Yilinga 24:16 - Mukanda Wa Zambi 1970

¹⁶ Che chikuma chino ni yami nawa nakulifumba, hanga ngukabwe ni mbunge yibema ku meso ja Zambi ni atu.

MUKANDA USANDU WA ZAMBI 1975

¹⁶ Ha chikuma chino yami nawa nakulifumba, hanga ngukapwe ni mbunge yize kuyishi chitalingiso kumeso ja Zambi ni atu.

Yilinga 24:16 Iomraidhean Croise

Yilinga 23:1

Paulu yahulikila meso ku Mbunga ya Ngaji ja Ayuda, yamba ngwenyi: “Akwetu, manyonga jami keeshi kunguhisa ku meso ja Zambi hakutwala ku mwono wami ndoo ku tangwa lino.”

A-ROMA 2:15

Yitanga yo yakulweza ngwo, chize Shimbi jinambe hichinasonewa mu mbunge jo. Mbunge jo nawa jakushindakenya chikuma chino, mumu manyonga jo yisuho yikwo kaakwahisa, yisuho yikwo kaakwasambisa.

A-ROMA 9:1

Ngunahanjika umwenemwene, nguli wa mbala wa Kristu. Mbunge yami, yize Mwiku wa Linanga wakusongwela, yinangushindakenya nawa ngwenyi, Chishi kuhanjika mahuza.

1 Korintu 10:32

Kanda nubwa chitalingiso kuli atu akwo, chibwe Ayuda, chibwe waze hi Ayuda ko, chibwe ku Chikungulwila cha Zambi.

1 Korintu 4:4

Manyonga ja mu mbunge yami keeshi kunguhisa, alioze chibwe chize chahashile kulisambisa. Mwene Yesu mwe wakungubatwila.

2 Korintu 1:12

Ha chikuma chino twakulisamba ngwetu, manyonga jetu kaakutusongwela chize tubwa hano hashi, ni chize twakuliendela nenu. Chinalite ni umwenemwene ni ulinange ku tachi ja utu wa Zambi, alioze hi kuliendela ko ni mana ja atu.

2 Korintu 4:2

Hitunehuka yuma yeswe ya kuhengeka ni ya sonyi. Kutushi kwonga atu, kutushi kwalumuna maliji a Zambi. Yuma yize twakulinga kutushi kuyisweka, mumu yili yamwenemwene. Twakuyilinga ku meso ja atu eswe ni ku meso ja Zambi, hanga mutu mweswe ayifuliele mu mbunge yenyi.

1 Tesalonika 2:10

Yenu nuli yela jetu, ni Zambi nawa, hakutwala ku ndako yetu hakachi kenu, akwa kufuliela. Ndako yetu yabwile yibema, ni ya ululi, ni kuyishi chibeka.

1 Timoteu 1:19

Funga ufulielo ni manyonga abema. Atu akwo haanehuka manyonga abema. Kashika haanatokesa ufulielo wo.

1 Timoteu 1:5

Ngunazange atu alinge chino ngwami abwe ni zango lize liakutuhuka mu mbunge yitoma, ni ku manyonga abema, ni ku ufulielo wamwenemwene.

1 Timoteu 3:9

Chaatamba kwononokena ni mbunge yibema umwenemwene uze asolwele Zambi hakutwala ku ufulielo.

2 Timoteu 1:3

Ngunasakwila Zambi, yoze nakulingila ni mbunge yibema, ngwe chize alingile tushakulu twami. Nakumusakwila muze nakunwiwuluka mu yilemba yami, ufuku ni mwalwa.

Titu 1:15

Kuli abema, yuma yeswe yili yibema, alioze kuli akwa luchisa ni waze keeshi kufuliela, kukushi chibema nichimwe mumu malinjekela jo ni manyonga jo haanabihia.

Hebreu 10:22

Kashika tukundamenu kuli Zambi ni mbunge yamwenemwene, ni ufulielo wa tachi, ni mbunge yakubemesa, ni mujimba wakusanyisa ni meya abema.

Hebreu 13:18

Nyongononenu ni kutulembela Zambi. Tunanyingika kanawa ngwetu, tuli ni manyonga waze keeshi uhiso, mumu tunazange kulinga kanawa matangwa eswe.

Hebreu 9:14

Nyi chili Chenacho, manyinga a Kristu kaanahiana tachi! Ku tachi ja Mwiku wa miaka yeswe hanalikunjika kuli Zambi ngwe mulambu ungunu. Manyinga jenyi mabemesa mbunge jetu ku yitanga yamokomoko, hanga tukahase kvumbika Zambi ya mwono.

1 Petulu 2:19

Nyi atu akwo maanumwesa lamba lize kuchalitele kumona, hindu munulihumikiza mumu nunanyingika upale wa Zambi, Zambi makanuwahisa.

1 Petulu 3:16

Alioze Chilingenu ni uhomboloji ni vumbi. Bwenu ni mbunge yibema, hanga waze akunushililika ha yitanga yibema yize nwakulinga mumu nuli akwa Kristu, akevwe sonyi.

1 Petulu 3:21

Meya aze kaanalifu ngwe upapachiso uze unanulamwina haliabwila. Upapachiso kuushi kuchiza majilo ja mujimba, alioze kuuli chilakenyo kuli Zambi ni mbunge yibema. Kuwakunulamwina ku uhindukilo wa Yesu Kristu ku kufwa.