Yilinga 26:18 - Mukanda Wa Zambi 1970

¹⁸ mu kwalawisa meso hanga akatuke ku milima atale ku Pangu, akatuke ku tachi ja Sakwonga eze kuli Zambi; hanga ku ufulielo, Zambi aakonekene milonga yo, mba abwe ni chihinga mukachi ka atu waze Zambi atongwele iye mwene.’ ”

MUKANDA USANDU WA ZAMBI 1975

¹⁸ Mukulawisa meso jo, hanga akatewuluke ku milima ndo ku pangu, ku tachi ja Satana ndo kuli Zambi, hanga akatambule ukonekeno wa milonga, ni chihinga hakachi ka waze hanaasela ku usandu ku Ufulielo kuli yami.

Yilinga 26:18 Iomraidhean Croise

Miaso (Masamu) 119:18

Ngulawise kama meso jami, hanga ngumone yuma ya kukomwesa ya mu Shimbi je.

Miaso (Masamu) 146:8

kakulawisa meso ja tupuputa. Kakuhindwisa waze haalimbuka; kakuzanga akwa ululi.

Izaya 29:18

Ha tangwa lize afwa matwi kumaakevwa kutanga cha mukanda, ni tupuputa waze te atwama mu milima meso jo maakalaula.

Izaya 32:3

Meso jo maakamona ni matwi jo maakevwa kulinyenga cha atu.

Izaya 35:5

Tupuputa maakamona; afwa matwi maakevwa.

Izaya 42:16

“Tupuputa mungwasongwela mu majila waze kanda enda kama nichimwe. Milima yo munguyalumuna pangu, chifuchi cha mingulunga mungwasalamishina cho. Yino yili yilakenyo yami, munguyimanununa kanawa.

Izaya 42:7

Muukalawisa meso ja tupuputa, muukatusula atu waze atwama mu milima mu mazuwo a lamba.

Izaya 43:8

Zambi kanambe ngwenyi: “Tambika atu jami eze ku chota, kaali ni meso, alioze kaali tupuputa, kaali ni matwi, alioze keeshi kwivwa.

Izaya 49:6

Mwene Zambi yangwamba ngwenyi; “Yena kavumbi kami, nguli ni milimo yikwo yinene yahiana. Hi ya kuhilwisa wika ko ulemu wa masalila ja atu jami Aisraele, alioze ya kukupwisa nawa pangu lia mavungu hanga akwa hashi eswe akaalamwine.”

Izaya 9:2

Atu waze te akwenda mu milima haanamono pangu linene. Waze te atwama mu chifuchi cha milima, pangu hilinaapangulwisa.

Malaki 4:2

Alioze kuli yenu waze nwakungwononokena, tachi jami ja kulamwina mujikasoloka ngwe kuvumbuka cha tangwa, ni kunuwuka ngwe mitemite ya tangwa. Munukatusuka ni kuwahilila ngwe yimbembe ja ngombe waze anatuhuka ku tanga lio.

Mateu 4:10

Yesu ngwenyi: “Katuka Sakwonga! Mumu hichinasonewa mu Mukanda wa Zambi ngwo: ‘Ukawayile Mwene Zambi ye, ukamulingile iye waka!’ ”

Mateu 4:16

Atu a ku yifuchi yize, te atwama mu milima, haanamono pangu linene! Waze te atwama mu chifuchi cha kufwa, Pangu hilinaapangulwisa!”

Luka 1:77

ni kunyingikisa atu jenyi ngwe, makaalamwina ha kwakonekena milonga yo.

Luka 1:79

ha kutemwina waze ali mu milima ni mu chizulie cha kufwa, ha kutondekeza molu jetu mu jila ya uhwimino.”

Luka 2:32

Ulamwino uno lie pangu lia kutemwina waze hi Ayuda ko, we ulemu wa atu je Aisraele.”

Luka 24:45

Mba yaakwasa hanga anyingike Mukanda wa Zambi,

Luka 24:47

Ni chatamba kwambujola mu jina lienyi sango jino kuli mavungu eswe butu ku Yerusaleme. Ngwenu: ‘Alumukenu ku mbunge, mba Zambi manukonekena milonga yenu.’

Luka 4:18

“Mwiku wa Mwene Zambi uli muli yami. Hananguwayisa mu kwambujolela yiswale Sango Jipema, hanangutumu mu kunyingikisa utuswilo kuli funge, mu kulawisa meso ja tupuputa, mu kutusula waze akumona lamba,

Yoano 17:17

Apwise liakulu atu je ku umwenemwene. Liji lie we umwenemwene.

Yoano 3:19

Uno we uhiso: pangu hilineza hano hashi, alioze atu yaazanga milima kuhiana pangu, mumu akulinga yibi.

Yoano 4:10

Yesu ngwenyi: “Ehee! Nyi kuwanyingika chawana chize Zambi akuhana kuli atu, nawa nyi kuwanyingika yoze unakwichi meya a kunwa, kachi wamwita, neye makwaha meya a mwono.”

Yoano 4:14

Mumu meya waze mungumwaha maakavelwoka muli iye ngwe mu shima lia meya a mwono wa miaka yeswe.”

Yoano 8:12

Yesu yaamba nawa ngwenyi: “Lie pangu lia hashi yami. Yoze wakungukaula mabwa ni pangu lia mwono, kechi kenda nichimwe mu milima.”

Yoano 9:39

Yesu yamba ngwenyi: “Ha ubatwilo nejilile hano hashi, hanga tupuputa amone, ni hanga waze akumona alumuke tupuputa.”

Yoano 9:5

Shimbu nguchili hashi nguli pangu lia hashi.”

Yilinga 10:43

Akwa munanyi eswe a Zambi haanamushindakenya ngwo, mweswawo wakumufuliela, Zambi kakumukonekena milonga yenyi ku tachi ja jina lia Yesu.”

Yilinga 13:47

Mumu Chenacho Zambi atuhele Shimbi ngwenyi: ‘Hingunakusa pangu lia mavungu ha kutwala ulamwino ndoo ku songo lia hashi.’ ”

Yilinga 15:9

Kulisa chakuhi hakachi ko ni yetu. Zambi hanatomesa mbunge jo mumu haanafuliela.

Yilinga 2:38

Petulu ngwenyi: “Mutu ni mutu hakachi kenu alumuke ku mbunge, amupapachise mu jina lia Yesu Kristu ha ukonekeno wa milonga. Mba munutambula chawana cha Zambi, Mwiku wa Linanga.

Yilinga 20:21

Hingunashindakenya kuli Ayuda ni kuli waze hi Ayuda ko, ngwe chize chaatamba kwalumuna mbunge jo kuli Zambi ni kufuliela Mwene wetu Yesu.

Yilinga 20:32

“Haliabwila ngunanukunjika kuli Zambi ni ku liji lia utu wenyi. Kanahase kunukolesa ni kunuwahisa ni yiwape yize aswekelele atu jenyi.

Yilinga 26:19

“Kashika, mwanangana Agripa, Chakolemene ku Usolwelo wa mwilu.

Yilinga 26:23

‘Chilamwina yoze Zambi alakenyene chamutamba kumona lamba nikubwa mutangu kuhinduka ku kufwa, Makambujola pangu lia ulamwino kuli Ayuda ni kuli waze hi Ayuda ko.’ ”

Yilinga 3:19

Kashika alumukenu ku mbunge, nuhiluke kuli Zambi, hanga anukonekene milonga yenu,

Yilinga 5:31

Zambi hanamuzundula ha kubwa ku kwoko lienyi lia chindume, hanga abwe Tetekeli ni Chilamwina. Chenacho Aisraele maahasa kwalumuka ku mbunge jo, ni Zambi maakonekena milonga yo.

A-ROMA 8:17

Tuli ana jenyi, kashika, tuli nawa maswana ja Zambi ni maswana hamwe ni Kristu. Mumu, nyi mutwivwa lamba hamwe ni Kristu, kachi mutubwa nawa hamwe nenyi mu uhenya wenyi.

1 Korintu 1:2

Tunanumeneka akwa Chikungulwila cha Zambi mu limbo lia Korintu. Zambi hananutambika ha kubwa akwa kulinanga. Nwakuliendela hamwe nenyi mu kulinunga ni Kristu Yesu. Tunameneka nawa eswe a kuma kweswe waze akuwayila Zambi mu jina lia Mwene Yesu Kristu, Mwene wo kanda niwetu.

1 Korintu 1:30

Alioze Zambi hananunungu ni Kristu Yesu, hanapwisa Kristu mana jetu. Mwenawo hanatupwisa akwa ululi kanda akwa kulinanga, hanatukulu ku ubinji wa shili.

2 Korintu 4:4

Keeshi kufuliela mumu Zambi ya mwakono hanaapupuchisa manyonga jo. Kakwakinda ha kumona Pangu lia Sango Jibema. Jili sango ja uhenya wa Kristu yoze unalifu pundu ni Zambi.

2 Korintu 4:6

Zambi yoze wambile ngwenyi: “Pangu lipanguke mu milima,” mwenawo hanapanguka mu mbunge jetu hanga jitemuke, hanga jitusongwele mana a kunyingika uhenya wa Zambi, uhenya uze wakusoloka ku meso ja Kristu.

2 Korintu 6:14

Kanda nulilema kanga yimuwika ni waze keeshi kufuliela, mumu ndako ngwe yize kuyishi kulita. Ngwe kuchi ululi muulichinga ni ubi? Ngwe kuchi Pangu mulihasa kubwa hamuwika ni milima?

Galashia 2:20

Kashika hi yami ko nguli ni mwono, alioze Kristu kali ni mwono muli yami. Mwono uze nguli nawo haliabwila, nguli nawo ha kufuliela. Mwana Zambi, yoze wanguzangile ni wakunjikile mwono wenyi hali yami.

Galashia 3:14

Kristu yashingiwa hanga uwahiso uze Zambi alakenyene kuli Abrahama ukabwe hali waze hi Ayuda ko, ku kukwasa cha Yesu Kristu, hanga yetu, ku ufulielo, tutambule Mwiku uze alakenyene Zambi.

Galashia 3:2

Ngunazange nukumbulule ku chihula chino wika, ngwami, nwatambwile Mwiku wa Zambi ha kufunga Shimbi, nyi hanji ha kwivwa ni ha kufuliela je Sango Jibema?

Efesu 1:11

Mu kulinunga chetu ni Kristu, Zambi hanatutongola shimbu kanda ha kubwa atu jenyi nikulita ni manyonga jenyi. Zambi kakulinga yuma yeswe nikulita ni chize abatwile ni chize apalile iye mwene.

Efesu 1:14

Mwiku uze unalweze ngwo, Zambi makatulamwina. Nawa ngwo, Zambi makakula liakulu yetu atu jenyi. Kashika tufumanyisenu uhenya wa Zambi!

Efesu 1:18

Nakuliumba ngwami, anwazulwile manyonga jenu ha kumona Pangu lienyi. Chenacho nunyingike: Chuma chize anutambikilile Zambi ha kuchisa mbunge, ni kulumbama cha yiwape yize akulakenya akwa Kristu,

Efesu 1:7

Ku manyinga ja Kristu hanatukula, kafwa hanatukonekena milonga yetu nikulita ni utu wenyi Wahiana,

Efesu 2:8

Mumu Zambi, ku utu wenyi, hananulamwina, mumu ha ufulielo. Ulamwino uno hi wa kuli yenu ko, kuuli chawana cha Zambi.

Efesu 4:18

Mu kunyonga cho kaali akwa milima. Keeshi ni Chihanda nichimwe ku mwono uze akuhana Zambi, mumu keshi mana, ni mbunge jo jikalu.

Efesu 5:11

Kanda nuliendela ni waze akulinga yitanga yamokomoko ya milima. Shinoho, kuyineha mu pangu.

Efesu 5:14

Mumu chize cheswe hanachisolola chakwalumuka pangu. Kashika Mukanda wa Zambi unambe ngwo: “Laula yena uli mu tulo, hinduka ku kufwa! Mba Kristu makakutemukina.”

Efesu 5:8

Hatangu ni yenu nawa nwabwile mu milima. Alioze haliabwila, mu kulinunga chenu ni Yesu Kristu, nuli mu pangu. Ha chino bwenu ngwe akwa Pangu.

Efesu 6:12

Mumu kutushi kulimika ni atu, alioze ni mwiku ubi wa tachi jinji, ni akwa kuyula, ni akwa ndundo, ni mianangana a milima a mwakono.

2 Timoteu 2:26

Mba maakatewuluka ku manyonga abema ni kukondolwela muheto wa Sakwonga, yoze waakwachile ni waabinjishile ha kulinga upale wenyi.

Hebreu 10:10

Yesu Kristu yalinga chize Zambi apalile. Kashika mulambu uze Yesu alambwile muze akunjikile mujimba wenyi mwene chisuho chimuwika lume, kuwachiza shili yetu.

Hebreu 10:14

Mumu, ku mulambu umuwika hanapwisa angunu ku miaka yeswe waze hanabemesa ku shili.

Hebreu 11:6

Niumwe mahasa kubemena kuli Zambi, shina ni ufulielo. Mumu yoze unakundama kuli Zambi chamutamba kufuliela ngwenyi, Zambi kwali, ni kakuhana chawana kuli waze akumufupa.

Hebreu 9:15

Kashika Kristu kali Chitakanyishi cha Usendo Waha, hanga waze Zambi hanatambika ahase kutambula yiwape ya miaka yeswe yize Zambi alakenyene. Maahasa kuyitambula mumu Kristu hanafu, ni kufwa chenyi chakulamwina atu ku milonga yize alingile muze ononokene ku Usendo uze utangu.

Tiangu (Jake) 2:5

Akwetu akwa Kristu, banjikenu! Zambi hanatongola yiswale a hano hashi hanga abwe pichi mu ufulielo, ni maswana mu Wanangana wenyi uze alakenyene waze akumuzanga.

1 Petulu 1:4

chihinga chize Zambi anafungila atu jenyi. Chili chihinga chize kuchahashile kubola, chibwe kubwa ni majilo, chibwe kujimuka ka.

1 Petulu 2:25

Mumu nwabwile ngwe mapanga waze haanapiasuka, alioze haliabwila hinwahiluka kuli Kafunga kanda Kalayi ka mwono wenu.

1 Petulu 2:9

Alioze yenu nuli atu waze Zambi atongwele, nuli mahako a Mwene, nuli lume atu ja Zambi. Hananutongola hanga nwambujole yitanga yibema ya Zambi, yoze wanutambikile ha kukatuka ku milima hanga nunjile mu pangu lienyi liahiana.

1 Yoano 1:9

Alioze, nyi twakushikisa milonga yetu, iye kali mukwa kushishika ni mukwa ululi ha kutukonekena milonga yetu, ni kutubemesa ku uhenge weswe.

1 Yoano 2:12

Ana jami, ngunanusonekena, mumu Zambi hananukonekena milonga yenu mu jina lia Kristu.

1 Yoano 3:8

Yoze wakunyongonona ni kuvulumiona kali wa Sakwonga, mumu Sakwonga hanavulumuna chize ku Ubutukilo. Mwana Zambi hanasoloka ha kwonona yitanga ya Sakwonga.

1 Yoano 5:19

Tunanyingika ngwetu, tuli a Zambi, ni mwe Chingulungulu kakuyula akwa hashi eswe.

Yuda 1:1

Yami Yuda, kavumbi ka Yesu Kristu, kanda mwanakwo ya Tiangu (Jake). Ngunanumeneka, yenu waze Tata Zambi atongwele ni akuzanga, waze Yesu Kristu akufunga.

Usolwelo 21:27

Chuma cha luchisa kuchichi kanjila nichimwe mu limbo lize, chibwe waze akulinga yuma ya sonyi, chibwe waze akuhanjika mahuza kaahashile kunjila mo. Alioze atu waze maakanjila mu limbo lize kaali lume waze majina jo hanaasoneka mu mukanda wa Mwana Panga, we mukanda wa akwa mwono.