Yilinga 27:3 - Mukanda Wa Zambi 1970

³ Muze hikwacha yituheta ku limbo lia Sidone. Juliu yalweza utu kuli Paulu, yamutayiza kuya kuli masepa jenyi, amuzumbule.

MUKANDA USANDU WA ZAMBI 1975

³ Muze hikwacha twahetele ku Sendone: Juliu walwezele utu kuli Paulu wamutayijile kuya kuli tusendo twenyi, amuzumbule.

Yilinga 27:3 Iomraidhean Croise

Ubutukilo 10:15

Ana ja Kanana a malunga wano: Sidone, mwe mukulwana, ni Hete. Mavungu jo wano: akwa Sidone ni akwa Hete.

Ubutukilo 49:13

“Zabulone makatwama ku mbumbulu ya kalunga lwiji, kwe mukukabwa zuzu lia maulungu. Chifuchi chenyi muchikaheta ndoo ku limbo lia Sidone.

Izaya 23:12

Limbo lia Sidone, uwahililo we hiwasula, atu je kaanaabinjisa kuli akwa kole jo. Chibwe atu je maachinyina ku Shipre, keechi kawana ko uhwimino.

Zakaria 9:2

Chifuchi cha Hamate, chize chasulangana ni Hadrake, chili nichenyi, ni membo ja Tiru ni Sidone, ni akwa mana jo eswe kaali nienyi.

Mateu 11:21

Yaamba ngwenyi: “Lamba lienu akwa Korazine, lamba lienu akwa Betsaida! Mumu, nyi yipupu yize alingile muli yenu, ayilingile nawa mu Tiru ni Sidone, kachi atu jamo te haanazala kulu mwanji ni kulikwita uto ha kulweza ngwo, haanalumuka ku mbunge.

Yilinga 12:20

Herode yevwila akwa Tiru ni akwa Sidone ufwatulo. Kashika e atu yeeza kuli iye mu mbunga. Hatangu yaalembejeka Blastu, mukwa lutwe wa zuwo lia mwanangana Herode. Mba yaaheta kuli Herode nikwita uwanyino, mumu chifuchi cho te kaakuchihoka ku chifuchi cha mwanangana Herode.

Yilinga 24:23

Felix yahana Shimbi kuli mwata wa tujita akafunge Paulu kanawa ni kumutala ni meso wika, kanda akakwika niumwe wa kuli masepa jenyi ha kumukwasa.

Yilinga 27:1

Muze habatula ngwo, mutwenda mu ulungu ku chifichi cha Italia, yaakunjika Paulu ni funge akwo kuli mwata wa tujita, jina lienyi Juliu, wa ku mbunga ya tujita yize anavuluka ngwo, Mbunga ya mwanangana wa Aroma,

Yilinga 27:43

Alioze mwata wa tujita yazanga kulamwina Paulu. Kashika yaakinda kuchilinga, alioze yaaha malunga eswe Shimbi, ngwenyi, waze anyingika kusana maaumbila mu meya hatangu nikusana ndoo maatuhuka ku tunda.

Yilinga 28:16

Muze hitwaheta ku Roma, mwata wa miata ja tujita yatayiza Paulu kutwama ukawenyi hamwe ni kajita yoze te wamufunga.

Yoshua 19:28

ni Ebrone, ni Rehobo, ni Hamone, ni Kana, ni ndoo ku Sidone.