Yilinga 27:1 - Mukanda Wa Zambi 1970

¹ Muze habatula ngwo, mutwenda mu ulungu ku chifichi cha Italia, yaakunjika Paulu ni funge akwo kuli mwata wa tujita, jina lienyi Juliu, wa ku mbunga ya tujita yize anavuluka ngwo, Mbunga ya mwanangana wa Aroma,

MUKANDA USANDU WA ZAMBI 1975

¹ Muze achipatwile ngwo, Mutwenda mu ulungu ku Italia, akunjikile Paulu ni amwe funge akwo kuli kapitau, jina lienyi Juliu, wa ku chihuji cha Angusetu.

Yilinga 27:1 Iomraidhean Croise

Ubutukilo 50:20

Yenu nwalivwishile ha kungulinga yibi, alioze yibi yize Zambi hanayipwisa yiwape ya kulamwina atu anji waze ali ni mwono musono.

Miaso (Masamu) 33:11

Alioze manyonga jenyi kaakulinduluka lume, yiyulo yenyi kuyakola ndoo ku miaka yeswe.

Miaso (Masamu) 76:10

Chibwe wuli wa atu akukuchichimieka, atu waze maasala ni mwono muze jita hiyabalika, maafunga yiwanyino.

Yishima 19:21

Atu kaakushinginyeka yuma yeka ni yeka, alioze Zambi malinga chize iye mwene anazange.

Lungungu 3:27

Chinabeme tulilongese kulihumikiza mu ukweze wetu.

Daniel 4:35

Kakutala akwa hashi ngwe Chuma chamokomoko. Tunganda twa mwilu ni akwa hashi eswe kaali mu chiyulo chenyi. Niumwe mahasa kukinda upale wenyi hanji kumuhula chize analingi.

Mateu 27:54

Muze mwata wa tujita ni e tujita waze afungile Yesu haamona kunyika cha hashi ni yize yeswe yabwile ko, yeevwa woma unji, yaamba ngwo: “Chamwenemwene yono mwe Mwana Zambi.”

Luka 23:47

Mwata wa tujita, muze hamona yize yabwile, yachichimieka Zambi, ngwenyi: “Chamwenemwene mutu yono mukwa ululi!”

Luka 7:2

Umwe mwata wa tujita twa Aroma yabwa ni umwe kavumbi kenyi mulemu. Kavumbi yoze yayiza, te himafwa.

Yilinga 10:1

Yikubwa umwe lunga mu limbo lia Sesarea, jina lienyi Korneliu, mwata wa mbunga ya tujita yize anayivuluka ngwo: “Mbunga ya Italia.”

Yilinga 10:22

No yaamukumbulula ngwo: “Mwata wa tujita Korneliu unakatutuma. Kali mukwa ululi, ni kakuwayila Zambi hamwe ni Ayuda. Ayo eswe kaakumushindakenya. Kanganda ka mwilu wamulwezele ha kwiza ni kukusaka, uye ku zuwo lienyi akevwe maliji kuli yena.”

Yilinga 16:10

Muze Paulu hamona Usolwelo, hazehene yitufupa kuya ku Masedonia, mumu te hitwanyingika ngwetu, Zambi hatutambika kwaambujolela Sango Jibema.

Yilinga 18:2

Yawana ko umwe Kayuda, jina lienyi Akwila, wasemukine mu chifuchi cha Pontu. Ha matangwa waze ene hakatuka ku chifuchi cha Halia hamwe ni mukwo pwo Prisila, mumu mwanangana Klaudiu te hahana Shimbi ngwenyi, Ayuda eswe akatuke ku limbo lia Roma. Paulu yaya ni kwatala,

Yilinga 19:21

Kulutwe lia yuma yino, Paulu yanyonga kubalika mu chifuchi cha Masedonia ndoo mu chifuchi cha Gresia, ni kuheta ku limbo lia Yerusaleme. Yamba ngwenyi: “Nyi naheta ko, Changutamba kuya nawa kutala limbo lia Roma.”

Yilinga 21:32

Hohene yanda tujita ni miata jo nikuzomboka fuji. Muze hamona mwata ni tujita, Ayuda yaalitwamina kulamba Paulu.

Yilinga 22:26

Ha kwivwa liji lino, mwata wa tujita yaya ni kuhula mwata wenyi ngwenyi: “Kuchi unambe kulinga? Mutu yono kali mwenyaho wa ku wanangana wa Aroma!”

Yilinga 23:11

Ha ufuku uze, Mwene Yesu yamana hehi ni Paulu, yamba ngwenyi: “Hamuka lume! Hiwangushindakenyena muno mu Yerusaleme. Chizechene nawa Chakutamba kushindakenya ku Roma.”

Yilinga 23:17

Paulu yatambika umwe wa kuli miata ja tujita, yamwamba ngwenyi: “Twala mukweze yono kuli mwata wenu mumu liji ali nalio lia kumwambulwila.”

Yilinga 24:23

Felix yahana Shimbi kuli mwata wa tujita akafunge Paulu kanawa ni kumutala ni meso wika, kanda akakwika niumwe wa kuli masepa jenyi ha kumukwasa.

Yilinga 25:12

Mba muze Festu hahanjika ni akwa kuyula, yakumbulula ngwenyi: “Hiwaliumba ngwe, mwanangana wa Aroma akabatule mulonga we. Kuheshi Chuma, muukaya kuli mwanangana wa Aroma.”

Yilinga 25:25

Alioze yingumona ngwami, kalingile nichimwe cha kutela kufwa, ni iye mwene yahula mwanangana wa Aroma hanga amusopese, yingubatula kumutumina ye.

Yilinga 27:11

Alioze mwata wa tujita yabanjika kuli mukwa kusongwela ni kuli mwenya ulungu, hi ku maliji a Paulu ko.

Yilinga 27:43

Alioze mwata wa tujita yazanga kulamwina Paulu. Kashika yaakinda kuchilinga, alioze yaaha malunga eswe Shimbi, ngwenyi, waze anyingika kusana maaumbila mu meya hatangu nikusana ndoo maatuhuka ku tunda.

Yilinga 27:6

Mwata wa tujita yawana ko ulungu wa ku limbo lia Alexandre, te himuuya ku chifuchi cha Italia, yatunjisa mo.

Yilinga 28:1

Muze te hitwalilamwina, hohene yitusa chinyingi ngwetu, jina lia tungu lize Malta.

Yilinga 28:16

Muze hitwaheta ku Roma, mwata wa miata ja tujita yatayiza Paulu kutwama ukawenyi hamwe ni kajita yoze te wamufunga.

Hebreu 13:24

Menekenu tetekeli jenu eswe ni akwa Kristu eswe. Akwetu mu chifuchi cha Italia kaananumeneka.