Yilinga 26:10 - Mukanda Wa Zambi 1970

¹⁰ Chenacho nalingile mu Yerusaleme. Yingutambula chiyulo kuli mahako a lutwe a Zambi, mba yingusa akwa kufuliela anji mu zuwo lia lamba. Ni muze abatwile ha kwashiha, yinguchitayiza.

MUKANDA USANDU WA ZAMBI 1975

¹⁰ Yize nawa nalingile mu Yerusaleme, ni yami mwene anji a kuli asandu naajilile mu mazuwo a ususu, se natambwile chiyulo kuli asasendote akwa lutwe, ni muze aashihile yami nachitayijile.

Yilinga 26:10 Iomraidhean Croise

Miaso (Masamu) 16:3

Atu ja Zambi kaali abema kuhiana! Nakuwahilila ni kubwa hamwe no.

Yilinga 7:58

yaamumbila haze lia limbo, yaabutuka kumwasa mawe hanga amushihe. Yela waze amwashile mawe yaanangika mahina jo ku molu ja mukweze umuwika jina lienyi Saulu.

Yilinga 8:1

Saulu neye te kanatayiza ngwenyi, amushihe. Ha tangwa lizeliene, yaabutuka kuhungumiona chikolo Chikungulwila cha Yerusaleme. Akwa Kristu eswe yaamwangana mwamwaa mu yifuchi ya Yudea ni Samaria, alioze tunganda twa Yesu kaamwanganyine ko.

Yilinga 8:3

Alioze Saulu yeseka kwonona Chikungulwila, yanjila mu zuwo ni zuwo, yatuhwisa malunga ni mapwo haze, yaasa mu zuwo lia lamba.

Yilinga 9:21

Eswe waze amuvwile, yaalishimwoka nikwamba ngwo: “Haa puu! Mutu awu hi yoze ko washihile mu Yerusaleme waze te akufuliela jina lia Yesu, nyi? Ni kuno kejile ko akaatwale a kukasa kuli mahako a lutwe, nyi?”

Yilinga 9:26

Ha kuheta ku limbo lia Yerusaleme, Saulu yeseka kulinunga ni tumbaji ni akwo. Alioze eswe yaamuvwila woma, mumu kaafulielele ko ngwo, habwa kambaji chamwenemwene.

Yilinga 9:32

Petulu yendangana mu chifuchi cheswe. Limwe tangwa yaheta kuli akwa kufuliela waze te atwama mu limbo lia Lida.

Yilinga 9:41

Petulu yamukwata ku kwoko, yamukatwisa. Mba yatambika akwa kufuliela ni mapwo waze haanafwisa malunga, yaakunjika yo ni mwono.

1 Korintu 15:9

Mumu yami nguli mukepe Wahiana hakachi ka tunganda twa Yesu. Kuchalitele kunguvuluka ngwo, kanganda ka Yesu, mumu nahungumionene Chikungulwila cha Zambi.

Galashia 1:13

Hinunevu ngwe chize nalingile muze nalihanyine ku kuwayila cha Ayuda. Nunanyingika chize nahungumionene, ni chize nenyekene Chikungulwila cha Zambi nikweseka kuchonona.

Efesu 1:1

Yami Paulu ngunanusonekena yenu akwa Kristu waze nwatwama mu limbo lia Efesu, akwa kushishika mu kuliendela chenu ni Kristu Yesu. Ku upale wa Zambi nguli kanganda ka Kristu Yesu.

Usolwelo 17:6

Yingumona pwo yoze te hazengewa ni manyinga ja akwa Kristu, ni manyinga ja waze ashihile, mumu ha kushishika cho mu kuliendela ni Yesu. Ha kumumona yingulishimwoka kuhiana.