga 3:1 - Mukanda Wa Zambi 1970

¹ Petulu ni Yoano yaakanduka ku zuwo lia Zambi lia Ayuda ha ola ya kulemba, ola ya muchitatu, ya chingoloshi.

MUKANDA USANDU WA ZAMBI 1975

¹ Achi, Petulu ni Yoano akandukile hamuwika ku tembele ha ola ya kulemba, ye ola yamuchilivwa.

Yilinga 3:1 Iomraidhean Croise

1 Yitanga Ya Mianangana 18:36

Ha ola ya kulambula Mwene Zambi milambu ya chingoloshi, mukwa munanyi Eliya yakundama ku chilumbilo, yalemba ngwenyi: “Mwene Zambi, Zambi ya Abrahama, ni Isake, ni Yakoba, musono lweza Aisraele ngwe, yena uli Zambi yo, ni yami nguli kavumbi ke, ni hinalinga yuma yino yeswe mu chiyulo che.

Miaso (Masamu) 55:17

Ha chichamene, ni ha mwalwa, ni ha ufuku mungulinyenga ni kutwa mikuma, neye kumevwa liji liami.

Kutuhuka 29:39

Ukalambula mwana panga umuwika ha chichamene, mukwo ha chingoloshi.

Daniel 6:10

Muze Daniel hevwa ngwo, mwanangana hasoneka jina lienyi mu mukanda wa Shimbi, yaya ku mahienyi. Mu chibatulo cha zuwo lienyi cha kwilu yimubwa tupenda waze te atala ku Yerusaleme. Kwenako asele makungunwa hashi ni kulemba Mwene Zambi yisuho yitatu tangwa ha tangwa, nikulita ni ndako yenyi.

Daniel 9:21

Muze te ngunalembe, mwe Gabriel, yoze namwene mu Usolwelo utangu, yahulumuka hashi kuze nabwile. Te ola ya mulambu wa chingoloshi.

Kwalula 28:4

Panga mutangu ukamulambula ha chichamene, wa muchaali ha chingoloshi.

Mateu 17:1

Muze matangwa asambano haabalika, Yesu yatwala hamwe nenyi Petulu, ni asongo ni mutu Tiangu (Jake) ni Yoano, yaakandwisa ha mulundu usuku, haze yaabwa ukawo.

Mateu 26:37

Mba Yesu yaya ni Petulu ni ana malunga aali a Zebedeu, yabutuka kwivwa chinyengo chinji ni kulema mu mbunge,

Mateu 27:45

Tangwa ha muchima, chifuchi cheswe yichibwa ni milima bwii, yiitwama ndoo ola jitatu.

Luka 1:10

Atu eswe te kaanalembe haze ha ola ya kwocha milambu yize.

Luka 18:10

Ngwenyi: “Atu aali akandukile ni kulemba mu zuwo lia Zambi, umwe te Kafariseu, mukwo mukwa kulambwisa lijimu.

Luka 22:8

Yesu yatuma Petulu ni Yoano ngwenyi: “Yeenu nutululikile yakulia ya kwiwuluka kubalika.”

Luka 24:53

Matangwa eswe yaabwabwa mu zuwo lia Zambi ni kuchichimieka Zambi.

Yoano 21:7

Kambaji yoze te azanga Yesu, yambila Petulu ngwenyi: “Auze mwe Mwene.” Muze Simone Petulu hevwa ngwo: “Auze mwe Mwene,” yazala mazalo jenyi (mumu te hazula mahina jenyi akwo), mba yalimbila mu chitende.

Yilinga 10:3

Limwe tangwa chingoloshi, ngwe ha ola ya muchitatu, yamona zwalala mu Usolwelo kanganda ka mwilu kananjila ku mahienyi nikwamba ngwenyi: “Korneliu!”

Yilinga 10:30

Korneliu yakumbulula ngwenyi: “Ha ola ngwe yinoyene, matangwa atatu haabalika, te ngunalembe mu zuwo liami ha ola ya muchitatu ya chingoloshi. Susumuku mutu kanamana ku meso jami, te kanazala mahina abeyima.

Yilinga 2:46

Tangwa ha tangwa yaalikungulula mu zuwo lia Zambi lia Ayuda, yaalia yakulia yo hamuwika mu mazuwo jo ni kutuwika cha mbunge,

Yilinga 3:3

Ha kumona Petulu ni Yoano himanjila mu zuwo lia Zambi, yeeta chawana.

Yilinga 3:4

No yaamuhulikila meso. Mba Petulu yamwamba ngwenyi: “Tutale!”

Yilinga 4:13

Ha kumona hamu lia Petulu ni Yoano, akwa lutwe yaalishimwoka, mumu te kaananyingika ngwo, kaali atu waze kaajaminyine ha kulilongesa. No yaasa chinyingi ngwo, wano e abwile hamwe ni Yesu.

Yilinga 5:25

Hohene yikwiza umwe mutu ni kwalweza ngwenyi: “Achivwenu! Atu waze nunakasa mu zuwo lia lamba, mu zuwo lia Zambi ali, kaanamana ni kulongesa atu.”

Yilinga 8:14

Muze tunganda twa Yesu heevwa ngwo, Asamaria haatambula liji lia Zambi, yaatumina Petulu ni Yoano.

Galashia 2:9

Tiangu (Jake), ni Petulu, ni Yoano, waze abwile ngwe akwa lutwe, yaanyingika ngwo, Zambi hanangutayiza milimo yino. Kashika, yaatwaha, Barnaba ni yami moko a chindume ha kulikunda. Ngwe akwa milimo ni akwo yitulitesa hamuwika ngwetu, yetu mutulinga hakachi ka waze hi Ayuda ko, ni ayo hakachi ka Ayuda.