Yilinga 24:25 - Mukanda Wa Zambi 1970

²⁵ Alioze muze Paulu ahanjekele hakutwala ku ululi, ni kulihumikiza, ni ku ubatwilo uze muukeza, Felix yevwa woma, yamba ngwenyi: “Haliabwila yako. Mungukutambika nawa muze mungubwa ni tangwa libema.”

MUKANDA USANDU WA ZAMBI 1975

²⁵ Shimbu ahanjikile kuli ayo ha kutwala ku ululi, ni kusúla, ni upatwilo uze muwizaho, Fwelishia wazalile tò ni woma, wakumbulwile ngwenyi, Yénu haliapwila; ni muze munguwana mwaka upema, mungukakutambika.

Yilinga 24:25 Iomraidhean Croise

2 Samuel 23:3

Zambi ya Israele hanahanjika, kafunga ka Israele hanangwambe ngwenyi: “Mwanangana yoze wakuyula ni ululi yoze wakuyula ni kulemesa Zambi,

1 Yitanga Ya Mianangana 21:27

Muze Ahabe hevwa maliji waze, yatanuna mahina jenyi, yaazula, yazala mwanji, yalitwamina kulia, yabomba ha mwanji, yendangana ni chinyengo kuhiana.

1 MIANANGANA 22:19

hiwalumuka ku mbunge, hiwalikehesa ku meso jami nikutanuna mahina je nikulila, muze hiwevwa ngwe chize ngunambe kumwesa akwa Yerusaleme lamba. Limbo lia Yerusaleme mungulipwisa liahululu, atu maalivuluka mu kulishinga cho. Alioze hinevwa kulemba che,

Ezra 10:3

Haliabwila tukolesenu Usendo ni Zambi yetu, tulakulenu mapwo wano ni e ana jo hamuwika. Mutulinga chize yena Ezra ni akwenu waze akulemesa Shimbi ja Zambi nunambe. Mutulinga nikulita ni Shimbi ja Mwene Zambi.

Ezra 10:9

Chenacho ha matangwa atatu, ha tangwa lia makumi aali a kakweji wa muchilivwa, malunga eswe a mu yifuchi ya Yuda ni Benjamine yaakunguluka kulutwe lia zuwo lia Zambi. Vula yanoka munji. Kashika, mumu ha vula ni mumu ha chikuma chize, atu yaachikima nganganga.

Jobe 29:14

Nazalile ululi ngwe hina, ni umwenemwene mu ubatwilo ngwe chifulu.

Miaso (Masamu) 11:7

Mwene Zambi kali mukwa ululi, kakuzanga ululi. Eswe waze akumwononokena kumaakabwa ku meso jenyi.

Miaso (Masamu) 119:120

Ngunachikima ku meso je; nakwivwa woma ha chize wakubatwila atu.

Miaso (Masamu) 45:7

Wakuzanga umwenemwene, wakuvutwokela ungulungulu. Kashika Zambi, Zambi ye, hanakutongola, hanakuwahilisa kuhiana mianangana akwo eswe.

Miaso (Masamu) 72:2

hanga ayule atu je ni ululi, ni akwa lamba ni mbunge yibema.

Miaso (Masamu) 99:1

Mwene Zambi mwe mwanangana; atu kaakuchikima. Kakutwama ha chitwamo chenyi cha wanangana helu lia akwa mwono a mwilu, hashi kuhananyiki.

Yishima 16:12

Mianangana kaahashile kulihumikiza ni yibi, mumu ululi we Wakukolesa wanangana.

Longeshi 11:9

Yena mukweze Wahilila, Wahilila muze uchili mukweze. Linga yeswe yize unazange kulinga, yeswe yize unamono ngwe yinabeme ku meso. Alioze iwuluka ngwe, Zambi makakubatwila ha yeswe yize wakulinga.

Longeshi 12:14

Zambi kumatubatwila mumu ha yuma yeswe yize twakulinga, chibwe yibema hanji yibi, chibwe yize twakulinga ku tenga.

Longeshi 5:8

Kanda ukomoka nyi muumwona akwa kuyula kaanabinjisa yiswale ni keeshi kwabatwila ni ululi. Mukwa lutwe mweswe kali ni yoze mamutala, neye kali ni mukwo yoze mamutala.

Izaya 1:18

Mwene Zambi kanambe ngwenyi: “Tweyenu haliabwila tulivwe, chibwe milonga yenu yachila naye ngee, kumuyibwa yitoma ngwe chiwe. Chibwe yibeka yenu ya mu mbunge yahiana naye kuchila, kumuyibwa yitoma ngwe Wanda.

Izaya 1:21

Limbo lize liabwile lia kushishika, hilialumuka lia utanji! Hatangu liazalile ni akwa ululi, alioze haliabwila himwasala lume akwa kushiha atu.

Izaya 16:5

Mba umwe wa ku vungu lia David makabwa mwanangana; makayula atu ni umwenemwene ni zango. Makalinga nikawashi chize chinalite; makabatwila atu ni ululi.)

Izaya 32:11

Hinunayuku, te kunushi yibikalo. Alioze haliabwila, hichikimenu ni woma! Zulenu mahina jenu lifukulenu, nuzale mianji mu zalilo jenu.

Izaya 41:21

Mwene Zambi, mwanangana wa Aisraele, kanambe ngwenyi: “Yenu mazambi ja mavungu, lwezanenu chikuma chenu. Ambululenu uchela wenu!

Izaya 55:6

Fupenu Mwene Zambi ha shimbu lize munuhasa kumumona, mutambikenu shimbu uchili hehi.

Izaya 61:8

Mwene Zambi kanambe ngwenyi: “Nakuzanga ubatwilo uze unalite, nakuvutwokela wiji ni uhenge. Mungukakundulula atu jami nikulita ni ululi wo, ni kukolesa no Usendo ku miaka yeswe.

Izaya 66:2

Kwoko liami kuliatangile yuma yeswe, nyi? Nakuwahilila ni waze akulikehesa ni akwalumuka ku mbunge, waze akungulemesa ni kungwononokena.

Jeremia 22:3

“Yami, Mwene Zambi, ngunanwambe ngwami, lingenu ni ululi ni chize chinalite. Nyi atu anambe kutambula yuma ya mbala ni uhenge, mukwasenu. Kanda nulinga ni uhenge hanji kubinjisa tundaka, ni ana a shiwa, ni mapwo waze haanafwisa malunga; kanda nushiha atu waze keeshi mulonga homa hano ha chijila.

Jeremia 23:29

Maliji jami kaali ngwe kahia, hanji ngwe mweto uze wakubalwola mawe.

Jeremia 36:16

Muze hautanga, yaalihanjikisa umwe ni mukwo ni woma, yaambila Baruke ngwo: “Chatutamba kutwala mukanda uno kuli mwanangana.”

Ezekiel 45:9

Mwene Zambi yamba ngwenyi: “Yenu akwa kuyula ja Israele, hasuku nwachiza kuvulumuna! Litwaminenu upupilo wenu ni kubinjisa chenu. Lingenu chibema ni chize chinalite. Kuchanutambile nawa kuhanga atu jami ku chifuchi cho. Yami Mwene Zambi nanwamba cho.

Daniel 12:2

Anji a kuli waze haanafu kulu kumaakahinduka nawa: amwe kumaakawahilila ni mwono wa miaka yeswe, akwo kumaakevwa sonyi ni sau ya miaka yeswe.

Daniel 4:27

Vulie mwanangana! Banjikenu maliji jami. Litwaminenu kuvulumuna, nulinge yize yinalite, nwivwile yiswale keke, mba tangwa likwo munuwaha.”

Daniel 5:30

Ha ufuku uzewene akwa kole yaashiha Belshazare mwanangana wa Babilonia.

Hosea 10:12

Ngwami: ‘Limenu mavu aha, litumbilenu mihuko ya ululi, hanga nuhele mihuko ya yiwape ya kukunjika chenu kuli yami. Tangwa hiliaheta lia kutewulukila kuli yami Mwene Zambi yenu, mba mungunuwahisa.’

Hosea 10:4

Kaakwokesa maliji amokomoko, kaakulakenya alioze keeshi kuyilinga, kaakukolesa Usendo alioze kuushi kulinduluka. Ululi hiwalumuka uhenge, hiwoka ngwe mihuko ya ulembe mu mihanga yakulima.

Hosea 7:5

Ha tangwa lia chiwanyino cha mwanangana, atu kaakuzengewesa mwanangana ni akwa lutwe jenyi ni vinyu aapwise yihepuke.

Amose 5:24

Tayizenu ubatwilo wenu ulite upukumuke ngwe meya a mu lwiji, ni ululi wenu ngwe lwiji yoze keshi kuma.

Amose 6:12

Tuvwalu kaakuzomboka ha yimawe, nyi? Atu kaakulima ni ngombe ha kalunga lwiji, nyi? Alioze yenu hinwalumuna ubatwilo uze unalite kubwa ulembe, ni ululi kubwa uhenge.

Habakuke 3:16

Ngunevu yize yeswe ni kuchikima; mivumbo yami yinachikima ni woma. Mujimba wami hiwahongonoka, molu jami kaanabengwoka. Mungulihumikiza ni kutwaminyina tangwa lize Zambi makamwesa lamba waze akulimika ni yetu.

Hagai 1:2

Mwene Zambi Mukwa Ndundo Jeswe yambila Hagai ngwenyi: “Atu wano kaanambe ngwo, uno hi mwaka Ubema ko wa kutungulula zuwo lia Zambi.”

Mateu 22:5

Alioze waze alakenyene yaachilelesa, yaayaya ku milimo yo, awu ku munda wenyi, awu ni kulanjisa yuma yenyi,

Yoano 16:8

Muze makeza, makakumika akwa hashi ha shili, ni ha ululi, ni ha ubatwilo wa Zambi.

Yilinga 10:42

Yatwaha Shimbi ya kwambujola kuli atu ni kushindakenya ngwetu, Yesu mwe asele ngaji ya amwono ni ya waze haanafu kulu.

Yilinga 17:13

Alioze, muze Ayuda a ku Tesalonika heevwa ngwo, Paulu kanambujola maliji a Zambi ku Berea, yeeza nawa kwe kuze ni kubinjisa ni kuvundula mbunga.

Yilinga 17:2

Paulu, nikulita ni ndako yenyi, yanjila mo, yalongesa Mukanda wa Zambi matangwa atatu a kuhwima,

Yilinga 17:32

Muze heevwa sango ja uhindukilo wa afu, akwo yaamuseha, alioze akwo ngwo: “Mutukakwivwa tangwa likwo nawa.”

Yilinga 2:37

Muze atu haachivwa, yaalibikala mu mbunge, yaahula Petulu ni tunganda twa Yesu ngwo: “Akwetu, kuchi kevwe mutulinga?”

Yilinga 24:15

Nakufuliela Zambi, ngwe ayo ene, ngwami, akwa ululi ni yihenge, eswe aali maakahinduka ku kufwa.

Yilinga 24:26

Yasa nawa mbunge ngwenyi, hanji Paulu mamwaha mbongo. Kashika yamutambika kanji nikuhanjika nenyi.

Yilinga 26:28

Agripa yamwamba Paulu ngwenyi: “Hasala hakepe Unanyongo kungupwisa mukwa Kristu, nyi?”

Yilinga 9:6

Alioze katuka unjile mu limbo. Kwenako maakakwambulwila chize Chakutamba kulinga.”

A-ROMA 12:1

Kashika, akwetu, mumu Zambi hanasolola keke yenyi kuli yetu, ngunaliumbu kuli yenu ngwami, nulihane yenwene ngwe mulambu wa mwono kuli Zambi, mulambu wa kulinanga, uze wakumubemena. Wenawo, we uwayilo wamwenemwene uze unamutela.

A-ROMA 14:12

Ha chino, mutu mweswe hakachi ketu makalumbununa milonga yenyi mwene kuli Zambi.

A-ROMA 2:16

Chenacho muchikabwa, nikulita ni Sango Jibema jize nakwambujola, ha tangwa lize Zambi makabatula yuma ya kuhengeka ya atu. Zambi makayibatula kuli Yesu Kristu.

1 Korintu 4:5

Kashika, kanda nubatwila niumwe, muze tangwa kanda lichiheta. Ubatwilo wakusula chatamba kushimbwila ndoo muze Mwene Yesu makeza. Iye makasolola mu pangu yuma yize yahengamine mu milima, makasolola manyonga waze ahengamine mu mbunge ja atu. Mba Zambi makachichimieka mutu ni mutu chize chinalite.

2 Korintu 5:10

Mumu yetu eswe chatutamba kumana kulutwe ha chitwamo cha ubatwilo cha Kristu, hanga mutu mweswe akatambule chize chinamutela, nikulita ni chize alingile mu uutu wenyi, chibwe chibema chibwe chibi.

2 Korintu 6:2

Mumu Zambi hanambe ngwenyi: “Ha ola ya utu wami nakubanjikile. Ha tangwa lia ulamwino nakukwashile.” Tala, yino ye ola ya utu wa Zambi; musono lie tangwa lia ulamwino!

Galashia 3:22

Alioze Mukanda wa Zambi unambe ngwo: “Akwa hashi eswe kaali mu chiyulo cha shili, hanga chawana chize alakenyene Zambi chikabwe cha waze akufuliela Yesu Kristu.”

Galashia 5:23

ni uhomboloji, ni kulihumikiza. Shimbi kujishi kulimika ni yuma ngwe yino.

2 Timoteu 4:1

Ngunakwehe Shimbi ku meso ja Zambi ni ku meso ja Kristu Yesu, yoze makabatwila atu eswe, a mwono ni afu, muze makasoloka mu Wanangana wenyi. Ngwami,

Titu 1:8

alioze mukwa kuzumbula ngeji, mukwa kufwila yibema, mukwa kuliyula, mukwa ululi, mukwa kulinanga, mukwa kusuula.

Hebreu 12:21

Usolwelo uze amwene wabwile Chuma cha woma Wahiana. Chibwe Mose iye mwene yamba ngwenyi: “Ngunachikima ni woma!”

Hebreu 3:13

Alioze tangwa ha tangwa litakamisenu ni akwenu, hanga shili kuyichi kwonga niumwe hakachi kenu, kuchina makalisa mbunge yenyi. Matangwa eswe muze munwivwa ngwo: “musono,” chanutamba kulishinjila ni akwenu.

Hebreu 4:1

Zambi hanatulakenya chilakenyo ngwenyi, mutuhasa kunjila mu uhwimino wenyi. Twivwenu woma, nyi ka, umwe hakachi kenu mahona kunjila mu uhwimino uze.

Hebreu 6:2

ni upapachiso weka ni weka, ni kusa moko hali atu, ni uhindukilo wa afu, ni ubatwilo wa miaka yeswe.

Hebreu 9:27

Mutu mweswe chamutamba kufwa chisuho chimuwika, mba Zambi makamubatwila.

Tiangu (Jake) 2:19

Unafuliela ngwe, kwali Zambi umuwika, nyi? Chinabeme. Mwiku wa luchisa wakuchifuliela nawa ni wakuchikima ni woma.

1 Petulu 3:15

Alioze lemesenu Kristu mu mbunge jenu, mupwisenu Mwene wenu. Lilulikenu matangwa eswe ha kukumbulula waze akunuhula ha kunyingika ku chize nwakusa mbunge.

2 Petulu 1:6

Ku yinyingi wezenu kusuula. Ku kusuula wezenu kunyongonona. Ku kunyongonona wezenu ko ndako ya uzambi.

1 Yoano 3:10

Kulituchika mukachi ka ana ja Zambi ni ana ja Sakwonga chakubwa ngwe chino, yoze keshi kulinga ululi, chibwe keshi kuzanga mukwo, hi mwana wa Zambi ko.

1 Yoano 3:7

Ana jami, niumwe kanda anwonga! Yoze wakulinga ululi, neye mwene kali mukwa ululi, ngwe Kristu kali mukwa ululi.

1 Samuel 12:7

Kashika haliabwila manenu, ngunusume mulonga ku meso ja Mwene Zambi ni kunwiwulula yitanga yinene yeswe yize hanalingi muze anulamwinyine yenu ni tushakulu twenu.