Yilinga 26:13 - Mukanda Wa Zambi 1970

¹³ Mwanangana, muze te nguli mu jila tangwa ha muchima, yingumona pangu linakatuka mwilu liahiana pangu lia tangwa lize liangupangukilile, yami ni waze nayile no.

MUKANDA USANDU WA ZAMBI 1975

¹³ Tangwa ha muchima, mwanangana, namwene mu jila pangu mwilu, liahiana kutemuka cha tangwa, nikutemuka ha kungujingilika yami ni waze endele hamuwika.

Yilinga 26:13 Iomraidhean Croise

Izaya 24:23

Henaho kakweji makalaa, tangwa nelio kulichi katwa mwalwa, mumu Mwene Zambi Mukwa Ndundo Jeswe makabwa mwanangana. Ha mulundu wa Zione mu Yerusaleme, makayula; miata ja atu maakamona uhenya wenyi.

Izaya 30:26

Kakweji makabwa ni mitemite ya tangwa, ni tangwa mulikabwa ni mitemite yisuho shimbiali kuhiana. Pangu lialio mulikabwa pangu lia matangwa shimbiali. Chino cheswe muchikabwa muze Mwene Zambi makakasa ni kuwuka yilonda yize aalemekene iye mwene.

Mateu 17:2

Mba kusoloka chenyi yichalumuka ku meso jo; meso jenyi yaahenya ngwe tangwa; mahina jenyi yaabwa atoma ngwe Pangu.

Yilinga 22:6

“Muze nendele mu wenyi nikukundama ku Damasku, tangwa ha muchima, susumuku pangu ha mwilu yilingupangukila.

Yilinga 22:9

Waze te ali hamwe ni yami yaamona pangu, alioze keevwile ko liji lize lianguhanjikishile.

Yilinga 26:12

“Chenacho nayile ku limbo lia Damasku ni chiyulo ni tachi ja mahako a lutwe a Zambi.

Yilinga 26:14

Yetu eswe yitulimbuka hashi mbuu! Mba yingwivwa liji mu hebreu nikungwamba ngwo: ‘Saulu, Saulu, kuchi kevwe wakunguhungumiona? Wakulilemeka ngwe chize akulilemeka ngombe ha kulamba kulu ku songo lia mutondo wa kako!’

Yilinga 9:3

Mba ha kuya ku Damasku, muze te anakundama ku limbo lize, susumuku pangu lia mwilu yilimupangukila.

Usolwelo 1:16

Te kanakwata matongonoshi shimbiali mu kwoko lienyi lia chindume, ni mukwale wambuka yiutuhuka mu kanwa lienyi. Meso jenyi yabeyima ngwe tangwa ha muchima.

Usolwelo 21:23

Limbo kulishi kufupa tangwa hanji kakweji ha kulitemwina, mumu uhenya wa Zambi wakulitemwina, ni mwe Mwana Panga kali ndeya yalio.