Yilinga 28:4 - Mukanda Wa Zambi 1970

⁴ Muze akwa tungu haamona chihili kanasukama ku kwoko lienyi yaalihanjekesa ngwo: “Chamwenemwene lunga yono mukwa kushiha atu, mumu chibwe halilamwina ku kalunga lwiji, hindu Zambi yoze Wakuhilwisa yibi ku yibi kamutayijile ko kubwa ni mwono.”

MUKANDA USANDU WA ZAMBI 1975

⁴ Muze enyembo amwene kashitu musasu kanasukama ku kwoko lienyi, aliambile umwe kuli mukwo ni mukwo ngwo, Yono lunga chingalwe wate, chipwe hamulamwina ku kalungalwiji, hindu chiyulo cha mwilu kuchamutayijile kutwama ni mwono.

Yilinga 28:4 Iomraidhean Croise

Ubutukilo 3:1

Hakachi ka tushitu eswe waze atangile Mwene Zambi, kapela yabwa mukwa kukanyama kuhiana. Neye yahula pwo ngwenyi: “Kuma chamwenemwene Zambi kanakamba ngwenyi, kanda nulia ku mitondo ya mu munda, nyi?”

Yishima 28:17

Mutu yoze hashiha mukwo kakulifulila fuka lienyi mwene nikawashi. Kanda weseka kumukanjisa.

Izaya 26:21

Mwene Zambi mwilu makeza akamwese akwa hashi lamba mumu ha milonga yo. Hashi muhakasolola atu waze ashihile ku tenga, kuhechi kaasweka nawa.

Izaya 43:20

Chibwe tushitu a mu yambu maangulemesa, mikuza ni tujila otrishe maanguwayila muze mungusa njiji mu puya ni kuhana meya kuli atu jami waze natongwele.

Zefania 2:15

Yenayo muyibwa mu limbo lize liakulengumuka ni tachi jalio, lize liakunyonga ngwo, lili mu uhwimino. Atu jalio kaakunyonga ngwo, limbo lio lili linene kuhiana hano hashi. Kumulialumuka muma mwakutwama tushitu a mu yambu. Mutu mweswe yoze mabalika ko matungumuka ni mwongo.

Mateu 23:35

Chenacho lamba munukabwa nalio mumu ha manyinga ja akwa ululi waze amwanganyine hashi keeshi chitela, chize ku manyinga ja mukwa ululi Abele ndoo ku manyinga ja Zakaria, mwana wa Barakia, yoze nwashihile hakachi ka zuwo lia Zambi ni chilumbilo cha mulambu.

Mateu 27:25

Atu eswe yaakumbulula ngwo: “Uhiso ubwe wa yetu ni ana jetu!”

Luka 13:2

Yesu yaakumbulula ngwenyi: “Nunanyongo ngwenu, muze Pilatu ashihishile akwa Galilea ngwe chize, kafwa ngwe, ayo abwile yivulumunyi kuhiana akwa Galilea eswe akwo, nyi?

Luka 13:4

Hanji waze kumi ni nake afwile muze zuwo lisuku lia kutalila lia Silome liabuzukile hali ayo, nunanyongo ngwenu, ayo abwile yivulumunyi kuhiana akwa Yerusaleme eswe akwo, nyi?

Yoano 7:24

Muze nwakubatula milonga, litwaminenu kutala ku meso, alioze batulenu nikulita ni ululi.”

Yilinga 28:2

Atu jaho, yaatulweza utu unji. Vula yabutuka kunoka, yikubwa nawa chishika. Kashika yaawika kahia, yaatutambula kanawa.

Yilinga 28:3

Muze Paulu hakunga jimwe tete, hanga ajise ha jiko, chihili yatuhuka mumu ha chivukuminya, yamusuma ku kwoko.

Yilinga 28:5

Alioze Paulu yakukumwina mwe chihili mu kahia, kevwileko yikola niyimwe.

Usolwelo 21:8

Alioze akwa mwongo, ni waze keeshi kufuliela, ni akwa kuzelwokesa, ni akwa kushiha atu, ni yitanji, ni akwa kupanda wanga, ni akwa kukombelela mahamba, ni akwa mahuza eswe—chihanda cho muchikabwa mu wina wakuyila kahia ni fundanga, Chenacho che kufwa cha muchaali.”