Yilinga 28:8 - Mukanda Wa Zambi 1970

⁸ Tato ya Publiu te kanayiji yikola ya kachiki, ni kulokoka mu jimo. Paulu yanjila mu zuwo lienyi, yamulembela ni kumusa moko. Neye yahinduka.

MUKANDA USANDU WA ZAMBI 1975

⁸ Tato ya Pupiliu te kanapombo ni kachiki nikulokoka mu jimo: kuli iye Paulu wanjilile, walembele, nikusayika moko jenyi hali iye, wamuhindwishile.

Yilinga 28:8 Iomraidhean Croise

Mateu 10:1

Yesu yatambika tumbaji twenyi kumi ni aali, yaaha chiyulo cha kutuhwisa nacho mwiku wa luchisa ni kuwuka milali yeswe ya misongo ni weji.

Mateu 10:8

Wukenu mieji, hindwisenu afu, bemesenu akwa mbumba, tuhwisenu mwiku wa luchisa. Hinunatambula chawana, kashika hanenu chawana.

Mateu 12:13

Yesu yambila mweji ngwenyi: “Olala kwoko lie.” Neye yaliolola, mba yilibwa lingunu ngwe likwo.

Mateu 9:18

Shimbu te Yesu machihanjika no, umwe mukwa kuyula yeza, yaliumba ha makungunwa ku meso ja Yesu, ngwenyi: “Mwanami wa pwo haliabwila lume afwa, alioze tweya kama umuse kwoko, kumahinduka.”

Marku 16:18

chibwe akakwate manoka hanji kunwa Chuma chimwe cha kufwa, kuchichi kaalinga nichimwe; kumakasa moko hali mieji, mba kumakahinduka.”

Marku 5:23

Yaliumba kuli iye kuhiana ngwenyi: “Mwanami mukepe wa pwo kanahuzu. Tweya kama umuse moko, hanga ahinduke, abwe ni mwono.”

Marku 6:5

Kahashile ko kulinga chikomokeso nichimwe, shina yasa moko hali mieji akepe, yaawuka.

Marku 7:32

Atu yaamunehena kafwa matwi kanda mukwa chilimi, yaamulembela amuse kwoko.

Luka 13:13

Yamusa moko. Hazehene yoloka. Mba yabutuka kuchichimieka Zambi.

Luka 4:40

Muze tangwa hilianjila kulu eswe waze abwile ni mieji a misongo yeka ni yeka yaatwala kuli Yesu. Neye yasa moko hali mutu ni mutu, yaawuka eswe.

Yilinga 28:7

Talanganyi ni homa haze, habwile minda ya mukwa lutwe wa tungu lize, jina lienyi Publiu. Mwenawo yatutambula ni utu weswe, yatuzumbula matangwa atatu.

Yilinga 28:9

Muze halinga chino, mieji eswe a mu tungu yeeza. Neye yaahindwisa.

Yilinga 9:40

Petulu yatuhwisa atu eswe, yasa makungunwa hashi, yalemba, mba yatewuluka ku mujimba, ngwenyi: “Tabita, hinduka!” Neye yalaula, yamona Petulu, yahinduka.

1 Korintu 12:28

Mu Chikungulwila, mutu mweswe Zambi hanamwehe milimo yenyi: hatangu tunganda twa Yesu, wa muchaali akwa munanyi, wa muchitatu alongeshi, mba akwo waze akulinga yipupu, mba waze Zambi hanaahe tachi ja kuwuka mieji, hanji kukwasa, hanji kusongwela atu, hanji kuhanjika maliji waze kaanyingikine ko.

1 Korintu 12:9

Mwiku uzewene umuwika wakuhana ufulielo kuli umwe, kuli mukwo tachi ja kuwuka mieji.