Yilinga 26:29 - Mukanda Wa Zambi 1970

²⁹ Paulu ngwenyi: “Chibwe ha shimbu likepe hanji ha shimbu linene nakulemba Zambi ngwami, yena ni atu eswe waze anangwivu musono, abwe ngwe yami, alioze hi mu ngoji jino ko.”

MUKANDA USANDU WA ZAMBI 1975

²⁹ Paulu wambile ngwenyi, Nyi chikepe nyi chinji, ngunazange kuli Zambi, hi yena wika ko, alioze waze eswe anangwivu tangwa lino akapwe chizechene ngwe yami, alioze malenge ano, ka.

Yilinga 26:29 Iomraidhean Croise

2 Samuel 18:33

Mwanangana yakapuka chikolo ni chinyengo, yakanduka ku chibatulo helu lia chikolo ni kulila. Muze te anende, yalila ngwenyi: “Mama yami, mwanami wa lunga! Mwanami Absalome! Absalome mwanami! Kachi te nafwanga kama yami, yena hiusala. Mwanamie, e, e! Absalome mwanamie, e, e! Hihihiii!”

1 MIANANGANA 5:3

Limwe tangwa mwe mwana pwo yambila pwo lia kako ngwenyi: “Nyi mwene wami maya kama kuli mukwa munanyi wa Zambi yoze watwama mu limbo lia Samaria, kachi kumamuwuka musongo wenyi.”

Kutuhuka 16:3

“Te chinalite kachi Mwene Zambi watushihilile kwetu mu Egiptu. Kuze te twakulia yenga yinazala ni yifwo, ni kukuta ngwe chize tunazange. Alioze hinwatuneha muno mu puya, hanga tufwe kwetu ni zala.”

Jeremia 13:17

Nyi kunwabanjikile, mungulilila ku tenga mumu ha kulengumuka chenu; mungulila kuhiana, masoji jami maalundumuka mumu atu jami kaanatwama mu undungo.

Jeremia 38:20

Yami yingwamba ngwami: “Vulie mwanangana! Keechi kunukunjika kuli ayo. Ngunanulembe nwononoke ku maliji a Mwene Zambi; mba yeswe muyiwaha kuli yenu, keechi kunushiha.

Kwalula 11:29

Mose yakumbulula ngwenyi: “Unevu ukwa ha milimo yami, nyi? Ngunazange ngwami, Mwene Zambi ahane Mwiku wenyi kuli atu eswe, hanga atu eswe ahanjike munanyi!”

Yoano 5:34

Alioze Chishi kushachila ha shindakenyo ya mutu. Chino ngunambe hanga nuhase kulilamwina.

Yilinga 12:6

Ha ufuku uzewene, muze Herode hazanga kumutuhwisa kuli atu, Petulu te mu tulo ali mukachi ka tujita aali, wakukasa ni ngoji ja utale jaali. Ku chikolo tufunga te anafungu zuwo lia lamba.

Yilinga 21:33

Mwata wa tujita yakundama kuli Paulu, yamukwata, yamba hanga amukase ni ngoji ja utale, yahula ngwenyi: “Yono iya? Kuchi anakalinga?”

Yilinga 25:14

Muze haatwama ko amwe matangwa, Festu yalweza mwanangana milonga ya Paulu ngwenyi: “Tuli ni umwe lunga kuno, yoze Felix ahichikile funge.

A-ROMA 10:1

Akwetu, chize nakuzanga ni mbunge yami yeswe, ni chize nakuliumba kuli Zambi hakutwala kuli Aisraele ngwami, hanga akaalamwine.

1 Korintu 4:8

Kunwayuka kulu yuma yeswe! Nuli kulu pichi! Hinunabu kulu mianangana, chibwe yetu hi tuli mianangana ko! Ngunazange yenu nubwe mianangana chamwenemwene, hanga ni yetu nawa tubwe mianangana hamwe ni yenu.

1 Korintu 7:7

Alioze ngunanyongo ngwami, chinalite kachi atu eswe kubwa ngwe yami. Alioze mutu mweswe kali ni mana jenyi aze amuhele Zambi, umuwika mana wano, mukwo mana waze.

2 Korintu 11:1

Ngunazange nulihumikize kama hakepe ha manyonga jami wano a uhepuke, ewa lihumikizenu!

Efesu 6:20

Nguli kanganda ka Sango jino Jibema, chibwe nguli mu zuwo lia lamba haliabwila. Kashika lembenu hanga nguhanjike ni hamu ngwe chinalite.

Kolosu 1:28

Kashika twakwambujola Kristu kuli atu eswe. Twakutoweza ni kulongesa mutu mweswe, ni mana eswe, ha kuhetesa mutu mweswe mungunu ku meso ja Zambi mu kulinunga ni Kristu.