Yilinga 26:23 - Mukanda Wa Zambi 1970

²³ ‘Chilamwina yoze Zambi alakenyene chamutamba kumona lamba nikubwa mutangu kuhinduka ku kufwa, Makambujola pangu lia ulamwino kuli Ayuda ni kuli waze hi Ayuda ko.’ ”

MUKANDA USANDU WA ZAMBI 1975

²³ ngwe chize chatamba Kristu kumona lamba, ngwe chize iye hatangu ku Uhindukilo hakachi ka afu, mambujola pangu kuli atu ni mavungu.

Yilinga 26:23 Iomraidhean Croise

Ubutukilo 3:15

Yena kapela ni pwo munukabwa akwa kole. Vungu lie ni vungu lia pwo mulikabwa akwa kole. Mulikafupa mana akukushihila ku mutwe, ni yena muukafupa mana akumusumina ku kashi jino.”

Izaya 42:6

“Yami, Mwene Zambi, nakutambikile, yingukutakamisa ukakolese atu hanga akaliendele ni ululi. Ni yena mungukolesa Usendo ni atu eswe; ni yena mungutwala pangu kuli mavungu.

Izaya 49:6

Mwene Zambi yangwamba ngwenyi; “Yena kavumbi kami, nguli ni milimo yikwo yinene yahiana. Hi ya kuhilwisa wika ko ulemu wa masalila ja atu jami Aisraele, alioze ya kukupwisa nawa pangu lia mavungu hanga akwa hashi eswe akaalamwine.”

Zakaria 12:10

“Vungu lie David ni akwa Yerusaleme akwo, mungukaaha mbunge ya keke ni zango ya kulemba. Kumaakatala yoze atuwile kunga, yoze ashihile. Kumaakalinyenga hali iye ngwe waze analinyenge hali mwana wa wika. Maakamulila mbimbi chikolo, ngwe waze haatokesa mwano mutangu wa lunga.

Zakaria 13:7

Mwene Zambi Mukwa Ndundo Jeswe kanambe ngwenyi: “Mukwale katuka, limike ni kafunga yoze wakungulingila milimo! Mushihe, mba mapanga maamwangana. Mungukalimika ni atu jami,

Mateu 26:24

Mwana Mutu kumafwa ngwe hichinasonewa mu Mukanda wa Zambi, alioze lamba lienyi mutu yoze, kachi te kasemukine ko kwenyi!”

Mateu 27:53

No yaatuhwoka, ni muze Yesu hahinduka ku kufwa, yaanjila mu Limbo lia Chijila kuze atu anji aamwene.

Luka 2:32

Ulamwino uno lie pangu lia kutemwina waze hi Ayuda ko, we ulemu wa atu je Aisraele.”

Luka 24:26

Kuchatambile Chilamwina yoze Zambi alakenyene kwivwa lamba ngwe chino ni kunjila mu uhenya wenyi, nyi?”

Luka 24:46

yaamba ngwenyi: “Chenacho hichinasonewa ngwo: Chilamwina yoze Zambi alakenyene chamutamba kumona lamba, ni kuhinduka ku kufwa ha tangwa lia muchitatu.

Yoano 10:18

Mutu niumwe mahasa kuchiza mwono wami, alioze ngunaukunjika nikulita ni chize ngunazange yami mwene. Chiyulo nguli nacho cha kuukunjika ni chiyulo nguli nacho cha kuutambula nawa. Chenacho Tata anguhele Shimbi ha kulinga.”

Yoano 11:25

Yesu ngwenyi: “Yami nguli we uhindukilo ni we mwono. Yoze wakungufuliela, chibwe afwe, kumabwa ni mwono,

Yilinga 13:34

Zambi yanyingikisa chize makamuhindwisa ku kufwa, ni chize kechi kubola, ni maliji wano ngwenyi: ‘Mungukakuwahisa ni yiwape ya kulinanga ni ya shindakenyo yize nalakenyene David.’

Yilinga 26:18

mu kwalawisa meso hanga akatuke ku milima atale ku Pangu, akatuke ku tachi ja Sakwonga eze kuli Zambi; hanga ku ufulielo, Zambi aakonekene milonga yo, mba abwe ni chihinga mukachi ka atu waze Zambi atongwele iye mwene.’ ”

Yilinga 26:8

Kuchi kevwe yenu Ayuda kunwahashile kufuliela ngwenu, Zambi mahasa kuhindwisa afu?

Yilinga 3:18

Alioze Zambi hanamanununa chize ahanjikile shimbu kanda kuli akwa munanyi jenyi ngwenyi, Chilamwina wa kuli Zambi, yoze iye mwene alakenyene, makamona lamba.

Yilinga 3:24

Akwa munanyi eswe waze ahanjikile, chize kuli Samuele ndoo kuli waze asulile ko, ambujolele yuma ya matangwa wano.

1 Korintu 15:3

Sango jize yami natambwile, jenajo nawa nanulongesele. Sango jino ngwami, Yesu hanafwila milonga yetu ngwe chize hichinasonewa mu Mukanda wa Zambi.

2 Korintu 4:4

Keeshi kufuliela mumu Zambi ya mwakono hanaapupuchisa manyonga jo. Kakwakinda ha kumona Pangu lia Sango Jibema. Jili sango ja uhenya wa Kristu yoze unalifu pundu ni Zambi.

Kolosu 1:18

Kali ngwe mutwe wa mujimba, che Chikungulwila, mwe kabutu kacho, mwe mutangu mu kuhinduka ku kufwa, hanga akabwe mulemu Wahiana eswe.

Hebreu 2:10

Chabwile chibema ngwo, Zambi yoze watangile yuma yeswe ni wakuyikwata, apwise Yesu mungunu ha lamba lize amwene. Chino Zambi yachilinga ha kusenyesa atu anji ha kuzuka kamwe ka uhenya wenyi. Mumu Yesu mwe wakwalamwina.