Yilinga 26:24 - Mukanda Wa Zambi 1970

²⁴ Muze te Paulu machihanjika maliji wano ha kulisambisa chenyi, Festu yakololoka ngwenyi: “Paulu, unazaluka! Kulilongesa che chinji chinakuzalwisa.”

MUKANDA USANDU WA ZAMBI 1975

²⁴ Shimbu machihanjika ha yino yuma ha kulisambisa chenyi, Fesetu yamba ni liji linene ngwenyi, Paulu, unazaluka; kulilongesa che chinji chinakuzalwisa.

Yilinga 26:24 Iomraidhean Croise

1 MIANANGANA 9:11

Jehu yatuhuka, yahiluka kuli tujita ni akwo. No yaamuhula ngwo: “Kuchi, yuma yeswe yinawaha, nyi? Au chizaluke yika akulweza?” Iye yakumbulula ngwenyi: “Nunanyingika chize anazange.”

Jeremia 29:26

“Mwene Zambi hanakupwisa hako kusalakana Jehoyada, haliabwila hiunabu mwata wa mu zuwo lia Zambi. Chizaluke mweswe yoze malinyonga kubwa mukwa munanyi chatamba kumukasa ngoji ja utale mu kota.

Hosea 9:7

Tangwa lia kumwesa lamba hiliakundama, tangwa lize atu maakatambula nikulita ni yitanga yo. Muze yuma yino muyikabwa, Aisraele maakachinyingika! Mba munukamba ngwenu: “Mukwa munanyi yono kali chihepuke! Keshi ni Mwiku wa Zambi! Kanazaluka!” Nwakunguvutwokela mumu milonga yenu yili yinji.

Marku 3:21

Muze usoko wenyi haachivwa, yeeza akamukwate, mumu ambile ngwo: “Kanazaluka!”

Yoano 7:15

Ayuda yaalishimwoka nikwamba ngwo: “Haa puu! Ngwe kuchi mutu yono Unanyingika yuma yino yeswe? Mumu kalilongesele ko.”

Yoano 8:48

Ayuda yaamuhula ngwo: “Kutwahanjikile kanawa ngwetu, uli Kasamaria, ni mwiku wa luchisa ukwete, nyi?”

Yoano 8:52

Ayuda ngwo: “Eyoo! Haliabwila hitwanyingika pundu ngwetu, mwiku wa luchisa ukwete! Abrahama hanafu, ni akwa munanyi a Zambi haanafu, hindu yena unambe ngwe: ‘Yoze mononokena liji liami kechi kafwa nichimwe ndoo ku miaka yeswe.’

Yilinga 17:32

Muze heevwa sango ja uhindukilo wa afu, akwo yaamuseha, alioze akwo ngwo: “Mutukakwivwa tangwa likwo nawa.”

Yilinga 22:1

“Akwetu ni atata, ivwenu haliabwila kulisambisa chami ku meso jenu.”

Yilinga 24:25

Alioze muze Paulu ahanjekele hakutwala ku ululi, ni kulihumikiza, ni ku ubatwilo uze muukeza, Felix yevwa woma, yamba ngwenyi: “Haliabwila yako. Mungukutambika nawa muze mungubwa ni tangwa libema.”

Yilinga 24:27

Alioze muze miaka yaali hiyamanunuka, Porsiu Festu yasalakana Felix. Te Felix wazangile kuwahisa Ayuda. Kashika yahichika Paulu mu zuwo lia lamba.

Yilinga 26:11

Yisuho yinji naamwesene lamba mu mazuwo ja kuwayila, nikwashinjika kulikala ufulielo wo. Yingwevwila ufwatulo, yingwahungumiona ndoo ku membo ja yilambala.”

1 Korintu 1:23

Alioze yetu twakwambujola Kristu yoze ahachile ha kulusu. Sango jino jakutalingisa Ayuda, ni jinamoneka ngwe uhepuke kuli waze hi Ayuda ko.

1 Korintu 4:10

Yetu tuli yihepuke mumu hali Kristu, alioze yenu kunwakanyama mu kulinunga nenyi! Yetu tuli alelu, alioze yenu kunwatakama! Yetu kaakutulelesa, alioze yenu kaakunulemesa!

2 Korintu 5:13

Nyi chamwenemwene tunazaluka, tunazaluka mumu hali Zambi. Nyi tuli ni manyonga abema, tuli no mumu hali yenu.

2 Timoteu 3:15

ni unewuluka ngwe, chize ku wanuke we Unanyingika Mukanda wa Zambi. Wenawo Unahase kukwaha mana ha kuzuka ulamwino mu kufuliela Yesu Kristu.