Yilinga 26:11 - Mukanda Wa Zambi 1970

¹¹ Yisuho yinji naamwesene lamba mu mazuwo ja kuwayila, nikwashinjika kulikala ufulielo wo. Yingwevwila ufwatulo, yingwahungumiona ndoo ku membo ja yilambala.”

MUKANDA USANDU WA ZAMBI 1975

¹¹ Nikwalamba kanji mu masunangonga eswe, naashinjikile ashililike Zambi, mba ni ufwatulo kuhiana hali ayo, naahungumionene ndo ku membo a mu yifuchi ya tundaka.

Yilinga 26:11 Iomraidhean Croise

Miaso (Masamu) 102:8

Akwa kole kaakungushililika tangwa lieswe; atu waze akungusaula, kaakungutuka.

Longeshi 9:3

Songo lia atu eswe lili limuwika, chili chibi nawa ngwe yuma yikwo hano hashi. Ha miaka yeswe yize atu akubwa ni mwono, kaakubwa ni ndako ya ungulungulu ni uzaluke, mba susumuku haafwafwa.

Mateu 10:17

Kanyamenu, mumu atu maakanukwata, maakanukunjika ku Mbunga ya Ngaji ja Ayuda, maakanulamba ni fimbo (shikote) mu mazuwo jo a kuwayila.

Marku 13:9

“Alioze kanyamenu yenwene, mumu atu maakanukunjika ku Mbunga ya Ngaji ja Ayuda, maakanulamba mu mazuwo a kuwayila ja Ayuda. Munukamana ku meso ja akwa kuyula ni ku meso ja mianangana, mumu hali yami, ha kushindakenya Sango Jibema.

Marku 3:28

“Chamwenemwene ngunanwambulwila ngwami, Zambi makonekena atu milonga yo yeswe ni kushililika cho cheswe.

Luka 15:17

Muze hakwata mana, yalihanjikisa ngwenyi: ‘Ngamba ja tata eswe kaali ni yakulia yinji, alioze yami kuno ngunafu ni zala!

Luka 21:12

“Alioze shimbu yize yeswe kanda yichibwa, atu maakanukwata, maakanuhungumiona, maakanukunjika ha kunubatwila mu mazuwo ja kuwayila, maakanusa mu mazuwo a lamba, maakanuneha ku meso ja mianangana ni akwa kuyula mumu hali yami.

Luka 6:11

Alioze ayo yeevwa ufwatulo, yaabutuka kufupa mana hakachi ko chize maahasa kulinga Yesu.

Yilinga 13:45

Ha kumona mbunga yize, Ayuda yeevwila ukwa unji, yaahangulula Paulu, yaamushililika.

Yilinga 18:6

Alioze yaalimika nenyi ni kumushililika. Paulu yakukumuna fufuta ku mahina jenyi. (Ha chino, yaalweza ngwenyi, kanalihandununa no.) Mba yaamba ngwenyi: “Nyi munukafwa mu milonga yenu, ayo yinanutale. Yami ngunasambe. Chize ku haliabwila ngunayi kuli waze hi Ayuda ko.”

Yilinga 22:19

Ami ngwami: ‘Mwene, ayo kaananyingika ngwo, mu mazuwo eswe ja kuwayila ja Ayuda te nakukwata akwa kufuliela, nikwasa mu zuwo lia lamba.

Yilinga 22:5

Mwata wa mahako ni makulwana kaanahase kushindakenya ngwo, ngunahanjika umwenemwene. Natambwile kuli ayo mikanda yize asonekene kuli akwetu Ayuda a ku limbo ha Damasku. Mba nayile mu jila ya Damasku mu kukwata akwa Kristu ni kwaneha ku Yerusaleme ha kwamwesa lamba.”

Yilinga 9:1

Alioze Saulu te kasolo kulitwamina kuhalila mu kushiha tumbaji twa Mwene Yesu. Yaya kuli mwata wa mahako,

Tiangu (Jake) 2:7

Hi ayo ko waze akushililika jina libema lize anulukile Zambi, nyi?

2 Petulu 2:16

Chibwe yimbulu keeshi kuhanjika, hindu umwe chimbulu yahanjika ngwe mutu, yabajila mukwa munanyi wa Zambi, Balame, mumu ha uhepuke ni yibi yize ambile kulinga. Mba yalitwamina.