Yilinga 26:7 - Mukanda Wa Zambi 1970

⁷ Mavungu jetu kumi ni aali kaakusa ko mbunge ha kumanununa cha chilakenyo chino nikulingila Zambi ufuku ni mwalwa. Mwanangana, ha che kusako mbunge, kashika Ayuda anangusumina mulonga.

MUKANDA USANDU WA ZAMBI 1975

⁷ ku chilakenyo chino minyachi yetu kumi ni yiali, eswe lukombo nikulingila Zambi ni mbunge yeswe ufuku ni mwalwa, kakutalatala kuhetako, mba ha kutalatala chino ngunasumiwa kuli A-Yunda, mwanangana!

Yilinga 26:7 Iomraidhean Croise

Ezra 6:17

Ha kukunjika lie zuwo yaatambula kuji a ngombe 100, ni mapanga 200, ni ana a mapanga 400. Ha mulambu wa shili yaalambula kuji a pembe kumi ni aali, nikulita ni mavungu ja Aisraele.

Ezra 8:35

Eswe waze atuhukile mu undungo yaatwala milambu ya kwocha kuli Zambi ya Aisraele. Yaalambwila Aisraele eswe makuji a ngombe 12, ni makuji a mapanga 96, ni ana a mapanga 77. Yaalambula nawa pembe 12 hanga alibemese ku yibi yo. Yoocha yimuna wano eswe milambu kuli Mwene Zambi.

Miaso (Masamu) 135:2

yenu waze nwakumana mu zuwo lienyi, mu zuwo lia Zambi yetu.

Mateu 19:28

Yesu ngwenyi: “Chamwenemwene ngunanwambulwila ngwami, muze Mwana Mutu makatwama ha chitwamo che nyi cha uhenya mu Mwaka Waha, yenu kumi ni aali waze nunangukaula, munukatwama ha yitwamo ya wanangana ni kubatwila mavungu kumi ni aali a Israele.

Luka 2:25

Mu Yerusaleme yimubwa umwe lunga, jina lienyi te Simone, mukwa ululi, mukwa kuwayila Zambi. Te kakushimbwila ulamwino wa Israele. Mwiku wa Linanga yiubwa muli iye.

Luka 22:30

Munukalia ni munukanwa ku mesa yami mu Wanangana wami. Munukatwama ha yitwamo ya mianangana ni kubatwila mavungu kumi ni aali a Israele.”

Yilinga 20:31

Kashika kanyamenu, iwulukenu ngwenu, ha miaka yitatu, ufuku ni mwalwa, chalitwaminyine kukanyamisa mweswe wa kuli yenu ni masoji.

Yilinga 24:15

Nakufuliela Zambi, ngwe ayo ene, ngwami, akwa ululi ni yihenge, eswe aali maakahinduka ku kufwa.

Yilinga 26:2

“Mwanangana Agripa! Ngunawaha ha kulisambisa musono hakutwala ku yikuma yeswe yize Ayuda anangusumu nayo mulonga.

Yilinga 26:3

Kuhiana chikolo mumu Unanyingika ndako jeswe ja Ayuda ni kuhamika cho. Ngunaliumbu ngwami, ungwivwe kama ni uhumikizo.

Yilinga 28:20

Kashika hinanutambika nikuhanjika nenu. Haangukasa ni ngoji jino ja utale mumu hali yoze Aisraele akusa mbunge.”

Filipu 3:11

ni kusa ko mbunge ngwami, Zambi makanguhindwisa ku kufwa.

1 Tesalonika 3:10

Ufuku ni mwala twakuliumba ni mbunge yeswe kuli iye, hanga atutayize kunumona nawa, ni kumanununa yize yinahono mu ufulielo wenu.

1 Timoteu 5:5

Twamishi wamwenemwene, yoze hanafwisa lunga, nyi keshi chikwashi, kakusa mbunge yenyi kuli Zambi, keshi kulitwamina kulemba ni kuliumba kuli Zambi ufuku ni mwalwa ha kumukwasa.

Tiangu (Jake) 1:1

Yami, Tiangu (Jake), kavumbi ka Zambi ni ka Mwene Yesu Kristu, ngunanumeneka yenu eswe, yenu atu ja Zambi waze hinunamwangashana hashi heswe.