Yilinga 27:11 - Mukanda Wa Zambi 1970

¹¹ Alioze mwata wa tujita yabanjika kuli mukwa kusongwela ni kuli mwenya ulungu, hi ku maliji a Paulu ko.

MUKANDA USANDU WA ZAMBI 1975

¹¹ Alioze kapitau wapanjikile kuli mukwa kusongwela ulungu ni mwenya ulungu, hi ku yuma yize ko ambile Paulu.

Yilinga 27:11 Iomraidhean Croise

1 MIANANGANA 6:10

Chenacho mwanangana wa Israele alimwishine tujita waze te aliko, no yaalimuka, yaalilamwina ko yimwe yisuho.

Yishima 27:12

Akwa kukanyama, muze maamona Vunda kujineza, keechi kuya ko, alioze yoze keshi manyonga manjila mo, mba ku songo himalinyenga.

Ezekiel 33:4

Nyi umwe mutu hevwa ko, kachisele ku mbunge, mba akwa kole meeza ni kumushiha, kufwa chize chinamutale iye mwene.

Yilinga 27:21

Shimbu lisuku liabalikile, mutu niumwe walile yakulia. Mba Paulu yamana ku meso jo nikwamba ngwenyi: “Yenu malunga, nyi nwevwile kama liji liami, kachi kutwakatukile ku Kreta, ha kubwa ni lamba lino ni kufulwa chino.

Hebreu 11:7

Ku ufulielo Noa yevwa kutoweza cha Zambi hakutwala ku yuma yize muyikeza ho, yize kanda ayimona. Yononokena Zambi ni kutunga ulungu. Iye ni akwa zuwo lienyi yaanjila mo, ni Zambi yaalamwina. Chenacho yahisa akwa hashi eswe. Ku ufulielo nawa Zambi yamwalula mukwa ululi.

Tiangu (Jake) 3:4

Nyongenu hakutwala ku ulungu. Chibwe kuuli unene, ni kangonga wa tachi mauhungumuna, hindu Chuma chikepe munanga chakuuhingulula. Muutalikisa kuze anazange mukwa kuzaula.

Usolwelo 18:17

Mu ola yimuwika lume ubite wenyi weswe hiwatoka!” Tahwili eswe ni akwa kwenda ha meya, ni waze eswe akulinga milimo ha kalunga lwiji, yaamana kusuku.