Yilinga 27:15 - Mukanda Wa Zambi 1970

¹⁵ Kakundukundu yabinjisa ulungu. Muze kutwahashile kutalikisa ulungu ku fuji yituwecha ukahungumuke kulutwe liayo.

MUKANDA USANDU WA ZAMBI 1975

¹⁵ ni muze ulungu wakwachikile, kuwahashile kutalikisa ku fuji, twechele tukahungumuke kulutwe liayo.

Yilinga 27:15 Iomraidhean Croise

Yilinga 27:14

Alioze susumuku kakundukundu yakatuka ku tungu, yaheta. Jina lienyi, Fuji ya ku Chivumbuko.

Yilinga 27:16

Yitubalika ku tungu lize akuvuluka ngwo, Klauda, yitweseka kukasa wato wa ulungu, hindu chikalu.

Yilinga 27:27

Mba yituhungumioka kweka ni kweka mu kalunga lwiji Adria. Ha tangwa kumi ni lia muchiwana, ngwe ha muchima ufuku, akwa kwendesa ulungu yaanyonga ngwo, haakundama ku chimwe chifuchi.

Tiangu (Jake) 3:4

Nyongenu hakutwala ku ulungu. Chibwe kuuli unene, ni kangonga wa tachi mauhungumuna, hindu Chuma chikepe munanga chakuuhingulula. Muutalikisa kuze anazange mukwa kuzaula.