Yilinga 26:22 - Mukanda Wa Zambi 1970

²² Alioze Zambi hanangukwase ndoo musono uno. Kashika, ngunamana hano ni kushindakenya kuli eswe, alelu ni alemu. Chichi kwambulula yuma yikwo shina yizeyene ambulwile akwa munanyi a Zambi ni Mose ngwo:

MUKANDA USANDU WA ZAMBI 1975

²² Se Zambi wangukwasa, hingunamana nikujikiza ndo ku tangwa lino, nikushindakenya kuli akepe ni anene, nikwamba nichimwe chuma chikwo shina yuma yize ambile aprofeta ni Mose ngwo, Kumuyiza;

Yilinga 26:22 Iomraidhean Croise

Ezra 8:31

Mba yitukatuka ku lwiji Ahava ha tangwa kumi ni lia muchaali lia kakweji mutangu ni kuya ku Yerusaleme. Mwene Zambi yabwa hamwe ni yetu, yatufunga kuli akwa kole jetu ni kuli waze te anatujikinyina mu jila.

Miaso (Masamu) 124:8

Mwene Zambi, yoze watangile lilu ni hashi mwe wakutukwasa.

Miaso (Masamu) 18:47

Kakungukwasa hakukumba akwa kole jami; kakunguzeyesela mavungu,

Miaso (Masamu) 66:12

Hiunatayiza akwa kole kutuliataliata, hitunanjila mu kahia ni mu sanga lia meya. Alioze haliabwila hiwatuchiza mo, ni kutuneha muma mwa uhwimino.

Mateu 26:24

Mwana Mutu kumafwa ngwe hichinasonewa mu Mukanda wa Zambi, alioze lamba lienyi mutu yoze, kachi te kasemukine ko kwenyi!”

Luka 16:28

kuli anakwetu atano. Aye hanga akaatoweze, kuchina ayo nawa maakeza muma muno mwa kubinda.’

Luka 24:27

Mba Yesu yaalumbunwina Mukanda wa Zambi weswe hakutwala kuli iye mwene, butu ku Mikanda ya Mose ndoo ku mikanda yeswe ya akwa munanyi a Zambi.

Luka 24:44

Mba yaamba ngwenyi: “Wano e maliji nanwambile muze nabwile hamwe ni yenu, ngwami, yize yeswe yasonewene hakutwala kuli yami mu Shimbi ja Mose, ni mu mikanda ya akwa munanyi a Zambi, ni Miaso (Masamu) chatamba yikamanunuke.”

Luka 24:46

yaamba ngwenyi: “Chenacho hichinasonewa ngwo: Chilamwina yoze Zambi alakenyene chamutamba kumona lamba, ni kuhinduka ku kufwa ha tangwa lia muchitatu.

Yoano 1:17

Zambi hanatwehe Shimbi ku kwoko lia Mose, alioze utu ni umwenemwene hiyineza muli Yesu Kristu.

Yoano 1:45

Mba Filipe yawana Natanele, yamwamba ngwenyi: “Hitwamona mutu yoze asonekene Mose mu mukanda wa Shimbi, ni akwa munanyi ja Zambi mu mikanda yo ngwo, makeza. Kali Yesu, mwana wa Josefe wa ku Nazare.”

Yoano 5:39

Nwakuhengula mu Mukanda wa Zambi, mumu mwenamo nunashinginyeka kubwa ni mwono wa miaka yeswe. Wenawo wakungushindakenya.

Yoano 5:46

Nyi chamwenemwene nwafulielele Mose, kachi ni yami munungufuliela, mumu iye hanasoneka hakutwala kuli yami.

Yilinga 10:43

Akwa munanyi eswe a Zambi haanamushindakenya ngwo, mweswawo wakumufuliela, Zambi kakumukonekena milonga yenyi ku tachi ja jina lia Yesu.”

Yilinga 13:29

Muze te haamanununa yeswe yize yasonewene hali iye, yaamusunwisa ha kulusu, yaamusa mu fuka.

Yilinga 24:14

Alioze ngunatayiza ku meso je ngwami, nakuwayila Zambi ya tushakulu twetu ni kukaula jila yize akwamba ngwo, ya mahuza. Alioze nakufuliela yuma yeswe yize hiyinasonewa mu mikanda ya Shimbi ni ya akwa munanyi a Zambi.

Yilinga 26:17

Mungukupulula kuli Ayuda ni kuli waze hi Ayuda ko. Mungukutuma kuli waze hi Ayuda ko,

Yilinga 26:6

Haliabwila kanagusopesa mumu ngunase mbunge ku chize Zambi alakenyene tushakulu twetu.

Yilinga 28:23

No yaatongola tangwa lia kuhanjika ni Paulu. Mba mbunga yinene yeezaza ni kumunangisa ku zuwo lize te atwama. Chize ku chichamene ndoo ku chingoloshi Paulu yaalumbunwina nikushindakenya hakutwala ku Wanangana wa Zambi, yeeseka kwakununa ha chikuma cha Yesu. E maliji waze alongesele te a mu mukanda wa Shimbi ja Mose ni mu mikanda ya akwa munanyi a Zambi.

A-ROMA 3:21

Alioze haliabwila Zambi hasolola chize akupwisa atu akwa ululi—ni chize hi cha ku Shimbi ko. Shimbi ni akwa munanyi a Zambi haanashindakenya kulu ha chikuma chino.

1 Korintu 15:3

Sango jize yami natambwile, jenajo nawa nanulongesele. Sango jino ngwami, Yesu hanafwila milonga yetu ngwe chize hichinasonewa mu Mukanda wa Zambi.

1 Korintu 15:4

Atu yaamufunda. Mba Zambi yamuhindwisa ku kufwa ha tangwa lia muchitatu ngwe chize hichinasonewa mu Mukanda wa Zambi.

2 Timoteu 3:11

Unanyingika nawa chize atu akunguhungumiona, ni lamba likwo lize nakumona. Unanyingika yuma yeswe yize yanguwanyine ku limbo lia Antiokia, ni ku membo ja Ikoniu ni Listra, yihungumiona yize nanyongonwene nayo. Alioze Mwene yangupulula ku yuma yize yeswe.

Usolwelo 11:18

Atu waze hi akwa Kristu ko atenukine, mumu tangwa lia kulweza utenu we hilieza, lize muukabatwila afu. Tangwa hiliaheta lize muuhana chawana kuli tuvumbi twe, akwa munanyi, ni kuli atu je eswe, anene ni akepe, kuli waze eswe akuvwila jina lie woma. Tangwa hilieza lize muukonona waze akwonona hashi!”

Usolwelo 15:3

Te kaanembi mwaso wa Mose, kavumbi ka Zambi, ni mwaso wa Mwana Panga ngwo: “Mwene Zambi, Mukwa Ndundo Jeswe, yitanga ye yili yinene ni yakukomwesa! Yena Mwanangana wa mavungu eswe, majila je kaali a ululi ni a umwenemwene!

Usolwelo 20:12

Mba yingumona makulwana ni twanuke, kaanamana kulutwe lia chitwamo cha wanangana. Mikanda te kaanayibakula. Mukanda ukwo nawa te kaanaubakula, mukanda wa akwa mwono. Atu te kanaabatwila nikulita ni yize alingile, nikulita ni yize asonekene mu mikanda.

1 Samuel 7:12

Henaho Samuel yanda liwe, yalimika hakachi ka Mizpa ni Shene, yaliluka jina ngwenyi: Ebenezere, ni kwamba ngwenyi: “Mwene Zambi hatukwasa ndoo ni musono.”