Yilinga 27:41 - Mukanda Wa Zambi 1970

⁴¹ Alioze muze hitwaheta ha mwaa, ulungu yiusakaminya ha masekeseke, zulu lia kulutwe yilikwata hashi. Alioze Chipinji cha kunyima yichimakuka ni miavu ya meya.

MUKANDA USANDU WA ZAMBI 1975

⁴¹ Alioze nikuheta muma muze mwatakanyine tulunga-lwiji aali, ahungwile ulungu hashi; zulu liakwachile hashi, liasakaminyine, alioze kunyima liamakukine ha kupupula cha mikanya.

Yilinga 27:41 Iomraidhean Croise

1 Yitanga Ya Mianangana 22:48

Yehosafate yatunga mato anene akolo, hanga akaye ku chifuchi cha Ofire akanehe oru. Alioze kaahetele ko, mumu mato waze yaafwila ku chau cha ku limbo lia Ezione Gebere, keendele ko nawa.

2 Sango Ja Mianangana 20:37

Alioze Eliezere mwana wa Dodavahu wa ku limbo lia Maresha, yakanyamisa Yehosafate ngwenyi: “Mumu hiwalikata ni Ahazia, Mwene Zambi kumabalwola maulungu waze hinwatunga.” E mato yaamakwoka, keendele ko nichimwe.

Ezekiel 27:26

Muze akwa kuzaula haakuhetesa mukachi ka kalunga lwiji, fuji ya ku chivumbuko yiikushimbamisa mu kalunga lwiji.

Ezekiel 27:34

Haliabwila hiwatoka mu kalunga lwiji hiwashimbama muma mwajotoka. Yuma ye ni atu eswe waze te akukulingila hiyatoka mu meya hamwe ni yena.’

Yilinga 27:17

Muze haasosa, yaajichikila ngoji ku ulungu hanga ubwe ni tachi. Yeevwa woma ngwo, maasakaminya ha masekeseke ku mbumbulu ya chifuchi cha Libia. Kashika yaahulumuna hina linene lia ulungu. Mba yituhungumioka ni fuji.

Yilinga 27:30

Akwa kwendesa yaafupa kuchina, yaasunwisa wato ha meya nikulinga ngwe kaanazange kukasa yikungo yakumika nayo wato ku zulu lia kulutwe.

Yilinga 27:40

Mba yaabatula yikungo yakumika nayo we ulungu, yaayecha mu meya. Hazehene nawa yaajitula mihipu ya Chuma chakuhingulula nacho ulungu, yaasosa mahina waze akuhana fuji ku zulu lia kulutwe, yaakandwisa hanga fuji yikwate ko. Mba yaaya ku chikonja.

Yilinga 27:42

Tujita yaazanga kushiha funge, hanga niumwe kechi kusana ku mbumbulu ni kuchina.

1 Korintu 15:58

Kashika, akwetu akwa Kristu, manenu nguu, kanda nukokoloka. Takamenu matangwa eswe mu milimo ya Mwene Yesu, mumu nunanyingika ngwenu, Chuma nichimwe chize nwakulinga mu milimo ya Mwene muchikabwa chamokomoko.