Biblia Todo Logo
Bìoball air-loidhne

- Sanasan -




Yilinga 24:26 - Mukanda Wa Zambi 1970

26 Yasa nawa mbunge ngwenyi, hanji Paulu mamwaha mbongo. Kashika yamutambika kanji nikuhanjika nenyi.

Faic an caibideil Dèan lethbhreac

MUKANDA USANDU WA ZAMBI 1975

26 Alioze wanyongene nawa hanji Paulu mamwaha mbongo: kashika nawa watumine kanji kanji, akalishimwinyine nenyi.

Faic an caibideil Dèan lethbhreac




Yilinga 24:26
29 Iomraidhean Croise  

Vwilenu Mwene Zambi woma ni lingenu kanawa, mumu Mwene Zambi, Zambi yetu, keshi kutayiza ubatwilo wa katonde hanji ubatwilo wa mbongo ja mbenga.”


Yitanganyanyi keechi kabwa ni ana, kahia kumukalalisa mazuwo waze atambwile ni uhenge.


Kanda utambula ubite wa mbenga, mumu ubite ngwe uze kuwakupupuchisa meso ja ngaji ni kuhisa akwa ululi.


Ngaji a uhenge kaakutambula mbongo ja mbenga ku tenga, mba keeshi kubatula ni ululi.


Atu akwo kaakwamba ngwo, ubite wa mbenga uli ngwe yitumbo, kaakufuliela ngwo, muuhasa kulinga nawo yeswe yize unazange.


Atu eswe kaakufupa vumbi lia atu alemu; atu eswe kaakuzanga kubwa masepa ja waze akuhana yawana.


Muze mwanangana akuyula akwa chifuchi ni ululi, atu kaakutakama. Alioze muze akubwa ni lwahu wa mbongo, monona chifuchi cheswe.


Miata jenu kaali yihulia ni masepa jo eji; matangwa eswe kaakutambula yawana ni mbongo ja mbenga. Ku chisopelo keeshi kuhakwila ana a shiwa, chibwe kubanjika kuli mapwo waze haanafwisa malunga.


Munuhasa kusala ni mwono nyi nwahanjika ni kulinga yize yinalite. Kanda nwonga yiswale ni tachi jenu; kanda nutambula mbongo ja mbenga. Kanda nulikata ni waze anambe kushiha atu hanji kulinga yuma yikwo yibi.


Kaali lume ngwe tuwa waze akwete lwahu, keeshi kukuta. Miata waze keeshi mana. Mutu mweswe wa kuli ayo kakulinga chize chinamuwahila, ni kufupa shina yuma yenyi mwene.


Akwa kuyula wanangana kaali ngwe tungunga waze anali yifwo yize akwatanga. Kaakushiha atu akalibichise.


Chenacho atu jami akulikungulula evwe yize muwamba, alioze yize Wakwalweza keeshi kuyalula. Kaakunyonga ngwo, maliji je kaali miaso yamokomoko. Kaakukaula ubite.


Nyi haazengewa kaakuwahilila ni kulinga utanji, kaakuzanga kwo sonyi kuhiana ulemu.


Miata ja limbo kaakuyula mumu ha mbongo ja mbenga, mahako kaakulongesa Shimbi ja Zambi hanga aafwete, akwa munanyi kaakulumbununa Usolwelo wo mumu ha ubite. Hindu ayo eswe kaakwamba ngwo: “Mwene Zambi kali hamwe ni yetu. Chibi nichimwe kuchichi kutuwana.”


Eswe kaali ni mana anji a kulinga yibi. Akwa lutwe ni ngaji kaakwita mbongo ja mbenga. Mukwa mana kakwalweza chize akuzanga, mba maatwama punga hamuwika.


Hohene Mose ni Eliya yaasoloka, te pande anate ni Yesu.


“Miaka yinji yabalikile yize chabwile ko ku Yerusaleme. Mba yinguya ko nikwaha vungu liami yawana ni kulambula Zambi milambu.


Kunwanyingikine ngwenu, yivulumunyi keechi kanjila mu Wanangana wa Zambi, nyi? Kanda nulionga, chibwe atu waze akulinga utanji ni twamishi, chibwe akwa kukombelela mahamba, chibwe waze akulinga utanji ni waze haanalimbata, chibwe akwa utumwa,


Mu ubatwilo wo kanda abwa akwa kuhengesa ha kubatula, kanda abatula ni katonde, kanda atambula mbongo ja mbenga, mumu mbongo ja mbenga kujakupupuchisa meso ja akwa mana ni chikuma cha mukwa ululi, kujakukoka ubatwilo wa uhenge.


Mumu ha lwahu wo wa mbongo maakanulongesa mahuza. Alioze hasuku Ngaji yo hanalilulika ha kwabatwila, ni Chononyi cho kakunongama!


Yami uno. Nyi nalinga chimwe Chuma chibi, ngusumenu haliabwila ku meso ja Mwene Zambi ni ku meso ja mwanangana yoze iye hawayisa ni maji. Ngombe jaya natambwile kama? Hanji chimbulu chaya? Iya yoze neya mbongo? Iya nabinjisa kama? Kuli iya natambula kama ubite wa mbenga? Ambenu, ngunuhilwishile wo.”


Alioze ana jenyi keembulwile ko ndako ja tato. Yazanga ubite wika, Chenacho atambwile ubite wa mbenga ni kuhengesa ubatwilo.


Lean sinn:

Sanasan


Sanasan