Yilinga 27:23 - Mukanda Wa Zambi 1970

²³ Mumu ufuku uno kanganda ka mwilu kamananga hehi ni yami. Kali kanganda ka Zambi yami yoze nakulingila.

MUKANDA USANDU WA ZAMBI 1975

²³ Mumu kamananga ku lumbu liami ufuku uno, mungelo wa Zambi, yoze wangupita, yoze nawa nakumulingila,

Yilinga 27:23 Iomraidhean Croise

Miaso (Masamu) 116:16

Mwene Zambi, nguli kavumbi ke; nakukulingila ngwe chize te akukulingila mama. Wangulamwinyine ku kufwa.

Miaso (Masamu) 135:4

Hanatongola Yakoba akabwe niwenyi, hanatongola Aisraele akabwe atu jenyi.

Miaso (Masamu) 143:12

Mumu ha zango lie kuli yami, shiha kama akwa kole jami, onona kama eswe waze akunguhungumiona, mumu yami nguli kavumbi ke.

Kutuhuka 19:5

Haliabwila, nyi munubwa nikungwivwa ni kufunga Shimbi ja Usendo wami, uze nakolesele ni yenu, munubwa atu jami chamwenemwene. Hashi heswe nihami, alioze munubwa atu jami waze natongwele.

Mwaso Ubema Wahiana 2:16

Mukwa zango wami kali niwami, ni yami nguli niwenyi. Kakulisa mapanga jenyi mukachi ka yitemo lili

Mwaso Ubema Wahiana 6:3

Mukwa zango wami kali niwami, ni yami nguli niwenyi; kanalisa mbunga ya mapanga jenyi mukachi ka yitemo lili.

Izaya 44:21

Mwene Zambi ngwenyi: “Israele, iwuluka chino; iwuluka ngwe, yena uli kavumbi kami. Nakutangile kubwa kavumbi kami, chichi kakuvulama nichimwe.

Izaya 44:5

“Mutu ni mutu kanambe ngwenyi: ‘Nguli wa mbala wa Mwene Zambi.’ Kumaakeza ni kulichinga ni Aisraele. Mutu mweswe makasoneka jina lia Mwene Zambi ha kwoko lienyi ni kulivuluka ngwenyi, nguli umwe wa kuli atu ja Zambi.”

Jeremia 31:33

Usendo Waha uze mungukakolesa ni Aisraele muukabwa ngwe chino: mungukasa Shimbi jami mu mbunge jo. Mungukabwa Zambi yo, no maakabwa atu jami.

Jeremia 32:38

Mba maakabwa atu jami, ni yami mungukabwa Zambi yo.

Ezekiel 36:38

Membo waze ali akwenyeka haliabwila kumaakazala ni atu ngwe chize Yerusaleme azalile ni mapanga waze te akulambula ha chiwanyino. Mba maakanyingika ngwo, yami nguli Mwene Zambi.”

Daniel 3:17

Nyi maatumbila mu lutengo wa kahia, Zambi yoze twakulingila mahasa kutulamwina. Neye matulamwina ku kwoko lienu, mwanangana.

Daniel 3:26

Mwabwamuze mwanangana Nebukanezore yaya ku chikolo cha lutengo, yakololoka ngwenyi: “Shadrake! Meshake! Abednego! Tuvumbi twa mwe Zambi Chitunda, tuhukenu!” No yaatuhuka hazehene.

Daniel 3:28

Mba mwanangana yamba ngwenyi: “Zambi ya Shadrake, ni Meshake, ni Abednego afumane! Hatuma kanganda kenyi ka mwilu ni kulamwina malunga wano akumulingila ni kujikijila hali iye. Haakolema Shimbi yami ni kukunjika mwono wo ku kufwa. Haalituna kufulamana ni kuwayila zambi weka shina Zambi yo ene.

Daniel 6:16

Mba mwanangana yahana Shimbi hanga akwate Daniel, yamwamba ngwenyi: “Zambi ye, yoze wakulingila ni mbunge yibema, akulamwine kama.” Hohene atu yaamumbila mu wina wa tambwe.

Daniel 6:20

Muze haheta ko, yatambika ni kunenganyana ngwenyi: “Daniel, kavumbi ka Zambi ya mwono! Zambi yoze wakulingila matangwa eswe ni mbunge yimuwika hakulamwina kama kuli tambwe, nyi?”

Daniel 6:22

Zambi yami katumanga kanganda kenyi wa mwilu hanga abakike makanwa ja tambwe achine kungulemeka. Kalinganga chino mumu kananyingika ngwenyi, nguli mukwa kusamba ni mumu chanuvulumwine ko yenu mwanangana.”

Zakaria 13:9

Mbunga ya muchitatu yize muyikasala mungukaabemesa mu kahia. Mungukaabemesa ngwe oru yize haabemesa mu kahia. Mba maakalemba kuli yami, ni yami mungukaakumbulula. Mungukaamba ngwami, nuli atu jami. No maakashikisa shili yo nikwamba ngwo, nguli Zambi yo.”

Malaki 3:17

Mwene Zambi Mukwa Ndundo Jeswe kanambe ngwenyi: “Kumaakabwa atu jami. Ha matangwa waze mungukasolola tachi jami, no kumaakabwa atu ja yami mwene. Mungukeevwila keke ngwe chize umwe tata wakuvwila keke mwanenyi yoze wakumulingila.

Yoano 12:26

Nyi umwe mazanga kunguvumbika, chamutamba kungukaula, hanga kavumbi kami nawa makabwa kuze yami nguli. Tata makalemesa yoze wakunguvumbika.”

Yilinga 12:23

Ha shimbu lizeliene, kanganda ka mwilu yamulamba, mumu kalemesene ko Zambi. Mavuno yamulia, yafwa kwenyi.

Yilinga 16:17

Yakaula yetu ni Paulu nikukololoka ngwenyi: “Atu wano e tuvumbi twa Zambi Mukwa Mwilu Wahiana. Kaananwambulwila jila ya ulamwino.”

Yilinga 18:9

Ha umwe ufuku, Mwene Yesu yambila Paulu mu Usolwelo ngwenyi: “Kanda wivwa woma, hanjika lume, kanda, uhola,

Yilinga 23:11

Ha ufuku uze, Mwene Yesu yamana hehi ni Paulu, yamba ngwenyi: “Hamuka lume! Hiwangushindakenyena muno mu Yerusaleme. Chizechene nawa Chakutamba kushindakenya ku Roma.”

Yilinga 5:19

Alioze ha ufuku uze, kanganda ka mwilu yazulula yajilo ya zuwo lia lamba, yaatuhwisa haze, yaamba ngwenyi:

Yilinga 8:26

Kanganda ka mwilu yambila Filipe ngwenyi; “Katuka, uye ku sude, mu jila yize yinakatuka ku Yerusaleme, yiipalumuka ku Gaza.” (Jila yize te hiyinalambe.)

A-ROMA 1:1

Yami, Paulu, ndungo ya Yesu Kristu, ngunanusonekena mukanda uno. Zambi mwe wangutambikile ngukabwe kanganda kenyi, wangutongwele ngukambujole Sango jenyi Jibema.

A-ROMA 1:9

Zambi kali chela chami, yoze nakulingila ni mbunge yami yeswe ha kwambujola Sango Jibema ja Mwanenyi. Kananyingika ngwenyi, nakunuvulwoka matangwa eswe

A-ROMA 6:22

Alioze Zambi hananutusula ku shili, hinwabwa ndungo jenyi. Ha chino, hinwalikunjika a muundu kuli Zambi, mba ku songo munukatambula mwono wa miaka yeswe.

1 Korintu 6:20

Zambi hananulande ni ndando yilemu. Kashika fungenu mijimba yenu ha kuchichimieka nayo Zambi.

Shimbi 32:9

Alioze yalitongwela vungu lia Yakoba kubwa lume nienyi.

2 Timoteu 1:3

Ngunasakwila Zambi, yoze nakulingila ni mbunge yibema, ngwe chize alingile tushakulu twami. Nakumusakwila muze nakunwiwuluka mu yilemba yami, ufuku ni mwalwa.

2 Timoteu 2:24

Kavumbi ka Mwene kuchamutambile kuzwela. Chamutamba kubwa chimbovu kuli eswe, mukwa kujamina mu kulongesa, chihumikiji.

2 Timoteu 4:17

Alioze Mwene wabwile hamwe ni yami, yangutakamisa. Kashika, nambujolele Sango Jibema kuli eswe waze hi Ayuda ko, ni Mwene Zambi yangupulula ku kanwa lia tambwe.

Titu 1:1

Yami Paulu, kavumbi ka Zambi kanda kanganda ka Yesu Kristu, ngunakusonekena yena Titu, mwanami wamwenemwene mu ufulielo wetu. Zambi hanangutongola ha kukolesa ufulielo wa atu, waze iye mwene hanatongola, ni kwalongesa chinyingi cha umwenemwene cha kuwayila chetu, hanga ase mbunge ku mwono wa miaka yeswe. Zambi, yoze keshi kuhanjika mahuza, hanatulakenya mwono uno shimbu te miaka kanda yichibwa. Zambi, ha tangwa lize atongwele, yasolola longeso lienyi. Longeso lino angukunjikile, ngunaliambujola nikulita ni Shimbi jize anguhele Zambi, Chilamwina chetu. Zambi Tata ni Kristu Yesu, Chilamwina chetu, anulweze utu ni anwehe uhwimino.

Titu 2:14

Hanalihana iye mwene hali yetu, hanga akatulamwine ku yibi yeswe ni kutupwisa akwa mbunge jibema, atu ja iye mwene wika, akwa tachi ha kulinga yitanga yibema.

Hebreu 1:14

E tunganda a mwilu aya? Eswe kaali mwiku uze wakulingila Zambi, uze Zambi akutuma ha kukwasa waze maazuka ulamwino.

Usolwelo 22:16

“Yami, Yesu, hingunatumu kanganda kami ka mwilu ha kwambujola yuma yino yeswe mu Yikungulwila. Nguli wa ku Chikota cha David, nguli mutumbu yoze wakutemuka ha chichamene.”